Kạhtukko 8:24 - সান্তালী বাইবেল

²⁴ Tinre jãhãn jalapuri baṅ tahẽkana, ar dakʼte perecʼ jharna baṅ tahẽkana, unre iń doń janamlena.

Kạhtukko 8:24 Iomraidhean Croise

Genesis 1:2

Unre dhạrti do nonkan muṭhạn bae ńamakatʼ tahẽkana, onare jiwiyanakʼ mente jãhãnakʼ cetʼge baṅ tahẽkana; ar ńut do athantar dakʼ cetanre tahẽkana. Ar Isorren Jiu do ona dakʼ cetanreye manḍrao baṛaekan tahẽkana.

Jobakʼ 38:16

“Jalapuri reakʼ jharnako ṭhen cetʼem bolo akana, se doreão reakʼ tulirem dãṛã akada?

Sereńko 2:7

Raj doe mena, Probhu Isor okae gathao akatʼ Iń do onań lại jạhira; Uni doe metadińạ, am dom ińren hopon kana, teheńge iń do amren apatiń hoyena.

Exodus 15:5

Onko do khạndri dakʼreko loṭomena dhiri leka jalapurireko tạpukʼena.

Kạhtukko 3:20

Uni do ạkilte ot latar khon dakʼe oḍok ocoyeda, ar serma khon ṭhopʼ ṭhopʼ sisir dakʼe ńur ocoyeda.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Johan 3:16

“Isor do dhạrtirenko nonkae dulạṛketʼkoa acʼren eskar janam Hopongeye emkedea, jemon unire pạtiạukʼ mitʼke mitʼ hoṛ aloko nosṭokʼ bickom jaejug jion tahentako.

Johan 5:20

Baba do Hopone dulạṛede kana ar acʼ jãhãnakʼgeye cekayetʼ, ona jotowakʼge Hopone ńel ocoyedea. Uni do noako khon hõ maraṅ maraṅakʼ kạmiko Hopone udukʼaea, jemon Hoponakʼ sanam kạmiko ńeltepe hahaṛakʼ.

Ibriko 1:5

Isor do jãhãtis cetʼ jãhãe serma goḍet noa kathae men akawadea, “Am do ińren hopon kanam, teheńge amren apatiń hoyena?” Arhõ uni do cetʼ noae men akada, “Iń do uniren apatiń hoyokʼa ar uni do ińren hopone hoyokʼa?”

1 Johan 4:9

Abo lạgitʼ Isorakʼ dulạṛ do nonkate sodor akana, uni do acʼren eskar janam Hopon noa dhạrtiteye kolkedea jemon uni hotete jion bon ńam.