Kạhtukko 8:20 - সান্তালী বাইবেল

²⁰ Iń do dhorom reakʼ horteń taṛameda, ar dhorom bicạr reakʼ horreń dãṛãnkana.

Kạhtukko 8:20 Iomraidhean Croise

Sereńko 23:3

Uni do nãwã daṛeye emạń kana; ar acʼakʼ ńutum iạte dhorom horteye sotokʼ idiyedeń kana.

Sereńko 32:8

Iń Probhu Isorge bud ar akeliń ema ma ar okaṭakʼ horte calakʼ hoyokʼtam onań udukʼama; ariń beṅgetʼama ariń solhawama.

Kạhtukko 2:20

Ạkilge onako khone rukhiyạmea jemon bhage hoṛkoakʼ horte, Isor botoraekankoakʼ hortem taṛam daṛeakʼ.

Kạhtukko 2:9

Ińakʼ katham ańjomle tiń khan, enḍekhan okaṭakʼ do lek reakʼ, okaṭakʼ do hok reakʼ, okaṭakʼ do dhorom reakʼ ar okaṭakʼ do bhạlại reakʼkan ona jotowakʼ reakʼ horkom bujhạu daṛeakʼa;

Kạhtukko 3:6

Amakʼ calakʼ horre uni do samaṅre dohokaeme; unige amakʼ sanam horkoe sojheytama.

Kạhtukko 6:22

Calakʼ jokhecʼ ona do hore udukʼama, ar jạpitʼ jokhecʼ ame horhomea arem ebhenlen khan am sãote kathae roṛa;

Kạhtukko 8:19

Sona khon hõ, khạṭi sona khon hõ iń emakʼ jo do bhagegea; iń okań emokʼkan ona do bachao akatʼ rupạ khon hõ khạṭigea.

Kạhtukko 8:21

Okoe ińko dulạṛiń onko do dhon duribko ńama; ińge onkoakʼ murạikoń perecʼkatakoa.

Jesaea 2:3

Jạt jạtren hoṛ do hecʼkateko mena, “Dela, abo do Probhu Isorakʼ burute bon rakapʼlenge, dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ kathage.

Jesaea 49:10

Onko do baṅ reṅgecʼkoa, ar baṅ tetaṅkoa se hahaṅkar reakʼ lolo se siń cando reakʼ jharla jhạrli setoṅ hõ baṅ paṛaoakoa. Onko cetanre okoeye mãyãkʼkan unige hore udukʼakoa ar dakʼ jharna ṭhene ạyur idikoa.

Jesaea 55:4

Ńelpe, jạt jạtrenko lạgitʼ uni do mitʼṭecʼ goha lekań teṅgo akadea, hoṛkoren mitʼṭecʼ ạyuricʼ ar cakʼlaoicʼge.

Johan 10:3

Bhiḍikoakʼ khạṛ okoeye horhoyetʼkan uni do gupiyicʼge duạre jhicʼaea. Bhiḍiko do uniyakʼ aṛaṅko ańjomtaea, ar gupiyicʼ do acʼren bhiḍiko ńutum ńumkateye hohowakote bahreteye oḍok idikoa.

Dosar Biboron 5:32

“Onate aboren Probhu Isor do ape okaṭakʼ cekae lạgitʼe hukum apekan ona do joton salakʼ manao hoyokʼtapea; ar ona khon do bape ghańjeṛ daṛeakʼa.

Johan sodor 7:17

ente Bheḍa Hopon okoe do siṅghạsonre menae unige onkoren gupiyicʼe hoyokʼa. Ar jiwetʼ dakʼ reakʼ jharna ṭhene idikoa, ar Isor do onkoakʼ mẽtʼdakʼe jodtakoa.”