Kạhtukko 8:15 - সান্তালী বাইবেল

¹⁵ Rajko do iń hotete rajosṭiko calaoeda, ar mukhiyạko do hokte perecʼ ạnko benaoeda;

Kạhtukko 8:15 Iomraidhean Croise

1 Rapajko 10:9

Amren Probhu Isorakʼ sarhaoge baṛe hoyokʼtae ma, one okoe do am cetanreye kusi akante Israelakʼ siṅghạsonreye duṛupʼ akatʼme. Uni do Israelko jaejug hạbicʼe dulạṛetʼkote hok bicạr ar dhorom rukhiyại lạgitʼgeye raj akatʼmea.”

1 Rapajko 3:28

Rajakʼ bicạr ańjomkate Israelren sanamkoakʼ monre raj cetanre botor caṛhaoena, ente onkoko ńelkeda, bicạr chinḍạu lạgitʼ Isor do monre ạkile emakawadea.

1 Rapajko 3:9

Onate amren hoṛko ḍanṭaoko lạgitʼ okaṭakʼ ṭhik ar okaṭakʼ do bhul kan ona baḍae lạgitʼ amren gutiyakʼ ontorre bujhạu lạgitʼ daṛe emaeme; ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”

1 Rapajko 5:7

Hiram do Solomon ṭhen khon niạ katha ańjomkate ạḍi kusiyenteye menkeda, “Teheń do Probhu Isorakʼge sarhao hoyokʼtaema, ente noko maraṅ jạtrenko cetanre rajokʼ lạgitʼ Dạud do nonkan mitʼṭecʼ ạkilan hopone dan akawadea.”

1 Bõsbudạ 28:5

Uni do aema hoponkoe emadińa, ar onko hoponińko modre Probhu Isorakʼ rajosṭi Israelakʼ siṅghạsonre duṛubokʼ lạgitʼ uni do ińren hopon Solomone bachao akawana.

2 Bõsbudạ 1:10

Iń do bud ar ạkil imạńme jemon ińakʼ dạyikiń purạu daṛeakʼ, ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”

2 Bõsbudạ 1:11

Unre Isor do Solomone metadea, “Amakʼ mon reakʼ sana do bhagegea. Am do dhon-durib, sonman se bạirikoakʼ gujukʼ hõ bam khoj akada, se ḍher dinem bahaokʼ reakʼ hõ bam khoj akada. Ona khon boroṅ amren okoe hoṛko cetanreń raj akatʼme onko ḍanṭaoko lạgitʼ bud ar ạkilgem khoj akada.

Sereńko 2:10

Onate E rapajko, ńitokʼ do bujsuj salakʼ calakʼpe; Dhạrtiren disạm cakʼlaoko, ape do sontorokʼpe.

Sereńko 99:4

Okoe raj do dhorom bicạre kusiyakʼ uniyakʼ daṛe do amgem ṭarhao akatʼtaea, jemon uni do dhoromteye bicạr daṛeakʼ. Amge Jakob bõsrenko talare hok bicạr ar dhoromem dohoakada,

Kạhtukko 29:4

Hok reakʼ bicạr iạte raj do disạme ṭarhao daṛeakʼa, menkhan okoe ghuse kusiyakʼ uni do disạme jarkhara.

Kạhtukko 8:16

Iń hotete rapajko ar cetan hudạren hoṛ do mạlikiko calaoeda; onko joto do bicạrakʼko kạmikana.

Jesaea 1:26

Lahateakʼ dinko leka iń do disạm cakʼlaoko ar sopolhakoń emama; ar ona tayom do dhorom reakʼ nagraha, ar kũạri nagraham men ocokʼa.”

Jirimiạ 33:15

Onako dinre ar onako oktere iń do Dạudakʼ bõs khon mitʼṭecʼ dhorom reakʼ mitʼṭecʼ ḍạr iń omon ocoya; uni do dhạrtire dhorom ar sạriyakʼteye bicạra.

Daniel 2:21

Unige okte ar nạpitko acʼakʼ tabereye dohoyetʼkana; unige rapajko siṅghạsonreye duṛupʼetʼkoa are ńur ocoyetʼkoa. Uni do ạkilanko ạkile danako kana ar budanko do bude emakokana.

Daniel 4:25

Am do hoṛko tala khonem laga ńir ocokʼa ar janwarko sãotem tahena; am do ḍaṅgra leka ghãsem joma ar serma reakʼ sisirdakʼtem lohodokʼa. Nonkate eae bochor hạbicʼ calakʼa, one tin hạbicʼ bam aṅgocʼ manwakoakʼ rajosṭi cetanre maraṅ Isorgeye rajokʼkana mente ar onako rajosṭi do acʼ okoeye kusiyae unigeye emaekana.

Daniel 4:32

Am do hoṛko tala khonem laga ńir ocokʼa ar janwarko sãotem tahena; ar ḍaṅgra leka ghãskom joma. Ar tin hạbicʼ bam aṅgoc maraṅ Isor do manwakoakʼ rajosṭiko cetanreye rajokʼkana ar onako rajosṭi do acʼakʼ kusi lekae em akokana unhạbicʼte eae bochor do parom calakʼa”

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.

Romiko lạgitʼ Pạul Apostolakʼ ciṭhi 13:1

Sanamkoge disạm cakʼlaoko tabereko tahenma; ente Isor okoeye hoeocoye uni chaḍa ar okoe hõ ektiạrianicʼ do bae hoedaṛeakʼa. Isorge disạm cakʼlaokoe bahal akatʼkoa;

Johan sodor 19:11

Tayomte iń do serma jhicʼ akan, ar onḍe mitʼṭen ponḍ sadomiń ńelkedea. Ar okoe uni sadomreye decʼakan tahẽkan uniyakʼ ńutum do pạtiạr ar sạriyicʼ. Uni do dhoromteye bicạreda are lạṛhại kana.

Johan sodor 19:16

Ar uniyakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”

1 Samuel 16:1

Probhu Isor do Sạmuele metadea, “Sạul do Israelkoren raj mente doń nihạ̃t giḍiakadea, onate am do ar tinạkʼ din uni lạgitʼem dukokʼa? Am do ńitokʼ dereńre sunum hataokate oḍokokʼme. Ente iń do Bethlehem atoren Jisại ṭheniń kolmea. Uniren hoponko mod khon iń ńutumte mitʼṭen raj hoyokʼ lạgitʼ iń bachao dohoakadea.”

1 Samuel 9:17

Probhu Isor do Sạule ńelkede khan Sạmuele metadea, “Ńelme, nui kangeae uni hoṛ do, one uni reakʼ kathań lạiyatʼme tahẽkan. Nuige ińren hoṛkoe bicạrkoa.”