Kạhtukko 6:29 - সান্তালী বাইবেল

²⁹ Okoe hoṛ eṭakʼ maejiu ṭhene bolokʼ uniyakʼ dosa do onkage hoyokʼtaea; ar uni do jãhãe maejiugeye joṭede enḍekhan sạjại doe ńamtegea.

Kạhtukko 6:29 Iomraidhean Croise

Genesis 20:2

Onḍe acʼren bạhu Sara do arhõ acʼren misera menteye lạikedea. Ona iạte onḍenicʼ Abimelek raj do hoṛ kolkate Sara acʼ ṭhene ạgukedea.

2 Samuel 11:27

Ado homor halaṅ reakʼ okte sạten khan Dạud do acʼakʼ oṛakʼte uniye ạgukedea. Ar acʼren bạhui hoyena ar mitʼṭen gidrại janamkedea. Menkhan Dạud okae cekaketʼ onate Probhu Isor do bae kusilena.

2 Samuel 16:21

Ahitophel doe roṛ ruạṛketʼteye menkeda, “Raj oṛakʼ horhoe lạgitʼ ạpum do acʼren okoe chuṭki erakoe bạgi oṭoakatʼko am do onko tulucʼ giticʼ midokʼme. Enḍekhan Israelren sanam hoṛko baḍae daṛeakʼa, am do amren ạpum ṭhen hirkhạwạnicʼem hoyokʼa. Onate am sãoten sanam hoṛ doko am sejokʼa.”

Exodus 20:17

“Eṭakʼ hoṛakʼ oṛakʼ duạr, se bạhutae, se gutitae se kạ̃ṛmĩtae, se ḍaṅgratae se gadhatae ar jãhãnakʼ cetʼge alom lalocakʼa.”

Kạhtukko 16:5

Bạḍại monan hoṛ do Probhu Isore hirkhạwako kana; khạṭige baḍaepe onko do sạjạiko ńama.

Kạhtukko 6:28

Ar jolokʼkan aṅgra cetante okoeye taṛam enḍekhan uniyakʼ jaṅga hõ cetʼ baṅ lokʼtaea?

Jeheskel 18:6

ar buru cetan reakʼ than boṭkocʼkore bae jom-ńũi khan, se Israelkoren jãhãn boṅga muṭhạnko bae ḍobokʼako khan, ar aḍepaseren hoṛren oṛakʼ hoṛ bae bạṛicʼede khan, se candoteakʼ hoyokʼkantae maejiu sãote bae giticʼmidokʼ khan,

Jeheskel 22:11

aḍepaseren hoṛren bạhutetʼ sãote, kimintetʼ sãote ar kạki gogoren hoponera sãoteko laṭghaṭetʼ kan.

Jeheskel 33:26

Ape do apeakʼ tarwaṛe cetanrepe bhorsakʼ kana, ar bạṛicʼakʼpe kạmikana ar aḍepaseren mimitʼ hoṛkoren bạhupe nosṭoyetʼkoa; enḍekhan ape do cetʼ disạmren ạidạrikope hoyokʼa?’

Levitikus 18:20

Eṭakʼ jãhãe hoṛren bạhu sãote giticʼmidokʼte apnar besaphakʼ hõ baṅ ganokʼa.

Levitikus 20:10

“Jãhãege acʼ aḍepaseren maejiu sãote, metakʼme eṭakʼ jãhãe hoṛren bạhu sãote aloe laṭghaṭ ma, ar baṅ khan laṭghaṭicʼ ar loṭghuṭiyicʼ unkin bana hoṛgekin gocʼ ocokʼa.

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

1 Korinthiko 7:1

Ape okako reaṅpe ol akawạdiń, ona reakʼ roṛ ruạṛiń emape kana. Okoe bae baplakʼ enḍekhan uni doe bhageyetʼgea;