Kạhtukko 6:21 - সান্তালী বাইবেল

²¹ Jaejug hạbicʼ amakʼ monre rebetʼ dohoyme, ona do amakʼ hoṭokʼre bedhaokakʼme.

Kạhtukko 6:21 Iomraidhean Croise

Exodus 13:16

Noa do nonkan mitʼṭecʼ cinhạ hoyokʼa oka do ti ar moloṅ reakʼ cinhạ lekae disạ ocomea, Probhu Isor do acʼakʼ daṛete Misor disạm khone oḍok ạguketʼbona.’ ”

Exodus 13:9

Nonkate Probhu Isorakʼ emakʼ noa hukum reakʼ kathape cetʼakoa. Noa niạm manao do nonkan mitʼṭecʼ cinhạ hoyokʼa one ona do ti ar moloṅ reakʼ cinhạ lekae disạ ocopea, Probhu Isor do acʼakʼ daṛete Misor disạm khone oḍok ạguakatʼpea.

Kạhtukko 3:3

Pạtiạr ar dhorom do tishõ aloe bạgiwam ma; amakʼ hoṭokʼre onako bedhao dohokakʼme, ar amakʼ ontorre hõ ol dohokakʼme.

Kạhtukko 4:21

Kathako do am khon alom danaṅ ocowakʼa, ona do amakʼ ontorre rebetʼ dohoyme.

Kạhtukko 4:6

Ạkil do alom bạgi giḍiyakʼa, onage am doe horho jaṅgemea; ona dulạṛme, onageye rukhiyạmea.

2 Korinthiko 3:3

Apege Mạsiyakʼ ciṭhi ar aleakʼ kạmiko reakʼ jo kanpe ona do pusṭạutege ńelogokʼ kana. Noa ciṭhi kạlite olakʼ do baṅkana menkhan jiwetʼ Isorren Jiu hotetege olakana. Noa do jãhãn dhiri paṭare baṅ olakana, menkhan manwakoakʼ ontorrege olakana.

Dosar Biboron 6:8

Ar dikʼsạ dohoy reakʼ cinhạ lekate ona do apeakʼ tirepe tolkakʼa ar mạndạli leka cạndirepe dohoya.