Kạhtukko 6:17 - সান্তালী বাইবেল

¹⁷ bạḍạite perecʼ mẽtʼ, eṛe alaṅ, miridoskoakʼ mãyãme joro ocoyicʼ ti,

Kạhtukko 6:17 Iomraidhean Croise

2 Rapajko 21:16

Inạ chaḍa Manase do bin dusạn hoṛkoakʼ mãyãm nunạkʼe joro ocoakada je, ona mãyãmte Jerusalem reakʼ mitʼ simạ khon eṭakʼ simạna hạbicʼ perecʼlen tahẽkana. Uni do Jihudạren hoṛkoe kại ocoletʼkote onko do Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana.

Sereńko 10:4

Bedhorom hoṛ do ṭheṭamute Probhu Isore neṅghao edeya; uniyakʼ bạṛicʼ monsubạre noa hudisge menakʼa Isor mente ar okoe hõ bạnukʼkoa.

Sereńko 101:5

Okoe danaṅre eṭakʼkoakʼko oktayetʼkan onko doń marao giḍikoa; bạḍại mẽtʼan ar dhomok monankoakʼ hõ bạń sahaotakoa.

Sereńko 131:1

E Probhu Isor, ińakʼ mon do baṅ dhomoka, ar ińakʼ mẽtʼ hõ baṅ koyokʼ pakʼroma; ar ińakʼ lekte napṛakʼ ar hahaṛawakʼre iń do bạń taṛameda.

Sereńko 18:27

Am do nacar jạtrenkom rukhiyạyetʼkoa ar bạḍạiko dom tumbutʼ ocoyetʼkoa.

Sereńko 31:18

Bạḍại ar hirkhạ salakʼ okoe do dhorom hoṛko upạrte bemanot kathako roṛ. Onkoakʼ eṛe luṭi do guṅgạkʼtako ma.

Sereńko 5:6

Ar okoe eṛeakʼ kathako roṛ onko dom marao giḍikoa. Okoere khũn ar eṛe reakʼ monsubạ menakʼ Probhu Isor do onkoe hirkhạwako kana.

Sereńko 5:7

Menkhan iń do amakʼ asambheṛ dayateń bolokʼa, ar amakʼ sonot oṛakʼ secʼ samaṅkate botoram tulucʼ iń ombagokʼa.

Kạhtukko 1:11

Jãhãegeye metam, “Dela ale sãote hijukʼme, ar khũn lạgitʼ dela tãṛãkʼ akae bon tahenma, ar miridos hoṛ sabe lạgitʼ dela bon coko hataṛokʼma.

Kạhtukko 1:16

ente onkoakʼ jaṅga do kại secʼge ńir calakʼ kana, ar mãyãm joro ocoy lạgitʼko thare marekʼ kana.

Kạhtukko 12:22

Eṛeyicʼakʼ mẽtʼãhã Probhu Isor doe kurudakʼ kana, menkhan pạtiạrte kạmikan hoṛ do uniren rạskạ reakʼ kanako.

Kạhtukko 14:5

Pạtiạr goha do eṛe katha bae roṛa, menkhan phạsiạra goha do eṛe kathae roṛa.

Kạhtukko 16:5

Bạḍại monan hoṛ do Probhu Isore hirkhạwako kana; khạṭige baḍaepe onko do sạjạiko ńama.

Kạhtukko 17:7

Nicạṛ monan hoṛkoakʼ maraṅ maraṅ katha roṛ do baṅ sajaokʼa, arhõ cetan hudạren hoṛkoakʼ hõ eṛe roṛ do baṅ sajaokʼa.

Kạhtukko 21:4

Bedhoromkoakʼ mẽtʼ do bạḍạite perecʼgea ar ontor do phulạugea; onkoakʼ diuhege kại kantakoa.

Kạhtukko 26:28

Eṛeyicʼ do alaṅte okoeye ghạl akatʼko onko doe kurudako kana, ar cĩkạ̃ṛ moca do bhaṅla bhaṭe ạgujoṅa.

Kạhtukko 28:17

Okoe hoṛ khũnkate bạṛicʼ cintạreye paṛao akan uni do ạuriye gujukʼ hạbicʼe ńir baṛaea; ar okoehõ aloko goṛowaema.

Kạhtukko 30:13

onkoakʼ mẽtʼ do bạḍạite perecʼgetakoa, ar onkoakʼ beṅgetʼ hõ hirkhạte perecʼgea,

Kạhtukko 6:16

Probhu Isor do eae goṭecʼ jiniskoe kurudakʼkana onako do uni ṭhen hirkhạwakʼ kana;

Jesaea 1:15

Koejoṅ lạgitʼ tinre apeakʼ tipe rakabtapea unre ape secʼ do bạń beṅgeda. Ar ḍherpe koere hõ bạń ańjomtapea, ente apeakʼ ti do mãyãmte perecʼgetapea.

Jesaea 2:11

Ar gorbokʼkan hoṛakʼ beṅgetʼ do tumbutʼ hape ocokʼa hoṛkoakʼ bạḍại do copotʼ ocokʼa.

Jesaea 3:16

Probhu Isor do arhõe meneda, “Sionren maejiu do bạḍạiteko perecʼgea. Onko do hoṭokʼ tiạrkateko beraberi baṛae kana arko bijli baṛayeda; ar chamak chamak taṛamate jhamak jhunur pạigạnko saḍe ocoyeda.

Jesaea 3:9

Unkinakʼ mẽtʼãhãge unkin upạrte gohae emetʼkana; unkin do Sodom reakʼ leka ạkinakʼ ghạṭkin sodoreda, ar bạkin danaṅkakʼ kana. Hae, onko hoṛko do! Onko do apnar cetanrege ghoṭnako paṛao ocoakada.

Jirimiạ 26:15

Tobe noa do khạṭige baḍaekakʼpe, ińpe gocʼ giḍikạńre hõ miridosicʼakʼ mãyãm reakʼ dạyi do ape cetanrege ar niạ nagraha cetanre ar okoe nonḍeko tahenkan onko cetanrege paṛaokʼa; ente noako katha baḍae ocope lạgitʼge Probhu Isor doe kol akadińạ.”

Johan 8:44

Soetange aperen baba do, ar ape do uniren hoponko kanape; onate uniyakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriyakʼre bae teṅgo akana, ente unire do sạriyakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

Dosar Biboron 19:10

Ape do noape nonkaea jemon sompotti lekate okaṭakʼ disạm aperen Probhu Isore emape lạgidokʼkan ona disạm cetanre bin dusạn hoṛkoakʼ mãyãm alo jorokʼ ar mãyãm reakʼ doste ape hõ dusire alope paṛaokʼ.

Dosar Biboron 27:25

‘Sarapangeae uni hoṛ do, okoe do bindusạn hoṛ khun ocoye lạgitʼ ghuse hataoetʼkan.’ Unre sanam hoṛko mena, ‘Amen.’

1 Patras 5:5

Onkage E juạnko, ape do aperen murubbiko tabere tahenpe. Ar jotokoge nindhạn tahente mimitʼko sapʼ sopohotʼpe, ente sonot sostor reakʼ katha leka, “Isor do phulạukʼkankoe teṅgo darametʼkoa, menkhan nindhạnko doe dayawako kana.”

Johan sodor 22:15

Setako lekan bạṛicʼ hoṛko, jạdu udukʼ baṛakanko, loṭghoṭiko, khũniạhiko, murhutʼ sewako, eṛeakʼ dulạṛko ar eṛeakʼ kạmikanko, onko sanamkoge bahrereko tahena.