Kạhtukko 4:4 - সান্তালী বাইবেল

⁴ Unre iń baba doe cetʼạń tahẽkanteye menetʼ tahẽkana, “Amakʼ goṭa ontorte ińakʼ kathako sapʼ dohokakʼme; ar ińakʼ hukumko dohoyme, onate jiwetʼem tahena.

Kạhtukko 4:4 Iomraidhean Croise

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Sereńko 119:11

Amakʼ katha do ińakʼ ontorreń dohoakada, jemon am upạrte aloń kại.

Sereńko 119:144

Amakʼ sanam kathako do jaejug dhoromte perecʼgea; ona bujhạu lạgitʼ daṛe emạńme jemon jiwetʼ iń tahẽ daṛeakʼ.

Sereńko 119:168

Amakʼ ạn ạriko ar sanam kathań senakʼkana, ente ińakʼ jion reakʼ jotowakʼgem baḍaea.

Kạhtukko 22:6

Gidrạ do ṭhik horte taṛam cetʼaeme, uniye haṛamlenre hõ ona hor khon do bae ghańjeṛokʼa.

Kạhtukko 23:26

E bạbu, ińakʼ cecetʼakʼ baṛe moneyakʼme; jemon ińakʼ jion ńeltem rạskạkʼ.

Kạhtukko 3:1

E bạbu, ińakʼ sikhnạt do alom hiṛińa, amakʼ goṭa ontorre ińakʼ hukumko dohoyme;

Kạhtukko 3:2

onate am do ḍher dinem bahaokʼa ar amakʼ do ḍher bhạlại hoyokʼtama.

Kạhtukko 7:2

Ińakʼ hukum dohoyme, ar jiwetʼ baṛe tahenme. Ińakʼ cecetʼakʼ do amakʼ mẽtʼãhã reakʼ moni leka pahra dohoyme.

Jesaea 55:3

Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

Jirimiạ 38:20

Jirimiại roṛ ruạṛkeda, “Onko do bako soprotmea. Iń okań metamkan onam onkaete Probhu Isorakʼ bataotaeme. Enḍekhan amakʼ bhage hoyokʼa, ar amakʼ jiwim bańcaotama.

Johan 12:50

Ińiń baḍaea uniyakʼ hukum do jaejug jion kana. Onate okako kathań roṛetʼkan ona do Babawakʼ hukum lekageń roṛeda.”

Ephesiko lạgitʼ Pạul Apostolakʼ ciṭhi 6:4

E babako, aperen gidrạko alope ạṛis ocokoa, bickom Probhu Isorakʼ ḍanṭao ar sikhạunate hara burukope.

Dosar Biboron 4:9

“Jiwetʼ jonom sontor akae tahenpe ar ape cetanre nojor dohoype jemon mẽtʼte okape ńelakatʼ ona alope hiṛiń ar apeakʼ ontor khon alope meṭao ocoy. Noako ape do aperen hoponko ar goṛom gidrạkope cetʼakoa.

Dosar Biboron 6:6

Niạko hukum okaṭakʼ do teheń apeń emapekan ona do apeakʼ ontorre rebetʼ dohokakʼpe.

2Timothi 1:5

Amakʼ ontorre menakʼ sạri biswạs reakʼ katha hõ disạ menakʼ getińa. Ar noa biswạs do amren goṛom ayo Loisre ar amren eṅgam Eunikere girobas akankin tahẽkana, ar ińiń baḍaea, noa biswạs do amakʼ ontorre hõ menakʼgea.

2Timothi 3:15

Huḍiń tahen khonge am do sonot sostor khonem cetʼakawana. Ar noa sonot sostorge am do Jisu Mạsire biswạs iạte kại khon bańcao ńam reakʼ bude danama.

Ibriko 5:9

Nonkate tinreye sạbit ocoyena unre acʼakʼko bataotae sanamko lạgitʼ jaejug bańcaokʼ reakʼ hore hoyena.

Bikʼcạrko 13:12

Manoho do uniye kulikedea, “Amakʼ kathako tinre purạukʼa unre gidrạ do cetʼlekan jione khemaoa ar uni do cetʼe kạmiya?”