Kạhtukko 4:26 - সান্তালী বাইবেল

²⁶ Amakʼ jaṅgakin reakʼ ḍahar moneyakʼme, inạ khan amakʼ sanam horko do kajakokʼtama.

Kạhtukko 4:26 Iomraidhean Croise

Sereńko 119:5

Ohae! Amakʼ ạn leka calakʼ lạgitʼ ińakʼ monre diṛho akae jemoniń tahen.

Sereńko 119:59

Ińakʼ dãṛãn reaṅ hudiskateń ńelakada, ar onate amakʼ katha secʼ ińakʼ jaṅgań ạcur akatʼtińạ.

Sereńko 37:23

Probhu Isorge daṛean hoṛkoakʼ calakʼ hore ṭhikakoa; ar onkoakʼ jion ńelte uni doe kusikʼa.

Sereńko 40:2

Uni doe rakapʼ ạgukedińa sasette perecʼ khạnduṛuṅ khon dalahe losotʼ reakʼ ghaḍlakʼ khonge. Uni do dhiri cetanreye teṅgokedińa ar keṭecʼ hasa cetanreye taṛam ocokedińa.

Kạhtukko 15:21

Buj reakʼ okulạn okoeyakʼ menakʼ uni do lelhatetʼreye rạskạkʼ kana, menkhan okoeyakʼ buj menakʼ uni do sojhe horteye taṛameda.

Kạhtukko 21:29

Bedhorom hoṛkoakʼ mẽtʼãhãre jãhãn lajao do baṅ ńelokʼa, menkhan dhorom hoṛ do acʼakʼ jion horre taṛam lạgitʼe khạṭigea.

Kạhtukko 23:19

E bạbu, katha ańjomme, ar ạkilan hoyokʼme, ar amakʼ mon do ṭhik horte sen ocoyme.

Kạhtukko 4:25

Amakʼ mẽtʼ do sojhete jemone beṅgetʼkakʼ, ar amakʼ ńeńel do samaṅ secʼ baṛe hoyokʼma.

Kạhtukko 5:21

Manwakoakʼ dãṛãn do Probhu Isorakʼ mẽtʼãhã samaṅre menakʼa; onkoakʼ sanam horko uni doe tạnkhiyeda.

Kạhtukko 5:6

Jion secʼakʼ hor do bae moneyakʼa; uniyakʼ calakʼ hor do baṅ sojhetaea, ar do ona bae baḍaea.

Jeheskel 18:28

Uni do acʼakʼ behok reakʼ katha hudiskate ona khone ruạṛ akante khạṭigeye bańcaokʼa, ar bae gujukʼa.

Hagae 1:5

Iń phạdkoren Probhu Isorgeń meneda, okalekape calakʼkan ona mońjte hudiskate ńelpe.

Hagae 1:7

Onate ape okalekape calakʼkan ona do mońjte hudiskate ńelpe.

Ephesiko lạgitʼ Pạul Apostolakʼ ciṭhi 5:15

Ape cetʼlekape calakʼkan ona reaṅ mońjte hudiskate ńelpe. Bebuj hoṛko leka baṅ calaokate akelanko leka baṛe calakʼpe.

Ephesiko lạgitʼ Pạul Apostolakʼ ciṭhi 5:17

Onateń meneda, ape do bebujko alope hoyokʼa, bickom Probhu Isorakʼ sana cetʼ kana mente ona bujhạu joṅpe.

1 Thessalonikikko 3:13

Enḍekhan uni do apeakʼ ontore kajak ocoytapea, jemon aboren Probhu Jisu do acʼren sanam hoṛko soṅgekateye hijukʼre ape do Isor Baba samaṅre niphuṭ ar sonotkope hoyokʼ.

2 Thessalonikiko 3:3

Menkhan Probhu Isor doe pạtiạrgea; unige ape doe kajak ocopea ar Soetanakʼ ti khone rukhiyạpea.

Ibriko 12:13

Apeakʼ calakʼ hor sojhetape, jemon leḍha hoṛ do ar aloe mackaokʼ, bickome boge ruạṛokʼ.

1 Patras 5:10

Joto secʼteye dayawape kan Isor do acʼakʼ jaejug ṭhonokren bhạgiyạdarko hoyokʼ lạgitʼe hohoakatʼpea, ente ape do Mạsi tulucʼpe kolom mitʼ akana. Ar thoṛa din dukpe jomle anecʼ Isor do acʼgeye sạbit utạrpea are kajak ocopea, daṛeye emapea ar keṭecʼ rehetʼ cetanreye teṅgopea.