Kạhtukko 4:23 - সান্তালী বাইবেল

²³ Jotowakʼ khon amakʼ ontorge pahra dohoyme, ente ontor khonge amakʼ jion reakʼ jotowakʼ do oḍokʼ hijukʼa.

Kạhtukko 4:23 Iomraidhean Croise

2 Rapajko 10:31

Enhõ Jihu do goṭa ontorte Israelren Probhu Isorakʼ ạn-ạriko manao lạgitʼ bae sontorlena. Jerobiam Israelko okakoe kại ocoyetʼko tahẽkan uni hõ ona khon do bae ruạṛlena.

Kạhtukko 11:16

Mońje beoharetʼkan maejiu do manote hameṭ joṅa, ar santaokan hoṛ do dhone hạrjoṅa.

Kạhtukko 13:3

Okoe acʼakʼ mocae sontortae uni do acʼakʼ jiwiye rukhiyạitaea, menkhan okoe begor sontorte kathae roṛ uni doe jarkharokʼa.

Kạhtukko 16:17

Bạṛicʼ khon sahaṛ tahenge dhoromkoakʼ hor do; Okoe hoṛ acʼakʼ jion reakʼ hor secʼe moneyakʼ uni do acʼakʼ jiwiye rukhiyạitaea.

Kạhtukko 22:5

Peṛta hoṛakʼ horre do jạnum ar jhampakoge tahena, menkhan okoe apnarte sontore tahen uni do onako khon sahaṛ akaeye tahena.

Kạhtukko 23:19

E bạbu, katha ańjomme, ar ạkilan hoyokʼme, ar amakʼ mon do ṭhik horte sen ocoyme.

Kạhtukko 28:26

Khaṭo bujan hoṛ do acʼakʼ bujreye bhorsakʼkana, menkhan okoe Isor emakʼ ạkilteye calakʼ uni do khạtirjomae tahena.

Kạhtukko 3:21

E bạbu, bud ar ạkil dohojoṅme, ar onage moneyakʼme.

Kạhtukko 4:7

Ạkilge asolakʼ do ạkil hatao joṅme; ar amakʼ menakʼakʼkote buj kiriń joṅme.

Sosolhayic̕ 5:13

Siń cando latarre mitʼṭecʼ ạḍi bạṛicʼakʼ iń ńel akada- kisạ̃ṛ hoṛ do ḍher dhonko doho jogaogea menkhan sesre ona reakʼ do lokshan hoyokʼa.

Jirimiạ 17:9

“Mon do sanamakʼ khon ṭhokgea, ona do oka lekate hõ baṅ bogekʼa. Manwa ontor do okoe hõ bae bujhạu daṛeakʼa.

Mathae 15:18

Menkhan okaṭakʼ moca khon oḍok hijukʼkan ona do ontor khonge hijukʼ kana, ar onakotege hoṛ doe bhõnḍokʼkana.

Mathae 15:19

Ente ontor khonge bạṛicʼ cintạ, khũn, laṭghaṭ, kombṛo, eṛe goha, ar opomanko do oḍok hijukʼa.

Mark 14:38

Jagwar tahenpe ar koejoṅpe jemon biḍạure alope paṛaokʼ. Ontorre sana menakʼgea, menkhan hoṛmo do nijorgea.

Luk 6:45

Bhage hoṛ do acʼakʼ ontorre perecʼ bhageakʼ khon bhage kathageye oḍok ạguiya, ar bạṛicʼ hoṛ do acʼakʼ ontorre perecʼ bạṛicʼakʼ khon bạṛicʼ kathageye oḍoktaea. Manwa ontor okaṭakʼte perecʼ menakʼ, moca do ona kathageye roṛa.

Dosar Biboron 4:9

“Jiwetʼ jonom sontor akae tahenpe ar ape cetanre nojor dohoype jemon mẽtʼte okape ńelakatʼ ona alope hiṛiń ar apeakʼ ontor khon alope meṭao ocoy. Noako ape do aperen hoponko ar goṛom gidrạkope cetʼakoa.

Ibriko 12:15

Ńelpe, okoe hõ jemon Isorakʼ daya khon aloko eṛanokʼ. Ar hewer haṛhatʼ dare reakʼ rehetʼ leka omon rakabokʼte okoe hõ jemon duk janam ocoyte ḍher hoṛ aloko bhonḍko.