Kạhtukko 31:4 - সান্তালী বাইবেল

⁴ E Lemuel, rapajko reakʼ lek do baṅ kana, darkha rasa ńũi do; ar bubulakʼ ńũi hõ disạm cakʼlaoko lạgitʼ lek anakʼ hõ baṅkana.

Kạhtukko 31:4 Iomraidhean Croise

1 Rapajko 16:9

Simri ńutuman uniren mitʼṭen senaputi do uni upạrteye soṛojontroyetʼ tahẽkana. Elawakʼ tinạkʼ rãt gạḍiko tahẽkan onako reakʼ adha do Simri cetanre bhar tahẽkana. Ela do un jokhecʼ Arsawakʼ oṛakʼre bulokʼ lạgitʼ bubulakʼe ńuńukan tahẽkana. Arsa cetanre do Tirsa reakʼ raj dolanko ńel todarot reakʼ bhar tahẽkana.

1 Rapajko 20:12

Benhadad ṭhen niạ khobor tinre seṭerena unre uni ar eṭakʼ rajko do tạmbure bubulakʼko ńuńukan tahẽkana. Uni do acʼren hoṛkoe hukumatʼkoa, “Jhãp em lạgitʼ sapṛaokʼpe.” Onate onko do nagraha akromon lạgitʼko sapṛaoena.

Ester 1:10

Eaeakʼ dinre Ahasberos raj do darkha rasae ńuketʼ khan ạḍiye kusiyena ar Mohumon, Bistha, Harbona, Bigtha, Abagtha Sethar ar Karkas ńutuman acʼren noko eae goṭen mạ̃yạ̃ṛikoe hukumatʼkoa Bạsti rạni do rạni mukuṭko horokʼaete acʼ samaṅre jemonko oḍok ạguiye. Rạni do ńelokʼte ạḍi napaeye tahẽkante raj do hoṛko ar cetan hudạren kạmiyạko samaṅre uniyakʼ rup ńel ocoetae lạgitʼe menleda.

Ester 3:15

Rajakʼ hukum ńamkate sombat asenko do usạrateko oḍokena ar Susan gaṛrehõ ona hukum lại jạhirena. Ona tayom raj ar Haman do darkha rasa ńũńũkin duṛupʼena ar Susan nagraharen Jihudiko doko hae nisạsena.

Kạhtukko 20:1

Okoe hoṛ darkha rasa ńũkateye bulokʼ uni doe landa dhudhutʼa, ar okoe bubulakʼe ńũi uni doe jhogṛakʼa; noako ńũkate okoeye bulokʼ uni do ạkilan hoṛ doe baṅkana.

Kạhtukko 23:34

Am do jalapurire giticʼ akan hoṛ lekam hoyokʼa, one badam khunṭi coṭreye giticʼ akan hoṛ lekage.

Sosolhayic̕ 10:17

Bhạgangea ona disạm do, one onaren raj doe bhodro hoṛren hoponkan, ar onḍenko mukhiyạko do ńũ bulokʼ lạgitʼ do baṅ menkhan daṛekʼ lạgitʼ oktereko jom ńũiyetʼ kan.

Jesaea 5:22

Hae, onko hoṛ do, okoe doe darkha rasa hoṅgorkoren guru ar bubulakʼ mesalakʼ kạmireko gạkhuṛge,

Habakkuk 2:5

Bạḍạite perecʼ Babel sãote darkha rasa doe bepạtiạr akada, uni doe andesale ocoyedekana. Uni do Seoulre leka lalocicʼ ar gujukʼicʼ leka tishõ bae tirpitokʼa; uni do sanam jạtrenko acʼ ṭhene jarwayetʼkoa ar bondikateye idiyetʼkoa.