Kạhtukko 30:5 - সান্তালী বাইবেল

⁵ Isorakʼ sanam kathako do khạṭigea mente sạbud akana; okoe unireko asrayokʼkan uni do onkoren ḍhale hoyokʼa.

Kạhtukko 30:5 Iomraidhean Croise

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

2 Samuel 22:31

Isorakʼ horre jãhãn bin sạbitanakʼ do bạnukʼanaṅ; ar Probhu Isorakʼ katha do khạṭi mente sạbud akana. Uni do acʼre hirlạjoṅ kan sanam hoṛren ḍhal kanae.

Sereńko 119:140

Amakʼ katha do khạṭigea mente sạbud akana, onatege amren golam do onae dulạṛeda.

Sereńko 12:6

Probhu Isorakʼ katha do nirạ kathako kana; ona do seṅgelte rapakʼ sapha akatʼ rupạ leka, ar eae dhao galao akatʼ rupạ lekage.

Sereńko 144:2

Unige ińren pạtiạran gokʼṛoyicʼ, ar ińakʼ gaṛ, ińakʼ usul aotan gaṛ ar babańcaoicʼ; unige ińren ḍhal, iń do uniregeń hirlạkʼ kana; unige ińren hoṛko iń gobolreye ạgukoa.

Sereńko 18:2

Probhu Isorge ińren usul buru, unige ińakʼ aotan gaṛ ar ińren babańcaoicʼ; ar ińren Isorge ińren usul buru, unirege iń do asrayiń hataoeda. Uni do ińren dhal kanae, rurukhiyạicʼ dereńge, ar ińakʼ asray gaṛge.

Sereńko 18:30

Isorakʼ horre jãhãn bin sạbitanakʼ do bạnukʼanaṅ, Probhu Isorakʼ katha do khạṭi mente sạbud akana. Uni do acʼre hirlạjoṅ kan sanam hoṛren ḍhal kanae.

Sereńko 18:31

Probhu eskar chaḍa ar okoe Isor menaea? Aboren Isor chaḍa cetʼ jãhãn aotan buru menakʼa?

Sereńko 19:8

Probhu Isorakʼ sanam ạnko do sojhe horteye calaoeda, ar ontorre rạskại emokʼ kana. Probhu Isorakʼ hukum do niphuṭgea, ona do ontore cerṭha ocoyeda.

Sereńko 3:3

Menkhan E Probhu Isor, am do beṛhaete ḍhal leka menama. Amge ińakʼ ṭhonok do ar amge ińakʼ bohokʼem rakapʼ ocoakatʼtińạ.

Sereńko 84:11

Sạrige Probhu kangea siń cando ar ḍhal do; uni do daya ar ṭhonoke emokʼkana. Okoe dhoromteko calakʼ onko do bhage jisin emako uni do bae baṅakoa.

Sereńko 91:2

Probhu Isor reaṅ do noageń mena, “Unige ińren asray ar ińren gaṛ do; uni kangea ińren Isor do one unireń ṭehãḍakan.”

Kạhtukko 2:7

Uni do khạṭi ontorren hoṛko lạgitʼ bude jogao dohoyeda; ar dhoromte okoeko calakʼkan, onkoren ḍhale hoyokʼte

Kạhtukko 29:25

Manwa okoeye botorae ona botor do uniyakʼ jhampa leka hoyokʼa. Menkhan okoe Probhu Isorreye bhorsakʼkan uni do khạtirjomae tahena.

Romiko lạgitʼ Pạul Apostolakʼ ciṭhi 7:12

Noa katha do khạṭigea je, ạn do sonotgea ar ona reakʼ hukum hõ sonot, dhorom ar bhagegea.

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.