Kạhtukko 3:7 - সান্তালী বাইবেল

⁷ Apnar mẽtʼre budan do alom hoyokʼa; Probhu Isor botoraeme, ar bạṛicʼakʼ khon pharakre tahenme.

Kạhtukko 3:7 Iomraidhean Croise

2 Samuel 12:20

Unre Dạud do ot khone beretʼena ar ḍạbrạ saphakate sunume ojokʼana ar kicricʼe bodolente Probhu Isorakʼ oṛakʼte senkate otre ombakʼkateye sewakeda. Ar ona tayom do acʼakʼ oṛakʼteye ruạṛ hecʼente jomakʼ ạgui reakʼe hukumkeda. Ar uni samaṅre jomakʼko ạguketʼ khan uni doe jomkeda.

Nehemiạ 5:15

Menkhan iń lahate okoe disạm cakʼlaokoko tahẽkan onko do hoṛko cetanre hamal bojhako ladeyatʼko tahẽkana ar jomakʼ ar darkha rasa chaḍa hõ onko ṭhen khon mõṛẽ sae bargel gram rupạko hataoetʼ tahẽkana. Onkoren gutiko hõ disạm hoṛko cetanre mạlikiko calaoetʼ tahẽkana. Menkhan iń do Isoriń botoraekante ona leka bạń kạmi akada,

Jobakʼ 1:1

Kus disạmre Job ńutuman mitʼṭen hoṛe tahẽkana. Uni do bindusạn ar dhorom hoṛgeye tahẽkana. Uni do Isore botorae kan tahẽkana ar bạṛicʼakʼ khon sạṅgińreye tahenkan tahẽkana.

Jobakʼ 28:28

Ona tayom uni do manwae metadea, ‘Probhu Isor botoraege hoyokʼ kana ạkil do, ar bạṛicʼ khon sahaṛokʼge hoyokʼ kana buj do.

Exodus 20:20

Unre Mose do hoṛkoe metatʼkoa, “Alope botorokʼa. Isor do biḍạureye paṛao ocoakatʼpea jemon apeakʼ monre botor tahente alope kại. Ar ona iạtege uni doe hecʼakana.”

Kạhtukko 14:16

Ạkilan hoṛ doe sontorokʼa ar bạṛicʼ khone sahaṛokʼa, menkhan bebuj hoṛ do acʼ cetanre pạtiạue dohoya ar bae sontorokʼa.

Kạhtukko 14:27

Dhorom do jion reakʼ jharna kana; moron reakʼ jhạliko khon paskaokʼ lạgitʼ.

Kạhtukko 16:6

Pạtiạr ar sạriyakʼtetʼ hotete bedhorom do pharakokʼa; Probhu Isor botorae hoṛ do bạṛicʼ khone sahaṛokʼa.

Kạhtukko 23:4

Dhon lab lạgitʼ do alom dhãoṛa dhạ̃uṛi baṛaea; ar noa lạgitʼ amakʼ budre hõ alom bhorsakʼa.

Kạhtukko 26:12

Am do cetʼ nonkan hoṛkom ńel akatʼkoa okoe do apnarakʼ mẽtʼreye ạkilanicʼ kan? Ona khon boroṅ bebujicʼ reaṅge as menakʼa.

Kạhtukko 26:5

Bebujicʼ do acʼakʼ bebuj leka baṛe roṛ ruạṛaeme, ar baṅ khan uni do acʼ nońjorre budane hudisokʼa.

Kạhtukko 28:11

Kisạ̃ṛ hoṛ do acʼakʼ mẽtʼreye ạkilan hoṛ kana, menkhan bud menakʼtae reṅgecʼ hoṛ do uniye baḍae oromedea.

Kạhtukko 28:26

Khaṭo bujan hoṛ do acʼakʼ bujreye bhorsakʼkana, menkhan okoe Isor emakʼ ạkilteye calakʼ uni do khạtirjomae tahena.

Kạhtukko 8:13

Probhu Isor botorae do bạṛicʼakʼ kurudakʼge; bạḍại, ṭenḍosokʼ, bạṛicʼ beohar ar peṛta katha iń doń kurudakʼ kana.

Sosolhayic̕ 12:13

Kathako reakʼ mucạtʼ do nokʼõe; tobe ses katha do hoyokʼkana, Isor botoraeme ar uniyakʼ hukumko dohoyme; ente noa kangea manwakoakʼ dạyik do.

Jesaea 5:21

Hae, onko hoṛ do, okoe apnarakʼ mẽtʼre ạkilan ar budan kanako menteko hudisokʼkan.

Romiko lạgitʼ Pạul Apostolakʼ ciṭhi 11:25

E boehako, apnarte jemon budanko alope monejoṅ onate iń do mitʼṭecʼ sạri okowakʼ baḍae ocopeń menjoṅ kana. Ona sạriyakʼ do noage, boṅgan hoṛ jạtrenkoakʼ lekha ạuri purạukʼ hạbicʼ ḍher bhag Israelkoakʼ ontor do keṭecʼge tahena.

Romiko lạgitʼ Pạul Apostolakʼ ciṭhi 12:16

Ape apere mitʼ mon tahentape ma. Usulakʼko do alope moneyakʼa bickom nindhạnko tulucʼ helmelokʼpe. Ar apnarte budanko mente do alope hudisokʼa.