Kạhtukko 3:6 - সান্তালী বাইবেল

⁶ Amakʼ calakʼ horre uni do samaṅre dohokaeme; unige amakʼ sanam horkoe sojheytama.

Kạhtukko 3:6 Iomraidhean Croise

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Esra 7:27

Aboren hapṛamkoren Probhu Isorakʼ sarhao baṛe hoyokʼtaema. Jerusalemre Isorakʼ oṛakʼre nonkan manot udukʼ reakʼ sana do rajakʼ ontorreye hoe ocoketʼtaea.

Nehemiạ 1:11

E Probhu Isor, nehõrokʼ kạnạń, amren gutiyakʼ koejoṅ ańjomme ar okoeko botoram kan onko amren gutikoakʼ koejoṅ baṛe luturakʼtakome. Amren guti do teheń jo baha ocoyeme ar raj ṭhen dayawạnicʼ hoeocoyeme.” Iń do darkha rasa dudulicʼ iń tahẽkana.

Nehemiạ 2:4

Raj do ińe metadińạ, “Am do cetʼem khojkana?” Unre iń do sermaren Isor ṭheniń koeyana.

Nehemiạ 7:5

Isor do ińakʼ monreye hudis ocokedińạ jemon manotan hoṛko, mukhiyạko ar disạm hoṛkoń jarwa mitʼ ocokote onko do bõs tạlikareń caṛhao daṛeako. Okoe do pạhilreko ruạṛ hecʼlen onko hoṛkoakʼ bõs tạlika doń ńamkeda. Onare oka ol tahẽkan ona do nonka leka:

Sereńko 32:8

Iń Probhu Isorge bud ar akeliń ema ma ar okaṭakʼ horte calakʼ hoyokʼtam onań udukʼama; ariń beṅgetʼama ariń solhawama.

Kạhtukko 11:5

Khạṭi hoṛko do Isor botoraeko lạgitʼ sojhe horko benaoa, menkhan bedhoromko do akoakʼ phạsiạratetʼ iạteko maraokʼa.

Kạhtukko 16:3

Amakʼ kạmiko do Probhu Isorge soprotaeme; onate amakʼ ponthako ṭarhaokʼtama.

Kạhtukko 16:9

Manwa do acʼakʼ hor tearjoṅ reakʼe ponthayeda, menkhan uniyakʼ taṛam do Probhu Isorgeye sojheyetʼtaea.

Kạhtukko 23:17

Amakʼ mon do kại hoṛko aloe hiskạwakoma, bickom sanam ghạṛicʼ Probhu Isor botoraete khemaome.

Jesaea 26:7

Isor botorae hoṛkoakʼ hor do somangea; E dhoromicʼ, am do Isor botoraekoakʼ horem somaneda.

Jesaea 30:21

Etom se kõńe jãhãtegepe calakʼ ape do tayom khon uniyakʼ niạ kathape ańjom ńama, “Niạ kangea hor do; niạ hortege taṛam idipe.”

Jesaea 45:13

Ińakʼ dhoromte Kerosiń uskureya; iń do uniyakʼ sanam horkoń sojheytaea. Uni do ińakʼ nagraha arhõe teṅgo ruạṛa, ińren hoṛko okoe bondi dosare menakʼko onkoe aṛakʼkoa menkhan jãhãn dam se kuṛại lạgitʼ do bae onkaea.’ Phạdkoren Probhu Isor do noa kathageye meneda.”

Jesaea 48:17

Probhu Isor, aperen chakʼḍaoicʼ, Israelren uni sonoticʼ do niạ kathae meneda, “Aperen Probhu Isor doń ińkangea; ar ape bhạlạiype lạgitʼgeń cetʼ apekana. Oka horte calakʼ lek kanpe ona hortegeń ạyuretʼpea.

Jirimiạ 10:23

E Probhu Isor, ińiń baḍaea manwawakʼ jion hor acʼ apnarakʼ do baṅkana; uniyakʼ jaṅga reakʼ dhap lạgitʼ hukum hõ uniyakʼ kạmi do baṅkana.

Jirimiạ 42:3

Amren Probhu Isor ṭhen koeme jemon aleye lạiyale ńitokʼ cetʼle cekaea ar okatele calakʼa.”

Numeri 9:20

Oka oka do sekʼwa tạmbu cetanre rimil thoṛa din tahenkan tahẽkana. Ar Israelko do Probhu Isorakʼ hukum lekage ḍerareko tahenkan tahẽkana ar uniyakʼ hukum lekageko uṭhạukʼkan tahẽkana.

1 Korinthiko 10:31

Onate ape do jãhãnakʼgepe jom-ńũi ar jãhãnakʼgepe cekae, jotowakʼge Isorakʼ ṭhonokʼ lạgitʼ kạmipe.

2 Korinthiko 8:16

Ape lạgitʼ ińakʼ ontorre oka jid menakʼ, Isor do Titusakʼ ontorre hõ ona jidgeye emakatʼte Isoriń sarhaoedekana.

Philipiko lạgitʼ Pạul apostolakʼ ciṭhi 4:6

Ar jãhãnakʼ reakʼge alope dandokʼa, bickom apeakʼ joto arojakʼko do koejoṅ ar nehõrate gunmanao johar salakʼ Isor baḍae ocoyepe.

Kolossiko lạgitʼ Pạul Apostolakʼ ciṭhi 3:17

Jãhãnakʼgepe roṛ ar jãhãnakʼgepe cekae ona do Probhu Jisu ńutumtege kạmipe ar uni hotete Isor Baba hõ gun manao joharaepe.

Kolossiko lạgitʼ Pạul Apostolakʼ ciṭhi 3:23

Jãhãnakʼgepe cekae, manwako lạgitʼ do alo, bickom Probhu Isor lạgitʼpe onkayetʼte mon ar ontorte kạmipe,

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.