Kạhtukko 3:4 - সান্তালী বাইবেল

⁴ Onam onkale khan Isor ar manwa samaṅre am do daya ar ńutum hoyokʼtama.

Kạhtukko 3:4 Iomraidhean Croise

Sereńko 111:10

Probhu Isor botorae do ạkil reakʼ etohopʼ kana; okoe ona lekako kạmi onko do akelko ńama. Probhu Isorakʼ sarhao do jaejug hạbicʼ tahenma.

Kạhtukko 12:2

Bhage hoṛ do Probhu Isor ṭhen khon dayako ńama, menkhan okoe bạṛicʼe phundikan uni do Probhu Isor dusi menteye ṭarhaoea.

Kạhtukko 13:15

Okoeyakʼ bhage bud menakʼ uni do manote ńama, menkhan bepạtiạr hoṛ doko marao cabakʼa.

Kạhtukko 8:35

Ente okoe ińe ńameńkan uni do jione ńama ar Probhu Isor ṭhen khon dayae ńama.

Daniel 1:9

Isor do uni cạkrạkoren sordarakʼ monre Daniel lạgitʼ daya ar mãyãe ńam ocokeda.

Luk 2:52

Ar Jisu do akelte, umerte ar Isor ar manwakoakʼ dulạṛteye hara idiyena.

Aposkạmi 2:47

Onko do jao ghuṛi Isorko sarhaoede tahẽkana ar sanam hoṛge onkoko manotetʼko tahẽkana. Ar okoe kại khon bańcaokʼko ńametʼ tahẽkan Probhu do biswạsiko tulucʼ jao hilokʼ onkoe juṭucʼ idiketʼkoa.

Romiko lạgitʼ Pạul Apostolakʼ ciṭhi 14:18

Okoe nonkate Mạsi ṭhen golame khaṭaokʼkan, Isor do unireye kusikʼkana ar hoṛko hõ uni do bhageko metaekana.

2 Korinthiko 8:21

Ale do eken Probhu Isorakʼ mẽtʼãhã samaṅre do baṅ, menkhan manwa samaṅre hõ dhoromte calakʼ reakʼle kurumuṭuyeda.

1 Samuel 2:21

Probhu Isor do Hanna sạrigeye dayawadea. Onate Hanna doe bhạrti hoṛmoyena ar uniren do jotote pea hopon ar barea kuṛikin hoyentaea. Ar huḍiń Samuel do Probhu Isor ṭhen tahẽkate hara idikʼe ehopʼena.

1 Samuel 2:26

Ar huḍiń koṛa Samuel do sẽṛã idikʼtegeye tahẽyena ar Probhu Isor hõ manwako ṭhen khon dulạṛ ńame ehopʼena.