Kạhtukko 3:3 - সান্তালী বাইবেল

³ Pạtiạr ar dhorom do tishõ aloe bạgiwam ma; amakʼ hoṭokʼre onako bedhao dohokakʼme, ar amakʼ ontorre hõ ol dohokakʼme.

Kạhtukko 3:3 Iomraidhean Croise

2 Samuel 15:20

Hola gem hecʼakana. Ar teheńge ale tulucʼ ṭahapʼ ṭạṭupʼ dãṛãbãṛa ocome do ṭhikakʼ baṅ hoyokʼa? Ińge bạń baḍaea iń do okateń calakʼ kana. Do ruạṛ calakʼme ar amakʼ disạmren hoṛko soṅgete idi torakom. Asambheṛ dulạṛ ar pạtiạrge ape tulucʼ baṛe tahenma.”

Sereńko 119:11

Amakʼ katha do ińakʼ ontorreń dohoakada, jemon am upạrte aloń kại.

Sereńko 25:10

Probhu Isorakʼ bondobos ar ạn lekate okoeko calakʼkan, onko ṭhen uniyakʼ sanam hor do asambheṛ dulạṛ ar pạtiạrte perecʼgea.

Sereńko 85:10

Asambheṛ dulạṛ ar pạtiạr dokin ńapam midokʼa; dhorom ar suluk dokin cokʼ joṅa.

Exodus 13:9

Nonkate Probhu Isorakʼ emakʼ noa hukum reakʼ kathape cetʼakoa. Noa niạm manao do nonkan mitʼṭecʼ cinhạ hoyokʼa one ona do ti ar moloṅ reakʼ cinhạ lekae disạ ocopea, Probhu Isor do acʼakʼ daṛete Misor disạm khone oḍok ạguakatʼpea.

Exodus 34:6

Uni do Mose samaṅteye sen paromena ar noae lại jạhirkeda, “Probhu, Probhu, uni do daya ar mãyãte perecʼicʼ Isor kanae. Uni do usạrate bae edre hodokʼa. Menkhan daya ar sạriyakʼteye kisạ̃ṛgea.

Kạhtukko 1:9

Onako do amakʼ bohokʼ lạgitʼ ṭhosok mukuṭ ar hoṭokʼ reakʼ do mala kana.

Kạhtukko 14:22

Okoe bạṛicʼ kạmi lạgitʼ phundiko aṭaoetʼ onko do cetʼ bạṛicʼ secʼ bako calakʼ kana? Menkhan okoe do bhạlại lạgitʼko ponthayetʼ onko lạgitʼ do pạtiạr ar biswạsgeko ńama.

Kạhtukko 16:6

Pạtiạr ar sạriyakʼtetʼ hotete bedhorom do pharakokʼa; Probhu Isor botorae hoṛ do bạṛicʼ khone sahaṛokʼa.

Kạhtukko 20:28

Pạtiạr ar dhoromte raj do khạtirjomae dohoyede kana; ar pạtiạr hotetege uniyakʼ siṅghạson do ṭarhaokʼtaea.

Kạhtukko 6:21

Jaejug hạbicʼ amakʼ monre rebetʼ dohoyme, ona do amakʼ hoṭokʼre bedhaokakʼme.

Kạhtukko 7:3

Amakʼ kạṭupʼkore onako bedhao dohokakʼme, ar amakʼ ontorre ol dohokakʼme.

Jirimiạ 17:1

Probhu Isore meneda, “Jihudạ reakʼ kại do mẽṛhẽtʼ kolomte ol akana, hirạ reakʼ surshạtege onkoakʼ ontorre, onkoakʼ pinḍ reakʼ dereńre ol gạḍiạu akana.

Hosea 4:1

E Israelko, ape do Probhu Isorakʼ katha ańjomtaepe, ente okoe disạmreko tahenkan onko upạrte Probhu Isor do mitʼṭecʼ mambla menakʼtaea. Ona do hoyokʼkana, disạmre pạtiạr ar asambheṛ dulạṛ do bạnukʼa ar Isor do okoehõ sạriyakʼ lekate bako baḍaeyede kana;

Malaki 2:6

Onkoakʼ mocare sạriyakʼ reakʼ cecetʼakʼge tahẽkana ar onare jãhãn eṛeteakʼ do baṅ tahẽkana. Sạriyakʼ ar dhoromte onko do iń sãoteko dãṛãnkan tahẽkana ar ḍherkoge kại khonko ruạṛ ạguiyetʼko tahẽkana.

Mathae 23:23

“Hae, ape sostor baḍaeko, Phạrusiko ar phạsiạrako do! Ape do ṭhik lekage pudina, muhori ar jirạ reakʼ bhag do gel hạṭiń reakʼ mitʼ hạṭińge Isorpe emaekana; menkhan bicạr, mãyã, ar pạtiạr, okaṭakʼ do Moseyakʼ ạn-ạriko reakʼ arhõ jạruṛanakʼ kan ona dope bạgi oṭoakawada. Onate lahateakʼko são sãote tayomakʼko hõ manao lektapea.

2 Korinthiko 3:3

Apege Mạsiyakʼ ciṭhi ar aleakʼ kạmiko reakʼ jo kanpe ona do pusṭạutege ńelogokʼ kana. Noa ciṭhi kạlite olakʼ do baṅkana menkhan jiwetʼ Isorren Jiu hotetege olakana. Noa do jãhãn dhiri paṭare baṅ olakana, menkhan manwakoakʼ ontorrege olakana.

Ephesiko lạgitʼ Pạul Apostolakʼ ciṭhi 5:9

ente sanam lekan bhạlại ar dhorom ar sạriyakʼ kangea marsal reakʼ jo do.

Dosar Biboron 6:8

Ar dikʼsạ dohoy reakʼ cinhạ lekate ona do apeakʼ tirepe tolkakʼa ar mạndạli leka cạndirepe dohoya.

Ibriko 10:16

Probhu Isore meneda, “Onko tulucʼ oka bondobos iń bandhaoa ona do noage, ińakʼ ạn-ạri do onkoakʼ ontorre hõń dohoya ar onkoakʼ monre hõń ol dohokakʼa.”