Kạhtukko 3:24 - সান্তালী বাইবেল

²⁴ Gitijokʼre ar do bam botorokʼa, ar amakʼ jạpitʼ hõ suk reakʼ hoyokʼtama.

Kạhtukko 3:24 Iomraidhean Croise

2 Bõsbudạ 20:30

Onate Jehosaphat raj do sulukteye tahẽyena, ente uniren Isor do sanam secʼtege suluke emade tahẽkana.

Jobakʼ 11:19

Giticʼ jirạu joṅre celege bako comkao ocomea. Ar ḍher hoṛ do amakʼ daya ńam lạgitʼko aroja.

Sereńko 112:8

Uniyakʼ mon do diṛhogete bae botorokʼ kana; sesre uni do acʼren bạirikoakʼ bhagaoe ńela.

Sereńko 127:2

Ape do ạuṛiyakʼge jomakʼ jogaṛ lạgitʼ ạḍirepe beretʼkana ar ạḍi anecʼpe giticʼkana; menkhan Probhu Isor okoeye dulạṛetʼko onko tinreko jạpitʼjoṅa unre uni do onkoakʼ jạruṛokʼkoe emako kana.

Sereńko 3:5

Iń doń gitijokʼkana, ariń jạpitʼeda ariń ebhenokʼkana, ente Probhu Isorge iń doe sambṛaoedeń kana.

Sereńko 3:6

Iń upạrte ar iń beṛhaete hajar hajar hoṛko teṅgo akana, menkhan onko do bạń botorako kana.

Sereńko 4:8

E Probhu Isor, amge bin botortem doho akadińạ, onate iń do sulukteń jạpida.

Sereńko 91:5

Ńindạ reakʼ muhin ar din reakʼ toras do bam botorakʼ kana;

Kạhtukko 1:33

Menkhan okoe ińakʼ kathako ańjom onko do khạtirjomako girobasokʼa; onko do sulukteko tahena, ar bạṛicʼakʼ do bako botorakʼa.”

Kạhtukko 19:23

Probhu Isor botorae do jion secʼe idiya; okoeyakʼ ona jion menakʼ uni do tirpite tahena, jãhãn muhinge uni ṭhen do baṅ hecʼ daṛeakʼa.

Kạhtukko 6:22

Calakʼ jokhecʼ ona do hore udukʼama, ar jạpitʼ jokhecʼ ame horhomea arem ebhenlen khan am sãote kathae roṛa;

Sosolhayic̕ 5:12

Okoeye khaṭaokʼ uni do thoṛa ar ḍhere jomlere hõ mońj jạpitʼ hoyokʼtaea. Menkhan kisạ̃ṛ hoṛakʼ ḍher dhon durib do bae jạpitʼ ocoaea.

Jesaea 54:14

Am do dhoromge bandhao akanem tahena. Am ṭhen khon jor julum do pharakokʼa; amakʼ botorteakʼ do cetʼge baṅ tahena. Bạṛicʼ botorko hõ sạṅgińokʼa, ar am ṭhen baṅge hijukʼa.

Jirimiạ 31:26

Unre iń do ebhenkate beṛhaeteń beṅgetʼ ạcurkeda. Ar jạpitʼ do iń ṭhen mońjge tahẽkana.

Jeheskel 34:15

Ińge ińren bhiḍikoń gupikoa ar jirạukʼ ṭhạ̃iteń idikoa.

Jeheskel 34:25

“ ‘Iń do onko lạgitʼ bhạlại reakʼ mitʼṭecʼ bondobosiń dohoya ar disạm khon botoran janwarkoń marao utạrkoa jemon ińren bhiḍiko do khạtirjomako tahente bir-gajaṛkore hõko jạpitʼ daṛeakʼ.

Jeheskel 34:27

Ona do ṭạnḍi reakʼ darekore joye sapʼ ocoya ar ot do phosole emokʼa; ar onko do apan ạpin jumireko girobasokʼa. Ar onkoakʼ arãṛ tinreń rạputʼ giḍikakʼa ar okoe do golamko benaoletʼko onkoakʼ ti khoniń chaḍao ạgukoa, ar unreko baḍae daṛeakʼa, ińkangeạń Probhu Isor do.

Levitikus 26:6

“Unre iń do disạmre sulukiń emokʼa. Ar suluktepe jạpitʼjoṅa; okoe hõ bako botor ocopea. Iń do disạm khon kaṭaha janwarkoń laga ńirkoa. Cele palṭonge apeakʼ disạmre do bako cahṭao daṛeakʼa.

Aposkạmi 12:6

Oka hilokʼ Herod do Patras bicạre lạgitʼe oḍok ạguiye ona laha ńindạ Patras do barea palṭon talareye jạpitʼ akatʼ tahẽkana. Uni do barea sikṛiteko tolakade tahẽkana ar pahradarko do duạrreko pahrakan tahẽkana.