Kạhtukko 3:2 - সান্তালী বাইবেল

² onate am do ḍher dinem bahaokʼa ar amakʼ do ḍher bhạlại hoyokʼtama.

Kạhtukko 3:2 Iomraidhean Croise

1 Rapajko 3:14

Amren ạpum Dạud leka ińakʼ sanam niạm ar hukumkom manao idi ar ińakʼ hortem taṛam enḍekhan ḍher diniń bahao ocomea.”

Jobakʼ 5:26

Cetʼleka oktere phosol rakabokʼ onkage purạ dinem bahaokʼa arem topa ocokʼa.

Sereńko 119:165

Okoe amakʼ hukumko dulạṛetʼ onko do ạḍi sulukko ńama; ar cetʼte hõ onko do bako tohodokʼa.

Sereńko 128:6

Am do amren goṛom gidrạko jemonem ńel tiyokʼko. Israelko cetanre suluk hijukʼma baṛe.

Sereńko 21:4

Uni do am ṭhen jione koeleda, ar am do onam emadea; ar ḍher din bahaokʼ lạgitʼem danadea.

Sereńko 91:16

Ar ạḍi diniń bahaoeteń purun ocoyea; ar ińakʼ babańcaoiń ńel ocoyea.”

Kạhtukko 10:27

Probhu Isor botorae do bahaokʼ dine baḍhaoa, menkhan bedhoromkoakʼ din do khaṭokʼtakoa.

Kạhtukko 16:31

Pạnḍu upʼ do ṭhonok reakʼ mukuṭ kana; ona do dhorom jionrege ńamokʼa.

Kạhtukko 4:10

E bạbu, ańjomme, ińakʼ katha ontorre dohokakʼme, inạkhan ḍher bochor jiwetʼem tahena.

Kạhtukko 4:4

Unre iń baba doe cetʼạń tahẽkanteye menetʼ tahẽkana, “Amakʼ goṭa ontorte ińakʼ kathako sapʼ dohokakʼme; ar ińakʼ hukumko dohoyme, onate jiwetʼem tahena.

Kạhtukko 9:11

Buj doe menede, “Iń hotete am do ḍher dinem bahaokʼa, ar bochor reakʼ dinkoge juṭucʼama.

Jesaea 32:17

Ar dhorom do suluk reakʼ jo hoyokʼa, ar ona iạte jaejug lạgitʼ khạtirjoma ar bhorsage hijukʼa.

Romiko lạgitʼ Pạul Apostolakʼ ciṭhi 14:17

Isorakʼ rajre jom ar ńũ do maraṅakʼ do baṅkana; maraṅ katha do hoyokʼkana, dhorom ar suluk ar rạskạge Sonot Jiure tahen.

Romiko lạgitʼ Pạul Apostolakʼ ciṭhi 15:13

Okoe ase dan abonkan uni Isor do apeakʼ biswạs hotete asambheṛ rạskạ ar sulukteye perecʼpema. Enḍekhan sonot Jiu reakʼ daṛete apeakʼ ontor reakʼ as do sareṛokʼtapea.

Romiko lạgitʼ Pạul Apostolakʼ ciṭhi 5:1

Biswạs hotetege bon dhorom ocoakana ar ona iạtege Probhu Jisu Mạsi hotete Isor ar abo talare suluk do hoyakana.

Dosar Biboron 11:21

Ar noakope onkae khan Probhu Isor okaṭakʼ disạm emokʼ lạgitʼ aperen hapṛamko ṭhene kiriạlen ona disạmre ape ar aperen hoponko do coṭ serma reakʼakʼko leka ḍher dinpe bahaokʼa.

Dosar Biboron 5:32

“Onate aboren Probhu Isor do ape okaṭakʼ cekae lạgitʼe hukum apekan ona do joton salakʼ manao hoyokʼtapea; ar ona khon do bape ghańjeṛ daṛeakʼa.

1Timothi 4:8

Hoṛmo bhańjaore porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.