Kạhtukko 3:10 - সান্তালী বাইবেল

¹⁰ Inạ khan amakʼ murạiko do phosolkote perejokʼtama ar hanḍhako khon nãwã darkha rasa hõ buhel oḍokokʼa.

Kạhtukko 3:10 Iomraidhean Croise

2 Bõsbudạ 31:10

Onate Sadokakʼ bõsren Asariạ ńutuman maraṅ naeke do roṛ ruạṛketʼteye menkeda, “Probhu Isorakʼ oṛakʼre hoṛko do tinre akoakʼ dan ạguko ehopʼena unkhon aleakʼ jomakʼ hõ sareṛ idiyena, ente Probhu Isor do acʼren hoṛkoe bhor akatʼkoa, ar noako jinis do ḍher sarecʼ akana.

2 Bõsbudạ 31:21

Isorakʼ sana leka calakʼ lạgitʼ Isorakʼ oṛakʼ reakʼ kạmi ar ạn-ạriko manao babotre jãhãnakʼgeye kạmiyetʼ tahẽkan ona do goṭa mon ar ontortegeye kạmiyetʼ tahẽkana, ar onatege uni doe jo bahakʼ kan tahẽkana.

Sereńko 144:13

Aleakʼ murạiko do joto lekan jomakʼte perecʼ tahenma; ar aleren bhiḍiko do gupi ṭạnḍire hajar hajar ar lakh lakh hoponko janamko ma.

Kạhtukko 19:17

Reṅgecʼ orecʼkoe dayawako kan hoṛ do Probhu Isorgeye dayawae kana; Probhu Isorge uniyakʼ upkạr reakʼ dan doe emokʼkana.

Kạhtukko 22:9

Danetʼkan hoṛ okoe do acʼakʼ jomakʼ reakʼ bhag khon reṅgecʼ orecʼkoe emako kan uni do bhore ńama.

Joel 2:24

Khạrại do phosolkote perejokʼtapea; bhajan khon darkha rasa ar sunum do se oḍokokʼa.

Hagae 2:19

Ńitokʼ apeakʼ murạire jãhãn itạge bạnukʼtapea ar unạkʼ din do darkha nạ̃ṛĩ, loa dare, ḍạlim dare ar jạitun darere jo hõ thoṛage sapʼlena, menkhan teheń khon doń bhorapea.’ ”

Mathae 10:42

Jãhãege noko kạṭicʼko modre mitʼ hoṛ ińren cela mente mitʼ bạṭi reaṛ dakʼe ńũ ocoye; sạrigeń metapekana, uni do oka lekate hõ acʼakʼ kuṛại do ohoe atʼletaea.”

Dosar Biboron 14:29

Ar onate Liwiko, okoe do apnarakʼ mente cetʼ jaega jumi se sompotti bạnukʼtako ar onḍe menakʼko porjạtrenko, rạnḍiko ar ṭũạr amarko onako jom daṛeakʼa. Onate apeakʼ sanam kạmire aperen Probhu Isor doe bhorapea.

Dosar Biboron 28:8

“Apeakʼ murạiko cetanre Probhu Isorakʼ bhor tahena ar jãhãnakʼrege hatpe em onarege uni doe jo-baha ocoytapea. Aperen Probhu Isor do acʼakʼ noa disạmregeye bhorapea.