Kạhtukko 29:4 - সান্তালী বাইবেল

⁴ Hok reakʼ bicạr iạte raj do disạme ṭarhao daṛeakʼa, menkhan okoe ghuse kusiyakʼ uni do disạme jarkhara.

Kạhtukko 29:4 Iomraidhean Croise

2 Samuel 8:15

Dạud do goṭa Israel disạm cetanre rajokʼe ehopʼena. Uniren hoṛko cetanre uni do hok ar dhorom reakʼe bicạretʼ tahẽkana.

1 Rapajko 2:12

Ar Solomon do apattetʼakʼ siṅghạsonreye duṛupʼena ar uniyakʼ rajosṭi do ạḍi kajakentaea.

2 Bõsbudạ 9:8

Amren Probhu Isorakʼ sarhaoge baṛe hoyokʼtae ma, okoe do am cetanreye kusi akante acʼakʼ siṅghạsonreye duṛupʼ akatʼme jemon amren Probhu Isorakʼ rajosṭim benao daṛeakʼ. Uni do Israelkoe dulạṛetʼkoa ar jaejug hạbicʼ ṭarhao ocoko lạgitʼte uni do hok reakʼ bicạr ar dhorom rukhiyại lạgitʼgeye raj akatʼmea.”

Jobakʼ 11:6

ar ạkil reakʼ okoakʼkoe baḍae ocome, ente uni do ạḍi lekan bud menakʼtaea. Ar noa baḍaekakʼme amakʼ ghạṭ lekate Isor do sạjại do bae emama.

Sereńko 89:14

Dhorom ar hok cetanre amakʼ siṅghạson do teṅgo akana; dulạṛ ar sạriyakʼtetʼ do am laha lahate calakʼ kana.

Sereńko 99:4

Okoe raj do dhorom bicạre kusiyakʼ uniyakʼ daṛe do amgem ṭarhao akatʼtaea, jemon uni do dhoromteye bicạr daṛeakʼ. Amge Jakob bõsrenko talare hok bicạr ar dhoromem dohoakada,

Kạhtukko 14:34

Dhorom do jạtrenkoe maraṅkoa menkhan kại do jạtrenkoe bemanotkoa.

Kạhtukko 16:10

Rajakʼ luṭi reakʼ katha do jiu eserteakʼ katha kana; bicạrre uniyakʼ katha do bae kạiya.

Kạhtukko 16:12

Raj lạgitʼ behokakʼ kạmi do hirkhạwakʼ kana, ente hok reakʼ kạmi hotete siṅghạson do ṭarhao tahena.

Kạhtukko 20:8

Raj do tinre bicạr lạgitʼ siṅghạsonreye duṛupʼa unre uni do mẽtʼ reakʼ beṅgetʼte sanam bạṛicʼakʼkoe sạṅgińa.

Kạhtukko 29:14

Okoe raj do sạriyakʼte nandankoe bicạrko uniyakʼ siṅghạson do ṭarhao tahentaea.

Kạhtukko 8:15

Rajko do iń hotete rajosṭiko calaoeda, ar mukhiyạko do hokte perecʼ ạnko benaoeda;

Jesaea 49:8

Probhu Isor do nonkae meneda, “Bạsutakʼ okterege amiń roṛ ruạṛama ar bańcaokʼ reakʼ dinre amiń goṛowama. Iń do amiń rukhiyạmea ar am hotete hoṛko lạgitʼ mitʼṭecʼ bondobosiń dohoya, jemon disạmem teṅgo ruạṛ daṛeakʼ ar ujạṛakʼ jaegakore hoṛko arhõm ạidạri daṛeako.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Daniel 11:20

“Ar uniyakʼ jaegare okoe raje hoyokʼ uni do rajosṭi reakʼ ṭhonoktetʼ ruạṛ ạguiy lạgitʼ khajna ukʼṭhạukoe kolkoa. Menkhan thoṛa bochor bhitrirege uni doe marao utạrokʼa; noa maraokʼ do jãhãn edre se lạṛhại talate do baṅ hijukʼa.

Mikạ 7:3

Onkoakʼ banar ti do behokakʼ kạmi lạgitʼ gạkhuṛgetakoa. Mukhiyạko do sandesko khojkana, bikʼcạrko do ghusko jomeda, ar kisạ̃ṛko okako khojkan onako baḍae ocokana; ar onko jotoge mitʼ domte phundiko aṭaoetʼkana.

1 Samuel 13:13

Sạmuele menkeda, “Am do bebuj lekam kạmiakada. Amren Probhu Isor okae hukumatʼme tahẽkan ona do bam manaoleda. Onam manao lekhan Israelko cetanre amakʼ rajokʼ do jaejug hạbicʼe dohoketama.