Kạhtukko 29:1 - সান্তালী বাইবেল

¹ Jaoge nisṛạu reakʼ katha ańjomkate hõ okoe hoṛ hoṭokʼ keṭecʼgeye dohokatae uni do ackageye jarkharokʼa; ar bae teṅgo ṭarhao daṛeakʼa.

Kạhtukko 29:1 Iomraidhean Croise

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

1 Rapajko 18:18

Eliại menkeda, “Iń do jạnum doń baṅkana, menkhan am ar ạpum bõsren hoṛge Israelren jạnum kanape. Ape do Probhu Isorakʼ hukum bạgikate Bakʼal debotape sewawae kana.

1 Rapajko 20:42

Uni nạbi do raje metadea, “Probhu Isor do niạ kathae meneda, ‘okoe do ḍahaokʼ maraokʼ reakʼ sarapiń emade tahẽkan am do unim aṛakʼkedea. Onate uniyakʼ jiwi bodolte amakʼ jiwi ar uniren hoṛko bodolte amren hoṛkoakʼ jiwi hataokʼa.’ ”

1 Rapajko 22:28

Unre Mikại menkeda, “Nirạitem ruạṛ hecʼlen khan baḍaeme iń hotete Probhu Isor do katha bae roṛakada.” Ona tayom uni do arhõe menkeda, “Ape sanamkoge ińakʼ katha ańjomkakʼpe.”

2 Bõsbudạ 25:16

Nạbiyakʼ katha ạuri mucạdokʼrege raj do uniye metadea, “Ale do cetʼ rajren sosolhayicʼ menkate amle bahal akatʼmea? Thirokʼme, ar baṅ khan am dom gocʼ ocokʼa.” Onate nạbi doe thirena, ar enhõe menkeda, “Ińiń baḍaea, am do noam kạmi akada ar ińakʼ sopolha bam luturatʼte Isor do ame maraome lạgitʼe goṭa akada.”

2 Bõsbudạ 33:10

Probhu Isor do Manase ar uniren hoṛko ṭhen kathae roṛetʼ tahẽkangea menkhan onko do ona bako luturatʼtaea.

2 Bõsbudạ 36:13

Ona chaḍa Nebukadnesar, okoe do Isor ńutumte uniye kiriạ ocolede, uni upạrteye hulkeda. Uni do hoṭokʼe keṭecʼketʼtaea ar ontore kuṭhinketʼtaete Israelren Probhu Isor secʼ do ar bae ruạṛlena.

Nehemiạ 9:29

“Amakʼ ạn-ạri secʼ ruạṛ hijukʼ lạgitʼ onkom sontorletʼkoa menkhan onkoakʼ beohar do bạḍạite perecʼge tahẽkantakoa; onko do amakʼ sanam hukumko bebataoleda. Amakʼ okako hukum palonkate hoṛko bańcaokʼ ona upạrteko kạileda. Onko do hoṭokʼko keṭecʼ ketʼtakote amakʼ katha bako ańjomletʼa.

Jobakʼ 9:4

Uniyakʼ akel do khạndrigea, ar daṛe hõ asambheṛgetaea; uni upạrte teṅgokate okoe haleye rukhiyạ daṛekokʼa?

Exodus 9:7

Pharao do hoṛ kolkateye baḍaekeda, Israelkoren mitʼṭen gại-ḍaṅgra hõ bako gocʼakana. Enhõ Pharao do mone keṭecʼketʼtaea; ar hoṛko bae sen ocowatʼkoa.

Kạhtukko 28:14

Okoe hoṛ behok lạgitʼ jao okteye botorokʼkan uni doe bhạgangea, menkhan okoe acʼakʼ ontorre keṭejtae ar behok lạgitʼ bae botorokʼ kan uni do muhinreye paṛaokʼa.

Kạhtukko 28:18

Okoe bin dusạnteye calakʼkan uni doe bańcaokʼa, menkhan okoe hoṛ peṛta horteye taṛamkan uni do ackageye ńurokʼa.

Kạhtukko 28:28

Bạṛicʼ hoṛkoakʼ tire ektiạri calaolen khan hoṛ doko okokʼa, menkhan onko bạṛicʼ hoṛko maraolen khan dhorom hoṛko ḍherokʼa.

Kạhtukko 6:15

Ona iạte ackage uni cetanre muhin do hijukʼa; ar ṭuṅ ghuṛirege uni doe marao utạrokʼa, ar bae beretʼ daṛeakʼa.

Jesaea 28:22

Onate ńitokʼ apeakʼ ṭiṭkạri katha do thirtape, ar baṅkhan apeakʼ totolakʼ do arhõ urijokʼtapea; ente phạdkoren Probhu Isorakʼ mocare goṭa dhạrti jarkharokʼ reakʼ kathageń ańjomakada.

Jesaea 48:4

Entepe keṭecʼ hoṭokʼan hoṛkan ona doń baḍaekan tahẽkana; apeakʼ taren reakʼ jel do mẽṛhẽtʼ leka ar cạndi do pitạl leka hoyakantapea.

Jirimiạ 14:19

E Probhu Isor, Jihudạ do cetʼem nihạ̃t giḍikakʼa? Ar Sion hõ cetʼem hirkhạwakʼ kana? Cetʼ iạte nonka dom kosṭo ocoyetʼlea, ale do cekate bale boge daṛeakʼ kana? Suluk reakʼle aslena menkhan jãhãn bhạlạige baṅ hecʼatʼlea, bogekʼ lạgitʼle aslena menkhan bạṛicʼ botorge alere paṛaoena.

Jirimiạ 17:23

Aperen hapṛamko ona kathako ańjomletʼre hõ, bako moneyada. Onko do hoṭokʼko keṭecʼketʼ takoa; onko do ińakʼ katha bako ańjomleda ar ińakʼ ḍanṭao hõ bako manaoleda.

Jirimiạ 36:31

Iń do am ar amren hoponko ar amren kạmiyạkoakʼ behokakʼko iạteń sạjạipea; iń do ape upạrte okako muhin reakʼ kathań roṛakatʼ ona sanamakʼge ape cetanre, Jerusalemre ar Jihudạren hoṛko cetanreń paṛao ocoya, ente ape do ińakʼ katha bape ańjomletʼtińạ.’ ”

Habakkuk 2:7

Amren paonadarko do cetʼ ackage bako teṅgona? Arko cetaolen khan onko do cetʼ bako thar tharao ocomea? Unre onko ṭhen am do luṭren jinis lekagem hoyokʼa.

Johan 13:18

Ape sanamkoakʼ katha do bạń meneda. Iń okoeyiń bachao akatʼko onko doń baḍae akatʼkogea. Menkhan sonot sostor reakʼ noa katha do purạukʼtege hoyokʼa, ‘okoe iń tulucʼ piṭhại jojomkan unige iń upạrte jaṅgae tulketʼtaea.’

Johan 13:26

Jisui roṛ ruạṛkeda, “Noa piṭhạ kecakʼ bạṭire topokate okoeyiń emae unikangeae uni hoṛ do.” Ado piṭhạ kecakʼ bạṭire topokate Simon Iskariotren hopon Jihudại emadea.

Aposkạmi 1:18

Bạṛicʼ kạmi iạte oka ṭakae ńamletʼ onate thoṛa hasae kirińkeda, ar onḍe uni doe tupucʼ ńũrenteye ṭhu oṛecʼena, ar uniyakʼ lacʼko posakʼ oḍokentaea.

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.

1 Samuel 2:25

Manwa do manwa upạrteye kại khan Isor do onae miṭmaṭ daṛeakʼa; menkhan Probhu Isor upạrte manwae kại enḍekhan uni lạgitʼ do okoeye nehõr daṛekokʼa?” Menkhan unkin do apatakʼ katha bạkin luturada, ente Probhu Isor do unkin gocʼkin reakʼe goṭa akatʼ tahẽkana.

1 Samuel 2:34

“ ‘Amren banar hopon Hopni ar Pinehas do mitʼ dintege kin gujukʼa, ar onage hoyokʼa am lạgitʼ mitʼṭecʼ cinhạ.