Kạhtukko 28:4 - সান্তালী বাইবেল

⁴ Okoe Probhu Isorakʼ ạnko bạgi giḍiyakʼkan onko do bạṛicʼ hoṛko sarhaokoa, menkhan okoe onako manaoetʼkan onko do bạṛicʼko upạrteko teṅgona.

Kạhtukko 28:4 Iomraidhean Croise

1 Rapajko 18:18

Eliại menkeda, “Iń do jạnum doń baṅkana, menkhan am ar ạpum bõsren hoṛge Israelren jạnum kanape. Ape do Probhu Isorakʼ hukum bạgikate Bakʼal debotape sewawae kana.

1 Rapajko 18:21

Eliạ do hoṛko samaṅre senkateye menkeda, “Ar tinạkʼ din barea lạukạre lebetʼ akanpe tahena? Probhu doe Isorkan khan unige sewawaepe, ar Bakʼalgeye Isorkan khan enḍekhan unige sewawaepe.” Menkhan hoṛko do cetʼge bako roṛ ruạṛleda.

Nehemiạ 13:15

Ona jokhecʼ iń ńelkeda Jihudạren hoṛko do jirạukʼ mãhãre darkhako lelen kana, phosolko samṭaoeda ar ona phosol, darkha rasa, loa jo ar eṭakʼ sanamakʼ bojhako do gadhareko ladeyeda. Ona chaḍa onko do jirạukʼ mãhãre Jerusalemte onako aderetʼkana. Onate jirạukʼ mãhãre jomakʼ jinis ạkhriń babotre onkoń sontorkatʼkoa.

Nehemiạ 13:28

Maraṅ naeke Eliasibren hopon Jehoyadaren mitʼṭen hopon do Horoni hoṛ Sanbalatren kuṛiye bapla akadea. Ona iạte iń ṭhen khon uni koṛa doń laga ńirkedea.

Sereńko 10:3

Bedhorom hoṛ do acʼakʼ ontor reakʼ bạṛicʼ monsubạteye gorbokʼ kana; ar lalocicʼ do Probhu Isore sarapae kana ar uniye neṅghao edekana.

Sereńko 49:18

Uni do acʼakʼ jionre bhạgane hudisokʼre hõ ar jãhãegeye kisạ̃ṛlenre ar bhạganko metaere hõ,

Jirimiạ 5:30

“Disạm talare ạḍi botoranakʼ ghoṭnakoge hoyokʼkana.

Mathae 14:4

Ente Johan doe metade tahẽkana, “Herodiạ bạhu mentem dohoye do baṅ ganokʼtama.”

Mathae 3:15

Jisui menkeda, “Niạ dom do nonkage hoyocowakʼme, ente Isorakʼ sana do nonkage purạu lek talaṅa.” Adoe aṛakʼadea.

Mathae 3:7

Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńir pharakokʼ lạgitʼ do okoeye cetaoketʼpea?

Aposkạmi 12:22

Onko do uniyakʼ katha ańjomkate hohowateko menkeda, “Noa do debakʼ aṛaṅ kana, manwawakʼ do baṅa.”

Aposkạmi 15:2

Onate Pạul ar Barnabas sãote onko hoṛ doko apṭha ạpṭhiyena. Onko doko goṭakeda je, Pạul ar Barnabas do Antiokiạren thoṛa biswạsiko soṅgekate Jerusalemkin calakʼa ar apostolko ar manḍerren mukhiyạko tulucʼ noa reaṅko galmaraoa.

Aposkạmi 19:9

Menkhan onko modren adomkoakʼ mon do goṛdhoge tahẽkante bako pạtiạulena ar sanamko samaṅre Jisuakʼ hor reaṅ ạḍi leka opomanko ehopʼena. Unre Pạul do onko bạgiyatʼkoteye calaoena. Uni do celakoe soṅgeketʼkote Turanus ńutuman mitʼṭecʼ iskulre senkate dinạm hilokʼe lại bujhạuako kan tahẽkana.

Romiko lạgitʼ Pạul Apostolakʼ ciṭhi 1:32

Isorakʼ bicạr reakʼ katha mońjtegeko baḍaea je, okoe nonkanakʼko kạmi onko do gujukʼ sạjại lek kanako mente. Ar noa katha baḍaekate hõ eken niạgeko kạmikana ona do baṅ, bickom eṭakʼko hõ onkan kạmi lạgitʼko sãhãkʼako kana.

Ephesiko lạgitʼ Pạul Apostolakʼ ciṭhi 5:11

Ńut reakʼ bin jowanakʼ kạmikore do alope seledokʼa; bickom onako reakʼ dos udukʼakope,

1 Thessalonikikko 2:2

Ar noa katha hõpe baḍaegea, noa lahare ale do Philipi nagraharele khed ocolena ar bemanot hõle bemanot ocolena. Menkhan noa tạkicʼakʼko tahẽkanre hõ aboren Isor ṭhen khon dil ńamkate uniyakʼ bhage sombat reakʼ katha ale do khulạsategele lạiyatʼpe tahẽkana.

1 Johan 4:5

Onko eṛeko do noa dhạrtiren kanako; onate onko do noa dhạrti reakʼ kathako roṛa ar dhạrti do onkoakʼ kathae ańjoma.

Jihudạwakʼ ciṭhi 1:3

E dulạṛiạ gateko, kại khon sanamko oka bańcao bon ńamakatʼ ona bańcao reaṅ olape lạgitʼ ạḍi gagoj mon tahẽkantińạ. Menkhan enhõ Mạsi dhorom biswạsre, one okaṭakʼ Isor do acʼren hoṛko jaejug lạgitʼe emakatʼko, ona lạgitʼ mon murukte jemonpe lạṛhại ar ona udgạupe lạgitʼge noa ciṭhi olokʼ reakʼ jạruṛiń bujhạukeda.