Kạhtukko 28:12 - সান্তালী বাইবেল

¹² Dhorom hoṛko ektiạriko ńamle khan sanam hoṛakʼ bhạlại hoyokʼa, menkhan bạṛicʼ hoṛkoakʼ tire ektiạri calaolen khan hoṛko bako ńamokʼa.

Kạhtukko 28:12 Iomraidhean Croise

1 Rapajko 18:13

Isebel do tinre Probhu Isorren nạbikoe gocʼ giḍiyetʼko tahẽkana unre ińiń ceka akatʼ reakʼ do cetʼ ińren mạlik bae ańjomakada? Probhu Isorren nạbiko modren mitʼsae hoṛ do mõṛẽgel mõṛẽgelkate barea danderreń oko doholetʼkoa ar onkoakʼ jomakʼ ar dakʼ hõń bebosta akokan tahẽkan.

1 Rapajko 19:3

Noa iạte Eliạ do botor caṛhaoadete jiwi bańcaotae lạgitʼe dạṛkeda. Uni do Jihudạ ṭoṭha reakʼ Ber-sebate seṭerkate acʼren guti do onḍegeye bạgi oṭowadea,

2 Bõsbudạ 7:10

Ar eae cando reakʼ bargel pe din hilokʼre raj do hoṛko nij nij oṛakʼteye kolkatʼkoa. Dạud, Solomon ar uniren hoṛ Israelko cetanre Probhu Isor do okae bhạlại akatʼko onate rạskạte ar kusi monte oṛakʼteko ruạṛ calaoena.

Kạhtukko 11:10

Isor botoraekoakʼ bhạlại hoylen khan nagraha rạskạkʼa, ar bedhoromkoko ḍahao maraolenre hoṛko do rạskạteko andoṛa.

Kạhtukko 28:28

Bạṛicʼ hoṛkoakʼ tire ektiạri calaolen khan hoṛ doko okokʼa, menkhan onko bạṛicʼ hoṛko maraolen khan dhorom hoṛko ḍherokʼa.

Kạhtukko 29:2

Dhoromkoko saṅgelen khan hoṛkoko rạskạkʼa, menkhan bedhoromko cakʼlaokoko hoylen khan hoṛko doko kũhrạukʼa.

Sosolhayic̕ 10:16

Hae, ona disạm do! Okare kạ̃ṛmĩren bacṛa hopon do raj hudại ńam ar onḍenko mukhiyạko do setakʼ hạbicʼ bhojko jom.

Jirimiạ 36:19

Unre rajkạmiyạko do Barukko metadea, “Do, senkate okokokʼ ben, am hõ ar Jirimiạ hõ. Ar okoe hõ jemon aloko baḍae daṛeakʼ okare menakʼbena mente.”

Jirimiạ 36:26

Ona bodolte uni do olokʼicʼ Baruk ar Jirimiạ nạbi tạkin sapʼ ạgukin lạgitʼ raj hopon Jirohomel, Asrayelren hopon Sorae ar Abdiyelren hopon Selimi takoye hukumatʼkoa. Menkhan Probhu Isor do unkine oko dohokatʼkinạ.

Jirimiạ 5:1

Probhu Isore meneda, “Jerusalem reakʼ ḍaharkore onte note ńir baṛaepe ar beṛhaete beṅgetʼ ạcurpe. Onḍenakʼ nagraha reakʼ haṭ bajarkore khoj hataope. Ńelpe, nonkan jãhãepe ńamea se baṅa okoe do dhorom ar sạriyakʼreye dãṛãnkan enḍekhan iń do ona nagrahań ikạkakʼa.

1 Samuel 24:11

E ạlińren ạpuń, nõkʼõe ńelben, ạlińakʼ tire abenakʼ aṅgrop reakʼ ańcar kuṭrạ. Ạlińge abenakʼ aṅgrop khon ańcar liń getʼ kuṭrạ akatʼa menkhan aben do bạliń gocʼletʼ bena. Enḍekhan aben do ńitokʼ ben bujhạu daṛeakʼ kana je, aben cetanre ạlińakʼ jãhãn behokakʼ se hulteakʼ do bạnukʼa. Ar aben upạrte kại hõ bạliń kại akada, menkhan enhõ aben do ạliń gocʼliń lạgitʼ ben sendra baṛayetʼlińạ.