Kạhtukko 28:10 - সান্তালী বাইবেল

¹⁰ Soṛa monan hoṛ okoe bạṛicʼ horteye idiye uni do acʼakʼ khạ̃ṛiregeye ńurokʼa, menkhan miridosko do bhạlại hoyokʼtakoa.

Kạhtukko 28:10 Iomraidhean Croise

Sereńko 139:24

Ar ńelme amiń duk ocome nonkan ińakʼ monre menakʼa se baṅa; am do jaejug reakʼ horre ạyurińme.

Sereńko 37:11

Menkhan mạ̃hir hoṛko do disạmko ạidạri joṅa; ar asambheṛ bhorko ńamte onko doko hulạsokʼa.

Sereńko 57:6

Onko do ińakʼ dãṛãn horre jhạliko oḍao akada; santao iạte iń doń dormojlen tahẽkana; onko do ińakʼ horre ghaḍlakʼko layeda, menkhan onko do apnarge onareko khańjokʼkana. (Sela)

Sereńko 9:15

Eṭakʼ jạtrenko do apnarko la akatʼ ghaḍlakʼregeko khańjokʼ kana; ar akoko oḍao akatʼ jhạliregeko jhạlikʼ kana.

Kạhtukko 10:3

Probhu Isor do acʼ botoraekanko bae reṅgecʼ ocokoa, menkhan bedhoromkoakʼ laloc doe ạuṛiyakʼ ocoya.

Kạhtukko 15:6

Dhorom hoṛakʼ oṛakʼ do aema dhon menakʼa, menkhan bedhoromkoakʼ arjaoakʼ do muhine ạguiya.

Kạhtukko 2:21

Dhorom hoṛge disạmreko girobasokʼa, ar miridos hoṛ hõ onareko ṭikạu tahena;

Kạhtukko 21:20

Budankoakʼ oṛakʼre do damanakʼ dhon ar mahkaokʼ sunum tahena, menkhan bebuj hoṛ do onae ublạ ḍublạ cabaya.

Kạhtukko 26:27

Okoe hoṛ khạ̃ṛiye lae uni do onaregeye ńurokʼa; ar okoe hoṛ dhiriye guṛgạu gotʼkakʼ ona do acʼge guṛgạu hecʼaea.

Kạhtukko 28:18

Okoe bin dusạnteye calakʼkan uni doe bańcaokʼa, menkhan okoe hoṛ peṛta horteye taṛamkan uni do ackageye ńurokʼa.

Sosolhayic̕ 10:8

Okoe ghaḍlakʼe lae uni do onaregeye khańjokʼa; ar okoe bhite dasao uni do bińe ger botejea.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Galathiko lạgitʼ Pạul Apostolakʼ ciṭhi 2:4

Adom eṛe boehako oko okoteko bololente katha do rakapʼlena. Jisu Mạsire biswạsiko lekate aboakʼ oka sạdhintetʼ menakʼ ona sạdhintetʼ reakʼ dosko sab lạgitʼ onko do oko okoteko bololena jemon golamko benao daṛeabon.

Ibriko 6:12

Kuṛhiạpe tahen do bale khojkana; alele khojkana, okoe pạtiạu ar soborite Isorakʼ gokʼakʼ reakʼ bhorko ạidạri joṅkan, ape hõ onko leka hoyokʼpe.

1 Patras 3:9

Bạṛicʼ bodol okoe hõ bạṛicʼ alope hala ruạṛakoa se jãhãeko egerlepere alope eger ruạṛkoa, bickom bhorakope; ente bhor ńam lạgitʼge Isor doe hohoakatʼpea.

Johan sodor 2:14

Menkhan enhõ am upạrte ińakʼ roṛ reakʼ thoṛa menakʼtińạ. Onḍe am ṭhen nonkan hoṛ menakʼkoa okoe do Biliamakʼ sikhnạt lekateko calakʼkan. Balak raj do Biliame cetʼade tahẽkana jemon uni do boṅga samaṅakʼkoe jom ocoko ar laṭghaṭ kạmikote Israelko kại secʼe idiko.

1 Samuel 26:19

E ạlińren maharaj, ạlińren mạlik, ńitokʼ do dayakate abenren gutiyakʼ katha ańjom ben. Probhu Isorge ạliń upạrteye teṅgo akatʼ ben khan tobe do ạlińakʼ samaṅokʼakʼ uni ṭhen ataṅokʼma. Ar manwako onka akatʼ khan tobe do Probhu Isorakʼ sarap onkore paṛaokʼma, ente teheń do Probhu Isore em akatʼ sompottire ạlińakʼ oka bhag menakʼ ona khon laga ńir liń reakʼko kurumuṭu kana. Onko doko meneda, ‘Do calakʼme, ar debotako pujạwakome.’