Kạhtukko 28:1 - সান্তালী বাইবেল

¹ Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.

Kạhtukko 28:1 Iomraidhean Croise

1 Rapajko 1:49

Adoniạren neota akan hoṛko do niạ kathako ańjomketʼ khan ạḍiko botorena ar beretʼkate apan ạpin horteko calao baṛayena.

2 Rapajko 7:15

Unkin do jordan gaḍa hạbicʼkin sendraketʼkoa ar unkin do senkatekin ńelkeda Aramrenko do ampa ạmpiko dạṛketʼte akoakʼ sanam jinisko ar kicricʼko horreko bạgi giḍi oṭoada. Ar unkin kol ocolenkin hoṛ do sen ruạṛkate jotowakʼ khobor rajkin lạiyadea.

Nehemiạ 6:11

Menkhan ińiń metadea, “Iń lekan hoṛ do cetʼ dạdạṛ lek kantińạ? Iń lekan hoṛ do cetʼ jãhãe leka mundilte bolokate jiwetʼe tahẽkokʼa? Iń do bạń calakʼa.”

Jobakʼ 15:21

Uniyakʼ luturre do torasge bajaokʼkana; ar jotowakʼge mońjge calakʼkana mente tireye hudisa unre luluṭko do uni cetanre jhãpko ema.

Sereńko 112:7

Jãhãn bạṛicʼ khobor ańjomkate bae botorokʼa; uniyakʼ mon do khạtirgea ar Probhu Isorreye bhorsa akana.

Sereńko 53:5

Amre jhãp emokʼkankoakʼ jaṅ do uniye gejertakoa; onko do lahate botor baṅ tahẽkantakore hõ, enhõ ńitokʼ do ạḍi bạṛicʼko botorena; Isor do onkoe bad giḍikatʼkoa, onate onko do lajaorem paṛao ocoakatʼkoa.

Sereńko 53:6

Israelkoakʼ babańcao do Sion khonge hijukʼa. Isor do tinre acʼren hoṛkoakʼ dosae ruạṛkatakoa unre Jakob bõskoren doko rạskạkʼa ar Israelko doko kusikʼa.

Exodus 11:8

Amren kạmiyạko hecʼkate iń samaṅre ikhṛumkateko mena, ‘amren sanam hoṛkoante oḍok calakʼme!’ Ar ona tayom doń oḍok calakʼa.” Noa katha menkate Mose do Pharao ṭhen khon raṅgaokateye oḍok hecʼena.

Kạhtukko 10:9

Okoe dhoromteye calakʼkan uni do khạtirjomae dãṛãnkana, menkhan okoe peṛta horteye calakʼ uni doe sapʼ ocokʼa.

Kạhtukko 27:27

Ona chaḍa am ar amakʼ gharońj lạgitʼ do aema toam ńama; ar amren juạn kạ̃ṛmĩko hõ ona ńũteko moṭakʼa.

Jesaea 30:17

Mitʼ hoṛ botoraete aperen do hajar hoṛko dạṛa ar mõṛẽ hoṛ botorakote sanamkogepe dạṛ pạnḍuja; onate aperen lạṛhại phạdko do buru cetan reakʼ jhạnḍi chaḍa ar cetʼge baṅ tahentakoa.

Jesaea 7:2

Unre Dạud bõsren hoṛko men ocoyena, “Aramren lạṛhại phạdko do gate lekate Ephrayimreko ḍera akana.” Niạ katha ańjomkate Ahas ar uniren hoṛkoakʼ mon do botorte hoete bir reakʼ dareko leka dalmalaoentakoa.

Jirimiạ 20:4

Ente Probhu Isore meneda, ‘apnar lạgitʼ ar ar amren gateko lạgitʼ mitʼṭecʼ torasgeń hoyocomea. Onko do am ńeńel tulucʼge akoren bạirikoakʼ tarwaṛeteko gocʼ ocokʼa. Iń do goṭa Jihudạ Babelren rajakʼ tireń soprota. Uni do onkoren ḍher hoṛge Babelteye bondi idikoa ar sarecʼ hoṛ do tarwaṛeteye gocʼkoa.

Levitikus 26:17

Iń do mẽtʼ ar mẽtʼteń ńelpea ar bạiriko ṭhenpe bhagao ocokʼa. Ar hirkhạwape hoṛge apeko ḍanṭaopea ar celege bako khudạupere hõ ape dope ńir baṛaea.

Levitikus 26:36

Aperen okoe do bạirikoakʼ disạmre jiwetʼko tahen onkoakʼ ontorre nonkan botor iń caṛhao ocoya, onko do hoete sakam reakʼ saḍeko ańjomlere hõ botorteko ńir pharakokʼa. Lạṛhại botorte cetʼleka manwako ńir pharakokʼ onkage onko hõko ńirjoṅa. Ar bako lagalekore hõ onko doko ńir pharakokʼa arko tohotʼ bhindạṛokʼa.

Aposkạmi 14:3

Pạul ar Barnabas do ona nagrahare thoṛa dinkin tahẽyena ar dil salakʼ Probhu Isorakʼ kathakin galmaraoatʼkoa. Ar Probhu Isorakʼ daya reaṅ okakin porcaretʼ tahẽkan ona katha sạrikana mente sạbud lạgitʼ Probhu Isor do Pạul ar Barnabas hotete cinhạko ar hahaṛawakʼkoe hoyocokeda.

Aposkạmi 4:13

Ado Patras ar Johanakʼ dil ńelte ar bin bidiyạwan ar ne hoṛkanakin menteko baḍaeketʼ khan onko mukhiyạko doko hahaṛayena, ar noa hõko bujhạukeda je unkin hõ Jisu sãotekin tahẽkana.

Dosar Biboron 28:25

“Probhu Isorgeye nonkaea jemon ape do aperen bạiriko samaṅrepe bhagao ocokʼ. Ape do mitʼ horte jhãpe ema menkhan onko do eae horteko dạṛ pạnḍuja. Dhạrtiren eṭakʼ sanam rajosṭiren hoṛ do apeakʼ halot ńelte botorteko keklesedokʼa.

Dosar Biboron 28:7

“Bạiri lekate okoe ape upạrteko teṅgokʼ onko do Probhu Isorgeye nonkakoa jemon ape ṭhenko bhagao ocokʼ. Onko do mitʼ horte apere jhãpko ema menkhan eae horteko dạṛ pạnḍuja.

1 Thessalonikikko 2:2

Ar noa katha hõpe baḍaegea, noa lahare ale do Philipi nagraharele khed ocolena ar bemanot hõle bemanot ocolena. Menkhan noa tạkicʼakʼko tahẽkanre hõ aboren Isor ṭhen khon dil ńamkate uniyakʼ bhage sombat reakʼ katha ale do khulạsategele lạiyatʼpe tahẽkana.