Kạhtukko 27:23 - সান্তালী বাইবেল

²³ Amren merom ar bhiḍi palrenkoakʼ dosa do amge mońjte baḍaekakʼme, ar amren palrenko secʼ hõ moneyakʼme;

Kạhtukko 27:23 Iomraidhean Croise

Genesis 33:13

Jakob do uniye metadea, “Am ińren kisạ̃ṛ dom baḍaegea, noko gidrạkoakʼ umer do komgetakoa. Ona chaḍa okoeko ḍaṅgra ar bhiḍi akoren hoponko toako nunuako kan onko hõ disạko hoyokʼtińạ. Ente mitʼdinte usạra idileko khan enḍekhan sanamgeko gujukʼa.

2 Bõsbudạ 26:10

Uniren do latar buru ṭoṭhakore ar bilạn ṭạnḍikore ạḍi utạr ạsul janwarko tahẽkantaea; ar onate uni do hahaṅkarre usul usul pahra oṛakʼkoe benaokeda ar aema kuńkoe la ocokeda. Uniren hoṛko do bhage hasareko cas abadetʼ tahẽkana ar burure darkha bagwanko benaoetʼ tahẽkana, ente uni do cas baskoe kusiyakʼkan tahẽkana.

Exodus 7:23

bickom uni doe ạcurente acʼakʼ oṛakʼteye boloyena. Ar cetʼge bae moneyada.

Kạhtukko 24:27

Amakʼ khet baṛge ṭhik ṭhakme ar amakʼ bahre kạmi sạtme, ar ona tayom do amakʼ oṛakʼ duạr benaojoṅme.

Kạhtukko 24:32

Ar okań ńelketʼ onań ạribạndhikeda, ar ona ńelte noa cecetʼakʼiń ńamkeda,

Jirimiạ 31:10

“E Jạt jạtrenko, ińakʼ katha ańjompe; ar sạṅgiń disạmkore niạ katha lại jạhirpe, ‘okoe do Israelkoe chirchạturletʼko uni do onkoe jarwakoa ar gukʼpiko leka acʼakʼ palkoe rukhiyạitaea.’

Jeheskel 34:12

Gukʼpiyicʼ cetʼ leka acʼren pasnao akan palrenkoe tolasko onkage ińren bhiḍi hõń tolaskoa. Rimil ar ńut reakʼ dinre oka ṭhạ̃ikoreko pasnao akan iń do onḍe khoniń bańcao ạgukoa.

Jeheskel 34:31

E ińakʼ palrenko, ińakʼ ạtiń ṭạnḍirenko, ape do ińren kangeape ar iń doń aperen Isor kana. Ar iń Probhu Isorge noa katha doń meneda.’ ”

Johan 10:3

Bhiḍikoakʼ khạṛ okoeye horhoyetʼkan uni do gupiyicʼge duạre jhicʼaea. Bhiḍiko do uniyakʼ aṛaṅko ańjomtaea, ar gupiyicʼ do acʼren bhiḍiko ńutum ńumkateye hohowakote bahreteye oḍok idikoa.

1 Patras 5:2

Ape talare menakʼ Isorakʼ palren gupiko hoyokʼpe. Ńel todarotkope hoyokʼkante onkope ńelkoa ona do baṅ, bickom apnarakʼ monejoṅ lekatege gupikope, ente Isor do ape ṭhen onageye khojkana. Porho ńam lạgitʼ do alope kạmiya, menkhan gagoj monte kạmipe;

1 Samuel 17:28

Dạudren maraṅicʼ boeha Eliab do hoṛko sãote uniyakʼ galmaraoe ańjomketʼ khane raṅgaoena. Uni doe metadea, “Nonḍe do cedakʼem hecʼakana? Hahaṅkarre bhiḍiko do okoe jimạrem bạgi oṭoakawatʼkoa? Amakʼ bạḍại ar dusṭami reakʼ katha doń baḍaegea. Am do lạṛhại ńeńelgem hecʼakana?”