Kạhtukko 27:18 - সান্তালী বাইবেল

¹⁸ Loa dareye jotonetʼkan hoṛ do ona reakʼ jogeye joma; ar okoe acʼren kisạ̃ṛe sapʼsoraekan uni doe manot ocokʼa.

Kạhtukko 27:18 Iomraidhean Croise

2 Rapajko 18:31

“Ape do Hiskiạwakʼ katha alope ańjoma. Ạsurren raje meneda, ‘ape do iń tulucʼ sulukokʼpe ar iń ṭhen oḍok hijukʼpe. Enḍekhan ape do uniyakʼ darkha bagwan reakʼ jo ar loa dare reakʼ jope joma ar apnarakʼ kuń khon dakʼpe ńũiya.

2 Rapajko 3:11

Jehosaphate menkeda, “Nonḍe do cetʼ Probhu Isorren jãhãe nạbi bạnukʼkoa one uni hotete Probhu Isor bon kuli daṛeke?” Israel rajren mitʼṭen gutiye menkeda, “Nonḍe do Saphatren hopon Elisae menaea. Uni do Eliạren sapʼ dapʼicʼe tahẽkana.”

2 Rapajko 5:25

Ona tayom uni do bhitrite senkate acʼren kisạ̃ṛ Elisae samaṅreye teṅgoyena. Elisae do uniye kulikedea, “Gehosi, am do okatem senlena?” Gehosiye menkeda, “Amren guti do okatehõ bacoń senlen.”

2 Rapajko 5:27

Onate Namanakʼ murhucʼ jom rog do am ar amren bõsko talare jaejug hạbicʼ tahena.” Unre Gehosi do Elisae samaṅ khone calaoena ar uniyakʼ hoṛmo do murhucʼ jom rogte him leka ponḍentaea.

Ester 6:11

Onate Haman do raj kicricʼ ar sadome ạgukedea ar ona kicricʼ Mordekaiye horokʼadete sadomreye decʼkedea ar nagraha reakʼ moedanre uni laha lahate noae lại jạhirkeda, “Raj okoe manoteye men unire hõ nonkage hoyokʼa.”

Sereńko 123:2

Golamkoakʼ mẽtʼ do cetʼleka kisạ̃ṛ reakʼ ti secʼ ar kạ̃ṛmĩkoakʼ mẽtʼ hõ akoren kisạ̃ṛ era secʼ, onkage aboakʼ mẽtʼ hõ Probhu Isor secʼ menakʼa, one ạuriye daya abon hạbicʼ.

Exodus 24:13

Noa katha ańjomkate Mose do acʼren gokʼṛoyicʼ Josuại soṅgekedea are mohnḍayena. Ar ona tayom uni do Isorakʼ buruteye rakapʼena.

Kạhtukko 17:2

Ạkilteye kạmikan guti do hopon cetanre hukume calaoa, ar boehako talaren leka ạidạrireye bakhra joṅa.

Kạhtukko 22:29

Am do cetʼ nonkan jãhãe hoṛem ńel akatʼkoa oko do gạkhuṛ titeye kạmikan? Uni do rajko lạgitʼe kạmiya, ar hoṛko tabere do baṅa.

Kạhtukko 27:17

Mẽṛhẽtʼ do cetʼleka mẽṛhẽtʼe laseretʼa, onkage mitʼṭen hoṛ do acʼren gateakʼ bude laseretʼtaea.

Kạhtukko 27:19

Dakʼ do cetʼleka mẽtʼãhãe ạrsi udukʼetʼ, onkage manwawakʼ mon do uniye ạrsi udukʼedea.

Soros sereń 8:12

Ińakʼ darkha bagwan menakʼa, ona do ińakʼkangea. E Solomon, ona gelbar keji rupạ do amakʼge tahenma, menkhan bar keji tala do onko lạgitʼge okoe do joko horho kan.

Jesaea 36:16

“Hiskiạwakʼ katha do alope ańjoma. Ạsurren raje meneda, ‘iń tulucʼ sulukokʼpe ar iń ṭhen oḍok hijukʼpe. Enḍekhan ape do apan ạpin darkha bagwan reakʼ jo ar apan ạpin loa dare reakʼ jope joma ar apnarakʼ kuń khon dakʼpe ńũiya.

Mathae 24:25

Ńelpe, iń do laharege noakoń lại dohowatʼpea.

Mathae 24:46

Bhạgangeae uni guti do, one uni kisạ̃ṛtetʼ onkayetʼkane hecʼ ńame.

Mark 10:43

Menkhan apeko talare onka hoyokʼ do lek baṅkana, bickom ape modre jãhãege maraṅ hoyokʼe menjoṅkan khan uni do aperen sapʼdapʼicʼe hoyokʼma,

Luk 12:37

Bhạgangeako onko guti do, one okoe do jagwar tahene hecʼ ńamko. Sạrigeń metapekana, uni kisạ̃ṛ do ḍanḍare kicricʼe paṭhekʼte onkoe duṛupʼ ocokoa ar hecʼkate acʼgeye jom ocokoa.

Luk 12:42

Probhui menkeda, “Uni pạtiạricʼ ar budanicʼ kạmiyạ hoṛ doe okoe kana, one uniren kisạ̃ṛtetʼ do gutiko cetanre sordare dohoyete ṭhik oktere ser sidhạ emako lạgitʼ bhare emaekan?

Luk 19:17

“Raj do uniye metadea, ‘bes akadam. Am do bhage guti kanam. Ar thoṛawakʼkore pạtiạrem tahẽkante gel goṭecʼ nagraha reakʼ bhariń emamkana.’

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiyạko hõ onḍegeko tahena. Jãhãege ińakʼe kạmikan khan Baba do uniye manotea.

Aposkạmi 10:7

Ado okoeṭakʼ serma goḍet sãoteye galmaraokan tahẽkan uniye calaoen khan Kornelius do barea guti ar mitʼṭen gokʼṛoyicʼ palṭone hohowadea. Nui palṭon hõ Isor bhokti hoṛe tahẽkana.

1 Korinthiko 3:8

Rohoeyicʼ ar dakʼe emokʼicʼ unkinakʼ monsubạ do mitʼgea, menkhan unkin do apan ạpin kạmi leka kuṛạikin ńama,

1 Korinthiko 9:13

Ape do cetʼ bape baḍaea, okoe mundil reakʼko kạmikan onko do mundil khonge jomakʼko ńama, ar okoe pinḍreko kạmikan onko do pinḍre jãhãnakʼge samaṅokʼkan ona reakʼ hạṭińko ńama mente?

1 Korinthiko 9:7

Apnarakʼ poesa khorockate palṭon kạmi do okoeye kạmikana? Ar okoe darkha bagwane benaoetʼkan uni do cetʼ ona reakʼ jo bae jomeda? Se okoeye gupikan uni do cetʼ palrenkoakʼ toa bae ńũiya?

Kolossiko lạgitʼ Pạul Apostolakʼ ciṭhi 3:22

E golamko ape do jotowakʼre noa dhạrtiren kisạ̃ṛko ṭhen tabe akan tahenpe. Eken mẽtʼ samaṅre golam khaṭaokʼte hoṛ kusi ocoko leka do alo, menkhan khạṭi monte Probhu Isor botorae tulucʼ onkore tabe akan tahenpe.

2Timothi 2:6

Mehnotetʼkan cacas hoṛge pạhilre do phosol reakʼ bhag hatao lek kanae.

1 Patras 2:18

Oṛakʼren guti ar kạ̃ṛmĩko, ape do aperen kisạ̃ṛko manotkope ar onko tabere tahenpe. Okoe kisạ̃ṛko doko bhagege arko dayakʼko kan eken onko taberepe tahen ona do baṅ, menkhan okoeko ajhaṭko kan onko tabere hõ tahenpe.

1 Patras 2:21

Isor do noa lạgitʼgeye hohoakatʼpea, ente Mạsi do ape iạte duke jomketʼte ape lạgitʼ nạmunae doho oṭoakada, jemon uni lekape colon,

1 Samuel 2:30

“Ona iạte Israelkoren Probhu Isore meneda, ‘iń doń khạṭigeń menleda, am ar amren hapṛamakʼ bõsren hoṛ do jaejug iń sewawạń reakʼko kạmiya;’ menkhan ńitokʼ Probhu Isore meneda, ‘ona do ar baṅ hoyokʼa. Okoe ińko manotiń iń hõ onkogeń manotkoa ar okoe ińko nisṛạuiń onko do ako hõko nisṛạu ocokʼa.