Kạhtukko 26:24 - সান্তালী বাইবেল

²⁴ Kurudamkan hoṛ do acʼakʼ luṭite heṛem heṛeme roṛama, menkhan ontorre do phikire dohoyeda.

Kạhtukko 26:24 Iomraidhean Croise

Genesis 34:13

Sikem do onkoren boeha kuṛi Dinawakʼ kũạritetʼe nosṭoketʼ iạte Jakobren hoponko do cạtur salakʼ unkinko roṛ ruạṛatʼkinạ, “Bin khatna akan nonkan okoe tulucʼ hõ aleren misera do bale bapla daṛeaea ente ona do ale lạgitʼ bemanotakʼ kana.

2 Samuel 13:26

Unre Absalom do raje metadea, “Am bam calakʼ khan tobe do ińren boeha Amnon ale sãote sen ocoaeme.” Raj do uniye kulikedea, “Cedakʼ ape tulucʼ doe calakʼa?”

2 Samuel 13:27

Menkhan Absalome jormoṭkede khan uni do Amnon ar uni sãote joto raj kũạrkoe kolkatʼkoa.

2 Samuel 20:9

Joab do Amasae metadea, “E boeha cetʼ leka menama?” Ar niạ menkate cokʼae lạgitʼ jojom tite uniyakʼ gocoye sapʼketʼtaea.

Nehemiạ 6:2

Unre Sanbalat ar Gesem do niạ kathakin roṛgotʼkada, “Dela hijukʼme, abo do Ono ṭạnḍi reakʼ mitʼṭecʼ atore bon ńapamlenge.” Menkhan unkin do iń hạniń lạgitʼ kin soṛojontrokeda.

Sereńko 12:3

Okoeko men, “Alaṅ reakʼ jortege bon jitạukʼa; ar aboakʼ luṭi do abo secʼge menakʼa, aboren mạlik do okoeye hoekokʼa?” Onkoakʼ luṭi ar bạḍạite perecʼ alaṅ do Probhu Isorge jemone getʼ giḍikatako.

Sereńko 28:3

Okoeko phạsiạrage, ar okoe do bạṛicʼakʼko kạmikan ar okoe jotoko tulucʼ bhageko roṛetʼkan menkhan ontorre bạṛicʼakʼ menakʼtako, onko sãote sạjạiyiń lạgitʼ do alom or seledińạ.

Sereńko 41:6

Onkoren jãhãege iń ńeńelko hecʼlenre onko do iń tulucʼ bạṛicʼakʼko roṛa; ar iń upạrte nindạu reakʼ kathako jogaṛa ar bahrere senkate onako lại baṛaea.

Kạhtukko 10:18

Kurude okoyetʼ kan hoṛ do eṛe kathae roṛa; ar bebuj hoṛ do bodname gahaoa baṛaea.

Kạhtukko 11:1

Eṛe tulạ do Probhu Isore kurudakʼa, menkhan hok reakʼ baṭkhara doe kusiyakʼ kana.

Kạhtukko 12:17

Soṛa monte roṛetʼ hoṛ do sạriyakʼgeye roṛa, menkhan eṛe goha do phạsiạrae phuṭạua.

Kạhtukko 12:20

Okoe bạṛicʼ phundiko aṭaoetʼ onkoakʼ ontorre do phạsiạratetʼ tahena, menkhan okoe bhạlại reakʼ solhako emokʼ onkoakʼ ontorre do rạskạ tahena.

Kạhtukko 12:5

Isor botorae hoṛkoakʼ hudisko do bhageakʼkote perecʼgea, menkhan bedhoromkoakʼ solhare do phạsiạratetʼ menakʼa.

Kạhtukko 14:8

Acʼakʼ hore orom ona kangea budan hoṛakʼ ạkil do, menkhan chol kopoṭ do bebuj hoṛkoakʼ lelhatetʼge.

Kạhtukko 23:7

ente uni doe nonkan hoṛ kana okoe do sanam ghạṛicʼ acʼakʼ jomakʼ reakʼ dame hisạb baṛayetʼ. Uni doe metama, “Ne jomme ar ńũime,” Menkhan uniyakʼ mon do am tulucʼ bạnukʼtaea.

Jirimiạ 9:4

Onko do mimitʼ gateko khon sontor akaeko tahenma ar apnar boehako hõ aloko pạtiạuako ma, ente mitʼke mitʼ boeha doko ṭhokagea ar mitʼke mitʼ gate doko okta baṛaegea.

1 Samuel 18:17

Mitʼdin Sạul do Dạude metadea, “Ińren maraṅicʼ hoponera Merab do am sãoteń baplakaea. Onate am do eken iń secʼ khon birbanṭa leka Probhu Isor lạgitʼ lạṛhạime.” Sạul do Dạud cetanre acʼakʼ ti rakabtae bae menetʼ tahẽkanre hõ Philisṭikoakʼ tite uni gocʼ ocoye do moneteye khojgokʼkan tahẽkangea.