Kạhtukko 26:21 - সান্তালী বাইবেল

²¹ Jolokʼkan aṅgrare arhõ koela emakʼ khan ar seṅgelre arhõ kaṭ emakʼ khan cetʼleka hoyokʼ, onkage jhogṛakʼ hoṛ do jhogṛae salgao ocoya.

Kạhtukko 26:21 Iomraidhean Croise

2 Samuel 20:1

Benjamin-gusṭiren Bikri hopon Seba ńutuman mitʼṭen haḍrap hoṛ do unre onḍeye tahẽkana. Uni do sakwa oroṅketʼteye menkeda, “Dạud cetanre aleakʼ do jãhãn dạbiteakʼ bạnukʼtalea, Jisạiren hopon cetanre jãhãn ạidạri hõ bạnukʼtalea. E Israelko, ape do apan ạpin oṛakʼte ruạṛ joṅpe.”

1 Rapajko 12:20

Jerobiamakʼ ruạṛ hijukʼ reakʼ khobor ańjomkate Israelko do hoṛ kolkate akoakʼ sabhareko hoho ạgukedea ar sanam Israelko cetanre uniko rajkedea. Ar eken Jihudạ gusṭikoren hoṛkoge Dạudakʼ bõsre pạtiạrko tahẽyena.

Sereńko 120:4

Uni do birbanṭawakʼ laser sarko ar Rothem jhạuạ reakʼ aṅgra seṅgelkoe emama.

Kạhtukko 10:12

Kurud do jhogṛae janam ocoya, menkhan dulạṛ do sanam lekan bedhorome danaṅa.

Kạhtukko 15:18

Raṅgaokʼ hoṛ do jhogṛakʼgeko ehoba, menkhan bae raṅgao hodokʼicʼ do jhogṛae thir ocoya.

Kạhtukko 29:22

Edrekʼ hoṛ do jhogṛae salgaoa, ar etaṅ cạndi hoṛ do ạḍiye ghạṭa.

Kạhtukko 30:33

Toam urudlere cetʼleka gotom oḍokokʼ, ar mũm mocṛaolere cetʼleka mãyãm oḍokokʼ, onkage raṅgaoem khocao lekhan jhogṛa do hoyokʼgea.