Kạhtukko 26:20 - সান্তালী বাইবেল

²⁰ Sahan baṅ tiṅgi idiyakʼ khan seṅgel do ĩṛĩjokʼgea; ar katha baṅ gutu galaṅakʼ khan kạphạriạu do cabakʼgea.

Kạhtukko 26:20 Iomraidhean Croise

Kạhtukko 16:28

Phẽpṛakʼkan hoṛ do jhogṛae janam ocoya, ar okoe nindạu kathae roṛ uni do gate talare phaṭole dhoraoa.

Kạhtukko 22:10

Landa dhutʼicʼ do laga ńirime, inạkhan jhogṛa do oḍokʼ calakʼa; ar kạphạriạu ar lajao hõ cabakʼa.

Kạhtukko 26:22

Nindạuicʼakʼ katha do sebel jomakʼ leka; ona do manwa lacʼ bhitri hạbicʼ bolokʼ kana.

Levitikus 19:16

Okoe hoṛakʼ hõ alom nindạua. Ar am aḍepaseren hoṛakʼ jiwi upạrte hõ alom teṅgona. Iń kangeạń aperen Probhu Isor do.

Jakob 3:5

Alaṅ hõ onkage; hoṛmo reakʼ mitʼṭecʼ huḍiń utạrakʼ hạṭińkanre hõ ona do ạḍi maraṅ maraṅ kathakoe roṛa. Arhõ huḍiń huḍiń seṅgelte mitʼṭecʼ napṛakʼ bire ḍahao marao daṛeakʼa!

Jakob 3:6

Onkage alaṅ hõ ṭhik seṅgel leka. Aboakʼ hoṛmore tinạkʼ hạṭińko menakʼ ona modre alaṅ do mitʼṭecʼ bedhorom dhạrti lekana. Norok seṅgelre lokʼte ona do goṭa hoṛmoe nosṭoyeda ar jion reakʼ horre seṅgele salgaoeda.