Kạhtukko 24:19 - সান্তালী বাইবেল

¹⁹ Bạṛicʼ kạmi hoṛko iạte alom dur durạukʼa, ar bedhoromko ńelte alom hiskạkʼa.

Kạhtukko 24:19 Iomraidhean Croise

Sereńko 1:1

Bhạgangeae uni hoṛ do, okoe do bedhoromkoakʼ sopolha bae senakʼkan, ar kại hoṛkoakʼ horre bae tahenkan, ar ṭiṭkạri nisṛạukoakʼ duṛupʼakʼre hõ bae duṛupʼkan;

Sereńko 119:115

Ape okoe do bạṛicʼakʼpe kạmikan, ape do iń khon men pharakokʼpe, jemon ińren Isorakʼ hukumkoń doho daṛeakʼ.

Sereńko 37:1

Am do bạṛicʼ hoṛko iạte alom jal jalaokʼa, se behok kạmiyetʼkanko ńelte alom hiskạkʼa;

Sereńko 73:3

Ńelkedạń, bedhoromko do ạḍi sukre menakʼkoa, ar onko bạḍại hoṛko ńelte ińakʼ mẽtʼ do jolokʼkan tiń tahẽkana;

Kạhtukko 13:20

Ạkilanko sãote okoeye senokʼ uni do ạkilane hoyokʼa, menkhan okoe bebuj hoṛkoren gateye hoyokʼ uni doe baṛijokʼa.

Kạhtukko 23:17

Amakʼ mon do kại hoṛko aloe hiskạwakoma, bickom sanam ghạṛicʼ Probhu Isor botoraete khemaome.

Kạhtukko 24:1

Bạṛicʼ hoṛko cetanre alom hiskạkʼa, ar onko sãote tahen hõ alom hạ̃sakʼa.

Kạhtukko 24:18

Arem onkale khan enḍekhan Probhu Isor do ona ńelteye edrekʼa, ar bạiri cetan khon uniyakʼ raṅgaoe ocogtaea.

Numeri 16:26

Mose do Israelkoe metatʼkoa, “Noko bạṛicʼ ar ṭhok hoṛkoakʼ tạmbu ṭhen khon ocogokʼpe. Onkoakʼ jãhãnakʼ jinisge alope joṭeda; arpe onkae khan onkoakʼ kại iạte ape hõpe marao ocokʼa.”

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

Ephesiko lạgitʼ Pạul Apostolakʼ ciṭhi 5:11

Ńut reakʼ bin jowanakʼ kạmikore do alope seledokʼa; bickom onako reakʼ dos udukʼakope,

Johan sodor 18:4

Ona tayom iń do serma khon ar mitʼ hoṛ roroṛ kaniń ańjomkedea, “E ińren hoṛko, ape do Babel khon oḍok hijukʼpe jemon uniyakʼ kại reakʼ bhạgiyạdarko alope hoyokʼ, ar okako sạjại unire ńurokʼ ona okaṭakʼge jemon alo paṛaoape.