Kạhtukko 24:15 - সান্তালী বাইবেল

¹⁵ E bedhorom hoṛ, dhorom hoṛakʼ oṛakʼ upạrte alom tãṛãkʼgokʼa, ar uniyakʼ tahen ṭhạ̃ire hat alom lagaoa;

Kạhtukko 24:15 Iomraidhean Croise

Sereńko 140:5

Bạḍại hoṛko do iń lạgitʼ pạsi baberko oḍao akada; onko do hor aṛere jhạliko aṭetʼ akada ar iń lạgitʼ jhampako dohoakada.

Sereńko 37:32

Bạṛicʼ hoṛko do Isor botoraeko lạgitʼ tãṛãkʼ akanko tahena, ar onko gocʼko reakʼko kurumuṭuiya.

Sereńko 56:6

Onko do mitʼ ṭhenko jarwakʼa, ar iń lạgitʼko tãṛãgokʼa; ar gojeń reakʼ ạt ńam lạgitʼ onko do ińakʼ daṛanko tạnkhiyetʼa.

Sereńko 59:3

Onko do iń lạgitʼko tãṛãkʼ akana, ar daṛean hoṛko do iń hạneń lạgitʼko jarwa akana; E Probhu Isor, ona do ińakʼ jãhãn bedhorom se kại lạgitʼ do baṅ hoyakana.

Kạhtukko 1:11

Jãhãegeye metam, “Dela ale sãote hijukʼme, ar khũn lạgitʼ dela tãṛãkʼ akae bon tahenma, ar miridos hoṛ sabe lạgitʼ dela bon coko hataṛokʼma.

Kạhtukko 22:28

Amren hapṛamko do simạ reakʼ okaṭakʼ cinhạ dhiriko bandhao oṭo akatʼ, ona do alom ocoga.

Jesaea 32:18

Ińren hoṛko do sulukte perecʼ jaegare, khạtirjomako tahen jaegare ar nirdạndi tahen jaegare girobas akanko tahena.

Jirimiạ 11:19

Iń do gure lạgitʼ tiyạkʼ idiyekan bheḍa hopon lekań tahẽkana; iń do bạń bujhạu daṛeada, onko do noa menkate iń upạrteko soṛojontro kana mente, “Dela, abo do dare ar ona reakʼ jo bon nosṭoea; dela, abo do jiwetʼkoakʼ disạm khon uni bon getʼ giḍikaea jemon uniyakʼ ńutum do alo disạkʼtae.”

Aposkạmi 23:16

Menkhan Pạul miseratren hopontetʼ do noa soṛojontro reakʼ katha ańjomkate palṭonkoakʼ gaṛteye calaoena ar ona katha Pạule baḍae ocokedea.

Aposkạmi 25:3

Onko do Phestus ạḍiko nehõradea jemon onkoreye dayakʼte Jerusalemte Pạule ạgu ocoye. Ona reakʼ karon do noage je, onko do horre tãṛãkʼkate Pạul goje reakʼko soṛojontrokan tahẽkana.

Aposkạmi 9:24

Menkhan Sạul do onkoakʼ goṭawakʼe baḍaeketʼtakoa. Ar uni goje lạgitʼ Jihudiko do nagraha reakʼ Phoṭok duạrkore siń ńindạ pahrako ehopʼena.

1 Samuel 9:11

Ar nagraha reakʼ ona hortekin rakapʼ calakʼkan tahẽkanre unkin do adom kuṛiko sãotekin ńapamena. Onko kuṛiko do dakʼ loloko oḍok hijukʼkan tahẽkana. Unkin do onko kuṛikin kuliketʼkoa, “Ńeńelicʼ do cetʼ nonḍe menaea?”