Kạhtukko 24:13 - সান্তালী বাইবেল

¹³ E bạbu, dumur rasa jomme, ente ona do bhagegea; ar chata khon rasa jomme, ona do amakʼ tạru lạgitʼ heṛemgea.

Kạhtukko 24:13 Iomraidhean Croise

Sereńko 119:103

Amakʼ sanam gokʼakʼ do ińakʼ alaṅre heṛemgea! Ona do ińakʼ mocare dumur rasa khon hõ heṛemgea.

Sereńko 19:10

Ona do sona khon hõ, ar aema sonako khon hõ bạ̃ṛti lalocakʼ jinis leka kana. Ona do rasa khon hõ heṛemgea, ar dumur rasa khon hõ sorosgea.

Kạhtukko 16:24

Heṛem kathako do dumur chata leka; ontor lạgitʼ do heṛemgea ar hoṛmo mońjgeye dohoya.

Kạhtukko 25:16

Dumur rasam ńamle khan jạruṛam leka jomme, bạ̃ṛtim jomle khan dom uchlạu oḍoka.

Kạhtukko 25:27

Ḍher dumur rasa jom do baṅ bhagea; ar bạ̃ṛti man ńamhõ baṅ bhagea.

Kạhtukko 27:7

Okoeyakʼ lacʼ bigetae uni do dumur rasa hõ bae moneyakʼa, menkhan okoeyakʼ reṅgecʼ menakʼtae uni ṭhen do haṛhatʼakʼ hõ heṛemgea.

Soros sereń 4:11

E bạhutiń, amakʼ luṭikin khon do nirạ dumur rasage jorokʼ kana. Amakʼ alaṅre do toa ar dumur rasage menakʼa; amakʼ kicricʼko reakʼ bas do Lebanon bir reakʼ mohok leka.

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Jesaea 7:15

Oka bạṛicʼakʼ kan ona phesṛao giḍikakʼ ar oka bhageakʼ ona bachao joṅ reakʼ oktere uni do dahe ar dumur rasae joma. Menkhan E Ahas raj, ona reakʼ okteko ạurirege okoeyem botorakin kan unkin banar rajakʼ disạm do ujạṛokʼa.

Mathae 3:4

Johan do ũṭ upʼ reakʼ aṅgrop ar ḍanḍare harta reakʼ paṭheakʼ tahẽkantaea. Uni do pohoko ar bir dumur rasae jometʼkan tahẽkana.

Bikʼcạrko 14:9

Uni do dumure jhõṛaketʼkote rasa hataokate ona jom jomteye calaoena. Ona tayom uni do eṅgat ar apat ṭhen senkate unkin hõ ona rasae ematʼkinte unkin hõkin jomkeda. Menkhan dhạcri kulakʼ pańjra jaṅ khon ona rasae ạgu akatʼ ona do bae lạiyatʼkinạ.

1 Samuel 14:27

Menkhan Jonathan do bae baḍaekan tahẽkana, acʼren apattetʼ do hoṛko mitʼṭecʼe kiriạ ocoakatʼkoa mente. Onate uni do acʼakʼ ti reakʼ ṭheṅga agalte chatareye gutukeda ar rasa hataokate tite jojome ehopʼena. Ar uniyakʼ hoṛmore daṛe do ruạṛ hecʼena.