Kạhtukko 23:23 - সান্তালী বাইবেল

²³ Sạriyakʼ kirińme ar ona do alom ạkhrińa; Hẽ, ạkil, sikhạuna ar buj baṛe kiriń joṅme.

Kạhtukko 23:23 Iomraidhean Croise

Sereńko 119:127

Onate iń do amakʼ sanam hukumko sona khon, khạṭi sona khon hõ bạ̃ṛtiń dulạṛeda.

Sereńko 119:72

Amakʼ moca reakʼ hukum iń ṭhen do hajar hajar sona rupạ khon hõ damangea.

Kạhtukko 10:1

Solomonakʼ dhorom sopolha. Ạkilan hopon do apatakʼ jionre rạskại ạguiya, menkhan bebuj hopon do eṅgatakʼ jionre duke ạguiya.

Kạhtukko 16:16

Sona khon ạkil hameṭ joṅ do bhagea! Ar rupạ khon buj bachao joṅ hõ bhagea!

Kạhtukko 17:16

Ạkil hameṭ lạgitʼ khaṭo bujan lelha hoṛakʼ tire ṭaka tahẽlen khan cetʼ lab? Ente uniyakʼ ma bujge bạnukʼtae.

Kạhtukko 18:15

Okoeyakʼ monre buj menakʼ uni do ạkile hameṭ joṅa, ar ạkilankoakʼ lutur do ạkile ńam baṛaea.

Kạhtukko 9:8

Landa dhutʼicʼ hoṛ do dosko alom udukʼaea, arem udukʼae khan ame hirkhạwama; bickom ạkilan hoṛ do uniyakʼ dosko udukʼaeme, uni do ame dulạṛmea.

Jesaea 55:1

Probhu Isore meneda, “E tetaṅetʼpe hoṛko, dakʼ ṭhen dela hijukʼpe; okoeyakʼ ṭaka poesa bạnukʼtae, uni doe hijukʼma ar kirińkateye ńũiyma. Dela hijukʼpe, darkha rasa ar toa kirińjoṅpe, bin ṭaka poesatege ar bin damtege.

Mathae 13:44

“Serma raj do goḍare topa oko akatʼ dhon lekana. Mitʼ hoṛ do ona ńamkate arhõe oko dohokada. Inạ tayom uni do rạskạ monteye calaoena ar acʼakʼ oka tahẽkantae ona joto ạkhrińkate ona goḍae kirińkeda.

Mathae 13:46

Ado mitʼṭecʼ damanakʼ mạnike ńamketʼ khan senkate acʼakʼ cetʼko tahẽkantae onako joto ạkhrińkate uni do ona mạnike kirińkeda.

Mathae 16:26

Jãhãege goṭa dhạrtiye hameṭte acʼakʼ jiwiye khuạutae enḍekhan cetʼ porho hoyokʼtaea? Se mitʼṭen hoṛ acʼakʼ jiwi bodolte cetʼe emkea?

Aposkạmi 20:23

Eken niạ kathań baḍaea, sonot Jiu do sanam nagrahare noa kathae baḍae ocoyediń kana je, hajotokʼ ar duk jojom hoyokʼtińạ.

Ibriko 11:26

Uni do Misor reakʼ dhon durib khon Mạsi ńutumteakʼ henostage ạḍi bạ̃ṛtiye moneyada, ente uni do kuṛại secʼe beṅgetʼ akatʼ tahẽkana.

Johan sodor 12:11

Bheḍa Hoponakʼ mãyãm ar apnarakʼ gohate onko do uniko bhagao akadea. Onko do apnar dulạṛ baṅkate akoakʼ jiwi emokʼge rạjiko tahẽkana.

Johan sodor 3:18

Onate noa solhań emam kana, am do iń ṭhen khon seṅgelre rapakʼakʼ khạṭi sona kirińjoṅme, jemonem kisạ̃ṛ daṛeakʼ. Iń ṭhen khon ponḍ kicricʼ kirińkate horogme jemon onem uluṅ akan reakʼ lajaotetʼ alo ńelokʼtam. Iń ṭhen khon mẽtʼre lagao lạgitʼ aenom kirińjoṅme, jemonem ńeńel.