Kạhtukko 23:18 - সান্তালী বাইবেল

¹⁸ Enḍekhan amakʼ tayom daram lạgitʼ as tahena, ar ona as do baṅ berthakʼtama.

Kạhtukko 23:18 Iomraidhean Croise

Sereńko 19:11

Ona do amren golame sontorede kana, ar ona manao lekhan ḍher lab hoyokʼa.

Sereńko 37:37

Sạbit hoṛkoakʼ jion secʼ beṅgedme; ar onko dhorom hoṛko ńelkom. Okoe sulukko dulạṛetʼ onkoren bõs doko tahengea.

Sereńko 58:11

Ona ńelte hoṛkoko mena, “Isor botoraekan hoṛkoakʼ jionre sạri kuṛại do menakʼgea; sạrige eken mitʼ goṭen Isorge menaea one uni dhạrtirege bạṛicʼkoe bicạrko.”

Sereńko 9:18

Reṅgecʼ orecʼko do jaejug hạbicʼ bako hiṛińokʼa; ar nindhạnkoakʼ as do tishõ be as do baṅ tahena.

Kạhtukko 24:14

Noa hõ baḍaeme, ạkil do amakʼ ontor lạgitʼ dumur rasa leka kana; ạkilem hameṭ lekhan amakʼ tayom daram as do menakʼgetama, ona as do baṅ berthakʼtama.

Kạhtukko 24:20

Ente bạṛicʼ hoṛkoakʼ do cetʼ asge bạnukʼa, ar bedhoromkoakʼ diuhe do ĩṛĩjokʼtakoa.

Jirimiạ 29:11

Ape lạgitʼ ińakʼ goṭawakʼ do ińiń baḍaea; ona do apeakʼ bhạlại lạgitʼge, bạṛicʼ lạgitʼ do baṅa. Ar ona goṭawakʼ hotetege apeakʼ tayom daram reakʼ as do purạukʼtapea.

Luk 16:25

“Menkhan Abrahame menkeda, ‘disạime, am do jiwetʼem tahẽkanre tinạkʼ sukem jomleda ar Lasar do tinạkʼe sasetlena. Menkhan nonḍe uni do jiwi raṛecʼe ńameda ar am dom sasetokʼkana.

Philipiko lạgitʼ Pạul apostolakʼ ciṭhi 1:20

Ińakʼ purạ biswạs menakʼtińạ je, okaṭakʼte hõ iń do bạń lajao ocokʼa, bickom dil menakʼtińạ, cetʼleka lahate iń hotete Mạsiyakʼ ṭhonok sodorokʼkan tahẽkan onkage ńitokʼ hõ hoyokʼa baṅ doń gujukʼ ar baṅ doń jiwedokʼ;

Ibriko 10:35

Onate ape do dil alope aṛakʼ giḍitapea, ente noa reakʼ kuṛại do maraṅgea.