Kạhtukko 22:7 - সান্তালী বাইবেল

⁷ Kisạ̃ṛ hoṛ do nacarko cetanre mạlikiye calaoeda, ar rin jom hoṛ do emokʼicʼren golame hoyokʼa.

Kạhtukko 22:7 Iomraidhean Croise

2 Rapajko 4:1

Ar cela-nạbiko modren mitʼṭen maejiu do ãṭ aṛaṅte Elisaeye metadea, “Amren guti ińren jãwãeye gocʼakan ona dom baḍaegea, uni do Probhu Isor botorae hoṛe tahẽkana. Menkhan ńitokʼ iń jãwãeren mitʼṭen paonadar do ińren hoponkin acʼren golame hoyocokine mente unkin idikin lạgitʼe hecʼakana.”

Kạhtukko 14:31

Okoe reṅgecʼ hoṛe santaoko uni do sisirjạuicʼe henostawae kana, menkhan okoe hoṛ okulankoe dayawako uni do acʼren sisirjạuicʼe manotea.

Kạhtukko 18:23

Reṅgecʼ hoṛ do daya ńam lạgitʼe nerha jerhakʼa, menkhan kisạ̃ṛ hoṛ do saegatʼgeye roṛ ruạṛa.

Kạhtukko 22:16

Dhon lab lạgitʼ okoe hoṛ reṅgecʼkoe santaoko se okoe hoṛ kisạ̃ṛkoe danako unkin banar hoṛge ṭonṭare kin paṛaokʼa.

Kạhtukko 22:22

Mitʼṭen hoṛ doe nandange iạte uniyakʼ jinisko alom hataotaea, ar bicạrre harkhetokʼ hoṛ do alom maraoea.

Jesaea 24:2

Enhilokʼ naeke ar disạm hoṛko, kisạ̃ṛ ar gutiko, kisạ̃ṛ erako ar kạ̃ṛmĩko, kiriń ar ạkhrińko, dhar emokʼko ar hataoko ar rin emokʼko ar rin hataoko onko jotokoakʼ dosa do mitʼ lekage hoyokʼtakoa.

Amos 2:6

Probhu Isore meneda, “Israelakʼ pea ghạṭ iạte, hẽ, ponea ghạṭ iạte iń do khạṭige uniń sạjạiyea. Uniren hoṛ do ṭaka poesa lạgitʼ dhorom hoṛko ar jaṅga reakʼ mitʼ joṛa panahe lạgitʼ reṅgecʼ hoṛko ạkhriń akatʼkoa.

Amos 4:1

E Samariạ buru cetan reakʼ Basonren mãṛ bitkilko, ańjompe baṛe. Ape do reṅgecʼ hoṛpe santaoetʼkoa ar nandanko dope lebetʼ jạuetʼkoa ar aperen jãwãe dope metakokana, “Bubulakʼ ạgualepe.”

Amos 8:4

Ape okoe do laṅgaṭkope lebetʼ gańjaoetʼko ar reṅgecʼ orecʼkope caba utạrletʼko, ape baṛe ańjompe.

Amos 8:6

rupạte reṅgecʼ hoṛle kirińkoa ar mitʼ joṛa panahete laṅgaṭkole kirińkoa ar jokʼ giḍiyakʼ guhum do onko ṭhenle ạkhrińa.”

Mathae 18:25

Uniyakʼ do halateakʼ cetʼ hõ baṅ tahẽkantaea. Onate kisạ̃ṛ doe hukumkeda uni ar uniren era hopon ar uniyakʼ menakʼakʼ jotowakʼko ạkhrińkate jemon paona ạdạiyokʼtae.

Jakob 2:6

Menkhan onko reṅgecʼ hoṛkoge ape dope henosta akatʼkoa. Kĩsạ̃ṛ hoṛkoge cetʼ bako kosṭoyetʼpea ar adalotte bako or idiyetʼpea?

Jakob 5:1

E kisạ̃ṛko ańjompe. Apere okaṭakʼ kosṭo hijukʼkan ona lạgitʼ rakʼ homorpe ar hae haeyokʼpe.

Jakob 5:4

Apeakʼ khetre okoe kạmiyạko phosolko samṭao akatʼtape onko do kuṛại bape emakatʼkoa; ar ńelpe, ona kuṛại do ńitokʼ ãṭ aṛaṅteye dusiyetʼpea. Sanam daṛean Probhu Isorakʼ luturre onko kạmiyạkoakʼ rakʼ do seṭerakana.