Kạhtukko 22:4 - সান্তালী বাইবেল

⁴ Nindhạnokʼ ar Probhu Isor botorae reakʼ kuṛại do dhon man ar jione ạguiya.

Kạhtukko 22:4 Iomraidhean Croise

Kạhtukko 19:23

Probhu Isor botorae do jion secʼe idiya; okoeyakʼ ona jion menakʼ uni do tirpite tahena, jãhãn muhinge uni ṭhen do baṅ hecʼ daṛeakʼa.

Kạhtukko 21:20

Budankoakʼ oṛakʼre do damanakʼ dhon ar mahkaokʼ sunum tahena, menkhan bebuj hoṛ do onae ublạ ḍublạ cabaya.

Kạhtukko 21:21

Okoe hoṛ do ahkaokʼ salakʼ sạri ar pạtiạr horteye calakʼ uni do jionre, bhor ar mane ńama.

Kạhtukko 22:3

Budan hoṛko do muhinko ńel darama arko okokʼa, menkhan lelha hoṛ do muhin ńelkate hõ calakʼtegeko tahena ar ona iạte sạjạiko ńama.

Kạhtukko 22:5

Peṛta hoṛakʼ horre do jạnum ar jhampakoge tahena, menkhan okoe apnarte sontore tahen uni do onako khon sahaṛ akaeye tahena.

Kạhtukko 29:23

Manwa do acʼakʼ bạḍạiteye copodokʼa, menkhan mạ̃hir monan hoṛ do manote ńama.

Kạhtukko 3:16

Uniyakʼ jojom tire do ḍher bahaokʼ din menakʼa ar leṅga tire do dhon ar manot menakʼtaea.

Kạhtukko 31:30

Mońj beohar do eṛegea, ar cõhõk hõ ạuṛiyakʼgea, menkhan okoe maejiu do Probhui botorae uni do sarhaoe ńama.

Jesaea 33:6

Piṛhi cetan piṛhi uni do onkoren rurukhiyạyicʼ, babańcaoicʼ, ạkil ar buj reakʼ daṛe kanae. Probhu Isor botoraege onkoakʼ dhon do.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Daniel 4:36

Tinre ińakʼ mon bogeyentińạ unre ińakʼ rajosṭi reakʼ manot lạgitʼ ińakʼ ṭhonok do ińiń em ruạṛ ocoyena. Ińren montriko ar mukhiyạko do ińko sendra ńamkedińạ ar siṅghạsonre arhõko duṛupʼkedińa ar iń do laha khon arhõ maraṅiń hoyena.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

1Timothi 4:8

Hoṛmo bhańjaore porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.

Jakob 4:10

Probhu Isor samaṅre nindhạnokʼpe, enḍekhan unigeye tul rakapʼpea.

Jakob 4:6

Menkhan Isorakʼ daya do arhõ ḍhergea. Onate sonot sostorre ol menakʼa, “Isor do phulạukʼkanko upạrteye teṅgona, menkhan mạ̃hirko doe bhorakoa.”