Kạhtukko 22:29 - সান্তালী বাইবেল

²⁹ Am do cetʼ nonkan jãhãe hoṛem ńel akatʼkoa oko do gạkhuṛ titeye kạmikan? Uni do rajko lạgitʼe kạmiya, ar hoṛko tabere do baṅa.

Kạhtukko 22:29 Iomraidhean Croise

Genesis 41:38

Pharao do acʼren kạmiyạkoe metatʼkoa, “Nui hoṛre nonkanakʼko menakʼa one okaṭakʼ do noa dhạrti reakʼ baṅkan. Nui leka do okoe bon sendra ńamkea?”

Genesis 41:46

Joseph do tinre Misorren raj Pharaoakʼ kạmireye bahal ocoyena unre uniyakʼ umer do pegel bochor tahẽkana. Uni do Pharaoakʼ raj dorbar khon oḍokkate Misor disạm reakʼ sanam jaegae dãṛã ạcurkeda.

Genesis 47:6

Ar goṭa Misor disạmge am samaṅre menakʼa. Onate disạm reakʼ joto khon bhage utạrakʼ jaegare am baba ar boehatam girobasokʼ lạgitʼ jaega emakom. Onko do Gosenreko girobasokʼma. Ar onko modre lek lekan hoṛko ńamlen khan onko cetanre ińren mĩhũ-merom reakʼ bhar hõń emakoa.”

2 Samuel 2:32

Onko do Asahelko kuṭuṅ idikedete Bethlehemteko senena ar uniren apatakʼ topareko topakedea. Ona tayom Joab ar uniren hoṛko do goṭa ńindạko taṛam idiketʼte setakʼ jokhecʼ Hebronteko seṭerena.

1 Rapajko 10:8

Amren hoṛ do ạḍi sukre menakʼkoa! Ar okoe do jao okte am samaṅreko tahenkan ar amakʼ ạkil reakʼ kathako ańjometʼ onko kạmiyạko doko bhạgangea.

1 Rapajko 11:28

Unre Jerobiam do onḍeye kạmikan tahẽkana ar kạmi reakʼ ạḍi ńutum tahẽkantaea. Solomon do uni koṛa metakʼme Jerobiam do bes kạmiyạ hoṛ kanae menteye ńelkede khan uni do Josephakʼ bõsren sanam gutiko ńel todarotko reakʼ bhare emadea.

1 Bõsbudạ 4:23

Sela bõsren hoṛko modre okoe do Notayim ar Goderareko girobasokʼ kan hoṛko do kuṅkạlko tahẽkana. Onko do rajakʼ kạmi lạgitʼte onḍeko tahẽkana.

Kạhtukko 10:4

Asketokʼ ti do manwae reṅgecʼ ocoyea, menkhan khaṭaokʼkan ti doe kisạ̃ṛokʼa.

Kạhtukko 12:24

Khaṭaokʼkan hoṛ doko kisạ̃ṛokʼa, menkhan asketokʼ hoṛ do eṭakʼko tabereko tahena.

Kạhtukko 23:1

Am do tinre disạm calaoicʼ tulucʼ jojomem duṛupʼa, unre am samaṅre cetʼko menakʼa ona mońjte ạri bạndhime.

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

Daniel 1:19

Raj do onko sãote katha roṛkateye bujhạu daṛeada je, Daniel, Hananiạ, Misayel ar Asariạ soman do okoe hõ bạnukʼkoa; onate noko pon hoṛ do rajakʼ kạmireko bahal ocoyena.

Daniel 1:4

Onko juạnko do ńelokʼte mońj, ạkilan, niphuṭ, cecetʼakʼte perecʼ ar raj dorbarre kạmi lạgitʼ lek lekako hoyokʼ. Aspenas doe hukum ocoyena jemon uni do onko juạnko Babel reakʼ pạrsi ar sahitto reaṅe cetʼako.

Mathae 25:21

Ńelme, iń do arhõ mõṛẽ hajar ṭakań lab akada.’ Unre acʼren kisạ̃ṛe menkeda, ‘bes akadam. E bhage ar pạtiạr golam. Am do thoṛawakʼre pạtiạrem tahẽkante ḍher okocʼakʼko cetanreń dohokama. Ar dela hijukʼme ar iń sãote rạskạ seledokʼme.’

Mathae 25:23

Unre uniren kisạ̃ṛ doe menkeda, ‘bes akadam, E bhage ar pạtiạr golam. Am do thoṛawakʼre pạtiạrem tahẽkante ạḍi okocʼakʼko cetanreń dohokama. Ar dela hijukʼme ar iń sãote rạskạ seledokʼme.’

Romiko lạgitʼ Pạul Apostolakʼ ciṭhi 12:11

Probhu Isor secʼ jao ghuṛi apeakʼ mon ahkaokʼtape ma. Apeakʼ ontor do bhoktite perecʼ tahen ma. Ar Probhu Isorakʼ kạmire lạgiyạ paṛao akan tahenpe.

2Timothi 4:2

Isorakʼ katha lại jạhirme; batarre ar bin batarre, am do jao okte lại jạhir lạgitʼ sapṛao akae tahenme; ạḍi sobori salakʼ cetʼakote hoṛkoakʼ dosko udukʼakome, onko sontorkom ar sopolha emakom.

1 Samuel 16:21

Dạud do Sạul ṭhene hecʼen khan acʼakʼ kạmireye dohokedea. Ar Sạul do uni ạḍitetʼe dulạṛede tahẽkana ar Sạulren khanḍa bhanḍa asenicʼe hoyena.

1 Samuel 17:31

Dạud okae menketʼ eṭakʼko do ona ańjomkate Sạulko baḍae ocokedea. Unre Sạul do uniye hohowadea.