Kạhtukko 21:30 - সান্তালী বাইবেল

³⁰ Jãhãn ạkil, jãhãn bud ar jãhãn goṭawakʼge Probhu Isor upạrte ohoge teṅgo daṛelena.

Kạhtukko 21:30 Iomraidhean Croise

2 Samuel 11:9

Menkhan Uriạ do acʼakʼ oṛakʼte bae senlena. Uni do rajren sanam kạmiyạko sãote raj oṛakʼ reakʼ phaṭok duạr aṛeregeye giticʼena.

1 Rapajko 14:6

Ar Ạhiạ do duạr ṭhen uniyakʼ taṛam reakʼ sabade ańjomketʼ khane menkeda, “Dela bolokʼme, Jerobiamren bạhu. Am do cedakʼ nonka dom udugokʼ kana? Iń do bạṛicʼ khobor emam lạgitʼgeń men ocoakana.

2 Rapajko 6:12

Uniren subedar modren mitʼ hoṛe menkeda, “E ińren mạlik, abo modre do okoege bạnukʼkoa; menkhan am do amakʼ giticʼ kandhare okam roṛ ona katha hõ Israelren nạbi Elisae do Israelren raje lạiyae kana.”

Jobakʼ 41:2

Am do cetʼ mũm nakol daṛekea, se bạ̃ṛsite uniyakʼ jambem pạtitapʼ daṛeketaea?

Kạhtukko 19:21

Manwa monre ạḍi lekan phundi tahena, menkhan Probhu Isor okaṭakʼe ṭhik dohoakatʼ onage hoyokʼa.

Sosolhayic̕ 6:10

Oka menakʼ ona do laha khonge ṭhik dohoakana, ar manwa baṅe celekan ona doe baḍaegea; ar apnar khon okoeye daṛege uni sãote do bae reṭepeṭekʼa.

Jesaea 14:27

Phạdkoren Probhu Isorge noako doe ṭhik dohoakada, onate okoe ona doe mạutạ daṛekea? Uniyakʼ ti do tiạr akan menakʼtaea, ar okoe ona doe lạbṛukʼ daṛeketaea?

Jesaea 36:5

Ińiń meneda amakʼ lạṛhại lạgitʼ bud ar daṛe reakʼ katha do ạuṛiyakʼgetama. Ma lạiyạńme, okoe cetanrem bhorsakʼkante iń upạrtem huhul kana?

Jesaea 45:9

“Hae uni hoṛ do, okoe do acʼren sisirjạuicʼ sãoteye reṭepeṭekʼ kan. Uni do hasa bhajanko modren chaḍa ar cetʼgeye baṅkana. Jaṭaṅ hasa do cetʼ kuṅkạle kuli daṛekea, ‘cedakʼem sirjạukedińa?’ Amakʼ benaoakʼ jinis do cetʼ ame men daṛeama, ‘am do cetʼ dhej hõ bạnukʼtama?’

Jirimiạ 9:23

Probhu Isore meneda, “Ạkilan hoṛ do akoakʼ ạkil iạte aloe sarhaokʼma, ar daṛeanko hõ akoakʼ daṛe iạte aloko sarhaokʼma ar kisạ̃ṛko hõ akoakʼ dhon iạte aloko sarhaokʼma,

Jona 1:13

Enhõ onko cakʼlaoko do ona baṅkate ghuṭu secʼ jahaj calao idiko kurumuṭukeda; menkhan bako daṛeada, ente jalapuri reakʼ haḍak ḍabakokʼ do arhõ bạṛti idiyena.

Aposkạmi 5:38

Onateń metapekana, noko hoṛko cetanre cetʼge alope cekaea. Noko do aṛakʼkakope, ente nokoakʼ monsubạ ar kạmiko manwa secʼ khonakʼkan khan ona do maraokʼa.

Aposkạmi 5:39

Menkhan Isor secʼ khonakʼ kan khan ohope thir ocodaṛelekoa. Ente hoedaṛeakʼa ape do Isor upạrtegepe lạṛhại kan.”

Josuạ 2:2

Unre Jerikho nagraharen rajakʼ luturre seṭerena baṅma disạm cikʼyạ lạgitʼ Israelren bar hoṛ do ạyupʼ jokhecʼ nonḍe kin hecʼakana.

1 Patras 2:8

Sostor reakʼ noa katha hõ ṭhikgea, Ona do nonkan dhiri kana, one okaṭakʼ do hoṛkoakʼ tohodokʼ reakʼ karonge hoyokʼ. Hoṛko do Isorakʼ katha bebatao iạteko tohodokʼ kana, ar ona iạtege onko doko doho ocoakana.