Kạhtukko 21:13 - সান্তালী বাইবেল

¹³ Okoe hoṛ reṅgecʼkoakʼ rakʼjoṅre luture tubetʼetʼtae, Uni do tinre acʼe rakʼ homora unre okoe hõ bako luturataea.

Kạhtukko 21:13 Iomraidhean Croise

Nehemiạ 5:13

Iń do ińakʼ samaṅ secʼ koṭaketʼteń menkeda, “Okoe noa gokʼakʼ bae rukhiyại Isor do onko mimitʼko onkoakʼ oṛakʼ-duạr ar sompotti khon nonkageye koṭa giḍikakoa. Nonkan hoṛko do nonkageko koṭa giḍi ocokʼa ar onkoakʼ do sanamakʼ cabakʼ takoa.” Niạ katha ańjomkate sanam hoṛko menkeda, “Amen,” ar onko do Probhu Isorko sarhaokedea. Manotan hoṛko do akoakʼ gokʼakʼ lekageko kạmikeda.

Jobakʼ 29:12

ente goṛo ńam lạgitʼ okoe reṅgecʼ hoṛko rakʼetʼ tahẽkan ar ṭũạr amarkoren cele gokʼṛokoge bako tahẽkan, onko doń rukhiyạyetʼko tahẽkana.

Sereńko 18:41

Onko do goṛo ńam lạgitʼko hohoyetʼkana, menkhan onko rukhiyạko lạgitʼ do celege bako hecʼlena. Onko do Probhu Isor ṭhenko dohaekeda, menkhan uni do bae roṛ ruạṛatʼkoa.

Sereńko 58:4

Biń bis lekage onkoakʼ bis do; onko do kala ayaṅ biń leka akote akoakʼ luturko bond esetʼ akatʼtakoa.

Kạhtukko 1:28

“Unre bebujkoko hohoạńạ menkhan bạń moneyakoa; ińko ńam baṛayińạ menkhan bako ńam daṛeạńạ.

Kạhtukko 28:27

Okoe hoṛ reṅgecʼ orecʼkoe danako uni do okulạnre bae paṛaokʼa, menkhan okoe onko ńelte mẽtʼe bedtae uni do ḍher sarape ńama.

Mathae 6:14

Ape do eṭakʼkoakʼ doskope ikạletako khan enḍekhan aperen sermaren Baba hõ apeakʼe ikạitapea.

Mathae 7:2

ente cetʼleka eṭakʼkoakʼ doskope saba onkage apeakʼ dosko hõ sabokʼtapea, ar cetʼlekape soṅakoa onkage ape lạgitʼ hõ soṅokʼa.

Luk 13:25

Unre oṛakʼren kisạ̃ṛ beretʼkate silpińe siń esetʼlere ape do bahrere teṅgokate silpiń ṭhopʼ ṭhopʼkatepe mena, ‘E Probhu, jhicʼ aleme.’ Menkhan uni doe roṛ ruạṛ apea, ‘bạń baḍaeyetʼpea okaren kan coṅpe.’

Aposkạmi 7:57

Noa iạte onko do akoakʼ luturko tubạtʼketʼtakoa ar ãṭ aṛaṅte hohowate mitʼ domte Stephanko jhuṭiạukedea.

1 Johan 3:17

Noa dhạrtire jiwetʼ tahen lạgitʼ okoeyakʼ ạsulokʼakʼko menakʼtae, ar acʼren boehawakʼ reṅgecʼ ńelkate hõ bae beṅgetʼae enḍekhan cekate uniyakʼ ontorre Isorakʼ dulạṛ do tahẽ daṛekokʼa?