Kạhtukko 21:1 - সান্তালী বাইবেল

¹ Probhu Isorakʼ tire rajakʼ mon do gaḍa dakʼ leka; Probhu Isor jãhã secʼge monae ontegeye mohnaḍayede kana.

Kạhtukko 21:1 Iomraidhean Croise

2 Rapajko 19:33

Uni do okaṭakʼ horteye hecʼakan ona hortegeye ruạṛ calakʼa; niạ nagrahare do bae bolokʼa. Iń Probhu Isorge niạ katha doń meneda.

Esra 1:1

Jirimiạ hotete roṛlen Probhu Isorakʼ katha purạukʼ lạgitʼ Parasren raj Korese rajokʼ pạhil bochorre Probhu Isor do Koresakʼ ontorre nonkan uskure danadea onate uni do sanam rajosṭire roṛte ar ol hotete noae lại sodorkeda:

Esra 1:2

“Parasren raj Kores do niạ kathae meneda, ‘sermaren Probhu Isor do dhạrti reakʼ sanam rajosṭi ińe em akawạdińa ar Jihudạ reakʼ Jerusalemre acʼ lạgitʼ mitʼṭecʼ oṛakʼ benao lạgitʼe bachao akadińạ.

Esra 6:22

Onko do eae din hạbicʼ rạskạ salakʼ bin khạmiyanakʼ piṭhạ porobko porobena. Onko do rạskạteko perecʼena, ente Ạsurren raj jemon Israelren Isorakʼ oṛakʼ reakʼ kạmireye goṛowako onate Probhu Isor do uniyakʼ mone ạcruletʼtaea.

Nehemiạ 1:11

E Probhu Isor, nehõrokʼ kạnạń, amren gutiyakʼ koejoṅ ańjomme ar okoeko botoram kan onko amren gutikoakʼ koejoṅ baṛe luturakʼtakome. Amren guti do teheń jo baha ocoyeme ar raj ṭhen dayawạnicʼ hoeocoyeme.” Iń do darkha rasa dudulicʼ iń tahẽkana.

Nehemiạ 2:4

Raj do ińe metadińạ, “Am do cetʼem khojkana?” Unre iń do sermaren Isor ṭheniń koeyana.

Nehemiạ 2:8

Ona chaḍa uni do acʼren bir rurukhiyạicʼ Ashap ṭhen ciṭhiye ol jemon mundil oṛakʼ buruńj reakʼ duạrako lạgitʼ ar nagraha reakʼ pạcri lạgitʼ ar ińakʼ tahen oṛakʼre lạgitʼ kaṭkoe imạń.” Ińren Isorakʼ bhạlạiyanakʼ ti iń cetanre tahẽkante raj do ińakʼ nehõre dohoketʼtińạ.

Ester 2:17

Eṭakʼ maejiuko khon raj do Esterge bạ̃ṛtiye dulạṛkedea ar eṭakʼ kũạri kuṛiko khon uni do raj ṭhen bạ̃ṛti daya ar dulạṛe ńamkeda. Onate raj do bohokʼre rạni ṭupriye horokʼadea ar Bạstiwakʼ jaegare Estere rạnikedea.

Sereńko 105:25

Acʼren hoṛko upạrte uni do bạirikoakʼ ontorre hirkhại janam ocokeda, onate onko do uniren golamko sãote budkate calakʼko ehopʼena.

Sereńko 106:46

Aleren hapṛamko leka ale hõle kại akada; ale dole kại akada, ar bedhoromtele calakʼkana.

Sereńko 114:3

Onko ńelte arakʼ doreão do ńir pharakena, ar jordan gaḍa do cetan secʼ ạtukʼ ehopʼena,

Sereńko 114:5

E doreão, amakʼ do cetʼ hoyena? Cedakʼ am dom dạṛkeda? E Jordan, dakʼ ạtukʼ do cedakʼem pạc ruạṛ ocokeda?

Sereńko 74:15

Am do jharna ar huḍiń gaḍako reakʼ horem jhicʼ akada; ar jug khon ạtukʼkan gaḍako do amgem ańjetʼ ocoakada.

Sereńko 93:4

Ḍubạ dakʼ reakʼ saḍe khon ar jalapuri reakʼ rakabokʼkan ḍheoko khon Probhu Isor doe daṛeangea, uni do coṭre menaea.

Exodus 7:3

Menkhan iń do Pharaoakʼ moniń keṭecʼ ocoytaea jemon Misor disạmre aema cinhạ ar hahaṛa kạmikoń kạmi daṛeakʼ. Uni do abenakʼ katha bae ańjoma. Onate iń do Misor disạm cetanre ińakʼ tiyiń tultińạ ar ạḍi bạṛicʼ sạjạyiń emokʼte ińren phạdko, metakʼme ińren hoṛ Israelko ona disạm khoniń oḍok ạgukoa.

Kạhtukko 16:1

Manwa do mon monteye ponthayeda, menkhan mocate ona sodorokʼ reakʼ ektiạri do Probhu Isor ṭhen khonge hijukʼ kana.

Kạhtukko 16:9

Manwa do acʼakʼ hor tearjoṅ reakʼe ponthayeda, menkhan uniyakʼ taṛam do Probhu Isorgeye sojheyetʼtaea.

Kạhtukko 20:24

Birbanṭa hoṛakʼ calakʼ reakʼ hor do Probhu Isorgeye ṭhik khan, enḍekhan manwa do acʼakʼ hor cekateye bujhạu daṛeakʼa?

Jesaea 43:19

Ńelpe, iń do mitʼṭecʼ nãwã kạmiń kạmi lạgidokʼ kana. Ona do ńitge ehobokʼa arpe baḍae daṛeakʼa. Iń do hahaṅkar talate horiń benaoa ar khaṅkarre gaḍań ạtu ocoya.

Jesaea 44:27

Athantar dakʼ doń metakʼa, ‘rohoṛokʼme; iń do amakʼ gaḍakoń ańjetʼ ocoya.’

Jirimiạ 39:12

“Unim ńel todarotea; ar jãhãnakʼ alom loksantaea bickom uni okae men onam onkawaea.”

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Johan sodor 16:12

Ona tayom turuyicʼ serma goḍet do maraṅ gaḍa Phurạtre acʼakʼ bạṭi reakʼe dulkeda. Onate purub disạmren rapajkoakʼ calakʼ hor tearokʼ lạgitʼ ona gaḍa reakʼ dakʼ do ańjetʼena.

Johan sodor 16:4

Tayomte tesaricʼ serma goḍet do gaḍa dakʼ ar jharna dakʼ kore acʼakʼ bạṭiye dulkeda. Onate onako do mãyãm reakʼ gaḍa ar dakʼ jharnako hoyena.