Kạhtukko 20:8 - সান্তালী বাইবেল

⁸ Raj do tinre bicạr lạgitʼ siṅghạsonreye duṛupʼa unre uni do mẽtʼ reakʼ beṅgetʼte sanam bạṛicʼakʼkoe sạṅgińa.

Kạhtukko 20:8 Iomraidhean Croise

2 Samuel 23:4

Uni do bae rimil akatʼ setakʼ siń cando reakʼ marsal lekanicʼ kanae; ar jạ̃ṛĩ dakʼ tayom siń cando reakʼ marsalre ot khon omonokʼkan ghãs lekanicʼ kanae.’

1 Rapajko 7:7

Bikʼcạr oṛakʼ ńutumte uni do mitʼṭecʼ oṛakʼe benaokeda; onḍe do uniyakʼ siṅghạson tahẽkana. Noa oṛakʼ do bikʼcạr lạgitʼ benao hoyena. Oṛakʼ reakʼ bhit do latar khon cetan hạbicʼ debdạru kaṭteye esetʼkeda.

Sereńko 72:4

Uniyakʼ rajosṭiren santao ocokʼkan hoṛko cetanre uni do dhorom reakʼe bicạreda; uni do reṅgecʼkoe bańcaoetʼkoa ar sasantaoko doe chirchạturetʼkoa.

Sereńko 92:9

E Probhu Isor, amren bạiriko doko maraokʼa, hẽ, onko doko caba utạrokʼa; ar dusṭạmiko do jotogeko chirchạturokʼa.

Sereńko 99:4

Okoe raj do dhorom bicạre kusiyakʼ uniyakʼ daṛe do amgem ṭarhao akatʼtaea, jemon uni do dhoromteye bicạr daṛeakʼ. Amge Jakob bõsrenko talare hok bicạr ar dhoromem dohoakada,

Kạhtukko 16:12

Raj lạgitʼ behokakʼ kạmi do hirkhạwakʼ kana, ente hok reakʼ kạmi hotete siṅghạson do ṭarhao tahena.

Kạhtukko 20:26

Tente cetʼleka phosol enokʼ, onkage ạkilan raj do acʼakʼ daṛete bạṛicʼkoe chirchạturkoa.

Kạhtukko 25:5

Bedhorom kạmiyicʼ do raj samaṅ khon ocogem, enḍekhan dhorom kạmi hotete uniyakʼ siṅghạson do ṭarhao tahena.

Kạhtukko 29:14

Okoe raj do sạriyakʼte nandankoe bicạrko uniyakʼ siṅghạson do ṭarhao tahentaea.

Jesaea 32:1

Ńelpe, mitʼṭen raj do dhoromte raje calaoa ar disạm cakʼlaoko do hok reakʼko bicạra.

Mathae 12:30

“Okoe iń secʼrene baṅkan hoṛ do iń upạrten kanae. Okoe iń sãote bae samṭao uni doe chiṭiạua.