Kạhtukko 20:6 - সান্তালী বাইবেল

⁶ Ḍhertetʼ hoṛge apanar do pạtiạran hoṛ menteko udugokʼa, menkhan pạtiạrạnicʼ hoṛ do okoeye ńam daṛekea?

Kạhtukko 20:6 Iomraidhean Croise

Sereńko 12:1

E Probhu Isor, bańcaoińme, am botoramko do ar bạnukʼkoa; ar pạtiạran hoṛko do manwa tala khonko ocokʼ akana.

Sereńko 12:2

Manwa do manwa ṭhen eṛeko roṛetʼkana; onko do luṭite kathako roṛa ar ontor do eṛete perecʼgetakoa.

Kạhtukko 20:5

Manwa ontor reakʼ monsuba do hasa latarre menakʼ dakʼ leka, menkhan budan hoṛ do onae lo rakaba.

Kạhtukko 25:14

Okoe hoṛ dan reakʼ maraṅ maraṅ kathae roṛ menkhan acʼ do ona bae onkae, uni do nonkan kuṛhạ ar hoe leka kanae one onare jãhãn dakʼge bạnukʼ.

Kạhtukko 27:2

Eṭakʼ hoṛ baṛeko sarhaome ma, menkhan amakʼ luṭi do alo; hẽ, eṭakʼ hoṛegeko sarhaome ma.

Sosolhayic̕ 7:28

Iń do ạkil reakʼ iń sendrakeda menkhan bạń ńamleda unre iń do hajar hoṛko talare sarhao lek mitʼṭen khạṭi herel hoponiń ńamkedea, menkhan onko talare khạṭi mitʼṭen maejiu hõ bạń ńamledea.

Jirimiạ 5:1

Probhu Isore meneda, “Jerusalem reakʼ ḍaharkore onte note ńir baṛaepe ar beṛhaete beṅgetʼ ạcurpe. Onḍenakʼ nagraha reakʼ haṭ bajarkore khoj hataope. Ńelpe, nonkan jãhãepe ńamea se baṅa okoe do dhorom ar sạriyakʼreye dãṛãnkan enḍekhan iń do ona nagrahań ikạkakʼa.

Mikạ 7:1

Hai iń do! Iń do niron din reakʼ joko samṭao akatʼ lekageń hoyakana one joko gotʼketʼ tayomko tumạlketʼ, ar jom lạgitʼ darkha reakʼ jãhãn thopage bạnukʼa; ar pạhilre beleakʼ loa hõ bạnukʼa one oka lạgitʼ ińakʼ jiwiye gagojokʼkan.

Mikạ 7:2

Disạm khon Isor botorae kan hoṛ doko meṭao ocoakana; dhoromicʼ do mitʼ hoṛ hõ bạnugicʼan. Sanamkoge mãyãm joroy lạgitʼko tãṛãkʼ akana; onko jotoge akoakʼ pạsire jhạlikoko khojkana.

Mathae 6:2

“Onate koeyem emokʼre phạsiạra hoṛko leka do alom onkaea. Ente onko do hoṛko ṭhen sarhao ocokʼ lạgitʼ sunạgogre ar kulhikore siṅgạ oroṅate koeko emakokana. Sạrigeń metapekana, onko do akoakʼ kuṛạiko ńam horayeda.

Luk 18:11

Khan uni Phạrusi do teṅgokate acʼ babotre nonkae koekeda, ‘E Isor, gun manao joharam kạnạń, ente iń do eṭakʼ hoṛko leka luluṭicʼ, bedhoromicʼ, ar laṭghaṭicʼ doń baṅkana, se nui mạsul-uṭhạuicʼ leka hõń baṅkana.

Luk 18:28

Unre Patrase menkeda, “Ale ma sanamakʼ bạgikate amren celale hoyakan.”

Luk 18:8

Ińiń metapekana, onkoakʼ dhorom bicạrtako lạgitʼ uni do bae biloma. Menkhan Manwa Hopone hecʼlenre uni do cetʼ dhạrtire biswạse ńamgea?”

Luk 22:33

Patras do Jisui metadea, “E Probhu Isor, am tulucʼ hajot ocokʼ ar gujukʼ hõń sapṛaogea.”

Johan 1:47

Jisu do Nathanael acʼ ṭhen hijukʼkane ńelkede khane menkeda, “Hạni ńelepe, mitʼṭen sạri Israel. Uniyakʼ monre do jãhãn phạsiạrage bạnukʼ anaṅ.”

2 Korinthiko 12:11

Iń do bebujgeń hoyakana, menkhan apegepe jormoṭkedińa; ente apege sarhaoiń reakʼ lek tahẽkantapea. Ar cele hõń baṅkanre hõ enhõ aperen onko “Soros utạr” apostolko khon cetʼte hõ bạń komaoa.