Kạhtukko 20:3 - সান্তালী বাইবেল

³ Jhogṛa ar kạphạriạue bạgiyakʼ hoṛ do manote ńama; ar khaṭo bibekan hoṛ do jhogṛakʼ lạgitʼ sapṛaoe tahena.

Kạhtukko 20:3 Iomraidhean Croise

Genesis 13:7

Onate Abram ar Lotren gutiko talare jaoge jhogṛa hoyokʼkan tahẽkana. Ona chaḍa onako oktere Kananrenko ar Pheresiko hõ ona disạmreko girobasokʼ kan tahẽkana.

Genesis 13:8

Unre Abram do Lote metadea, “Ńelme, sor peṛa kanalaṅ. Onate alaṅ talare ar alaṅren gutiko talare jhogṛakʼ do baṅ ṭhika.

2 Rapajko 14:9

Menkhan Israelren raj do Jihudạren raj ṭhen kathae roṛ gotʼkada, “Lebanon reakʼ aṭkuṭi jạnum do Lebanon reakʼ debdạru dare ṭhen kathae roṛ gotʼkada, ‘ińren hopon sãote amren hoponera baplayem.’ Ona tayom mitʼṭen bir janwar do hecʼkate ona aṭkuṭi jạnumkoe lebetʼ gańjaokeda.

Kạhtukko 14:17

Naseyakʼte raṅgaokʼ hoṛ do lelhayicʼ lakae kạmiya, menkhan bujhạntar hoṛ doe jiwi hataṛa.

Kạhtukko 14:29

Okoe usạrate bae raṅgaokʼ uni doe budan hoṛkana, menkhan usạrate raṅgao godokʼicʼ do lelha hoṛ lekanae.

Kạhtukko 16:32

Okoe usạrate bae raṅgao hodokʼ uni do lạṛhại bir khon hõe bhagegea; okoe nagrahae hatetʼkan ona khon okoe apnare sambṛaokʼkan unigeye bhagea.

Kạhtukko 17:14

Jhogṛa reakʼ ehopʼ do phoṛ oḍokokʼkan dakʼ leka, onate reṭepeṭe ehobokʼrege ona do ikạkakʼme.

Kạhtukko 18:6

Khaṭo budanicʼakʼ katha iạte mambla hoyokʼa, ar acʼakʼ katha iạtege uni do dale joma.

Kạhtukko 19:11

Okoe hoṛakʼ bud menakʼtae ona bud do thoṛate ohoe raṅgao gotʼ ocolea; ar uniyakʼ man kangea ghạṭ ikạkạkʼ do.

Kạhtukko 21:24

Bạḍại ar dhomokkan hoṛakʼ ńutum do, “Landa dhutʼicʼ;” uni do bạ̃ṛti gorbokʼ tulucʼe kạmiya.

Kạhtukko 26:17

Horte calakʼ jokhecʼ okoe hoṛ hoṛakʼ jhogṛareye seledokʼ, uni do setawakʼ luture peṭeretʼkan hoṛ lekanae.

Ephesiko lạgitʼ Pạul Apostolakʼ ciṭhi 4:32

Ape apere mãyãwanko baṛe hoyokʼpe, eṭakʼkoakʼ dukte dukokʼpe, cetʼleka Isor do Mạsi hoteteye ikạ akatʼpe onkage ape hõ ape apere ipikạkʼpe.

Jakob 3:14

Menkhan apeakʼ ontor do hiskạte haṛhatʼ ar dola duli menakʼ khan enḍekhan akel reakʼ do alope sarhaokʼa, ar sạriyakʼ do alope ạuṛiyaga.

Jakob 4:1

Ape talare lạṛhại ar jhogṛa do oka khon hijuk kana? Okako rij roṅ apeakʼ hoṛmoreye lạṛhạikan ona khonge cetʼ onako do baṅ oḍok hijukʼkana?