Kạhtukko 20:23 - সান্তালী বাইবেল

²³ Probhu Isor do baṅ ṭhikakʼ baṭkharae hirkhạwakʼ kana; ar eṛe tulạ do baṅ bhagea.

Kạhtukko 20:23 Iomraidhean Croise

Kạhtukko 11:1

Eṛe tulạ do Probhu Isore kurudakʼa, menkhan hok reakʼ baṭkhara doe kusiyakʼ kana.

Kạhtukko 20:10

Baṅ ṭhikakʼ baṭkhara ar sosoṅakʼ noa banarge Probhu Isor doe hirkhạwakʼkana.

Jeheskel 45:10

Ape do tulạ ar eṭakʼ sosoṅakʼ jinisko ṭhik leka tahentape ma.

Hosea 12:7

Probhu Isore meneda, “Bepari Ephrayim do ṭhok reakʼ tulạgeye beoharetʼkana; uni do julumgeye kusiyakʼkana.

Amos 8:5

Ape dope menetʼkana, “Molokʼ cando do tis baṅ cabakʼ jemon jomakʼle ạkhriń daṛeakʼ? Sabath din baṅ tis paromokʼ jemon bajarre senkate guhumle ạkhriń daṛeakʼ? Ale do sosoṅakʼ baṭkharale komaotalea, ar damle ḍhera, ar ṭhoka reakʼ tulạkole beohara,

Dosar Biboron 25:13

“Apeakʼ thạilạkʼre mitʼṭecʼ do ḍher ojon reakʼ ar mitʼṭecʼ do kom ojon reakʼ nonka bar lekan baṭkhara do alo baṛe tahentapema.