Kạhtukko 2:8 - সান্তালী বাইবেল

⁸ uni do dhorom reakʼ bicạre doho daṛeakʼ, ar uni botoraekankoakʼ hore rukhiyạ daṛeakʼ.

Kạhtukko 2:8 Iomraidhean Croise

Sereńko 1:6

ente Probhu Isor do dhorom hoṛkoakʼ hore moneyakʼa, menkhan bedhoromkoakʼ hor do maraokʼtakoa.

Sereńko 145:20

Okoe Probhu Isorko dulạṛe uni do onko sanamkoe rukhiyạkoa, menkhan sanam bạṛicʼko uni doe ḍahao maraokoa.

Sereńko 23:3

Uni do nãwã daṛeye emạń kana; ar acʼakʼ ńutum iạte dhorom horteye sotokʼ idiyedeń kana.

Sereńko 37:28

Probhu Isor do dhorom bicạre dulạṛetʼa; ar acʼ botoraekanko do bae bạgi giḍikoa. Uni do jaejug hạbicʼe rukhiyạkoa, menkhan bạṛicʼ bõsrenko doe marao giḍikoa.

Sereńko 37:31

Onkoren Isorakʼ hukum do onkoakʼ ontorre menakʼa; onkoakʼ jaṅga do baṅ leńjedokʼtakoa.

Sereńko 66:9

Unige aboye bańcao doho akatʼbona ar aboakʼ jaṅga doe teṅgo ṭarhao ocoakada.

Sereńko 97:10

Okoe Probhu Isorko dulạṛede onko do bedhoromko hirkhạwakʼ ma; ente uni do acʼ sekʼwawaekoe bańcaoetʼkoa ar bạṛicʼ hoṛkoakʼ ti khone rukhiyạyetʼkoa.

Kạhtukko 8:20

Iń do dhorom reakʼ horteń taṛameda, ar dhorom bicạr reakʼ horreń dãṛãnkana.

Jesaea 35:9

Onḍe do cele dhạcri kul hõ bako tahena, cele kaṭaha janwarko hõ ona horte do bako calakʼa; ar onko do onḍe ńelhõ bako ńelokʼ, menkhan eken chakʼḍao ńam hoṛge ona horteko taṛama,

Dosar Biboron 33:3

“Sạrige uni do acʼren hoṛkoe dulạṛetʼkoa. Sonot goḍetko do acʼakʼ tire menakʼkoa, sanamkoge uniyakʼ umulreko taṛameda; ar uniyakʼ hukumko senakʼkana.

1 Patras 1:5

Ar purạ puri bańcao ạuripe ńam hạbicʼ Isorakʼ daṛete biswạs hotete ape dope horho jaṅge ocoakana. Ar mucạtʼ oktere sodorokʼ lạgitʼ ona bańcaokʼ reakʼ do tear dohoakana.

Jihudạwakʼ ciṭhi 1:24

Eken mitʼ goṭen Isor menaea, okoe doe aboren babańcaoicʼ kan uni do apepe tohodokʼ khon bańcaokate niphuṭge acʼakʼ ṭhonok samaṅre rạskạteye hạjir daṛeapea. Sanam jugko reakʼ pạhil khon cetʼ leka tahẽkan onkage ńit hõ ar jaejug hạbicʼ aboren Probhu Jisu Mạsi hotete Isorakʼge ṭhonok, mạhima, daṛe ar ektiạri tahentae ma. Amen.

1 Samuel 2:9

Uni do acʼ bhuktiyae kanko jaṅga do bae tohotʼ ocokoa, ar bedhorom hoṛ do ńutreko ḍahao maraokʼa; ente okoe manwa hõ apnarakʼ daṛete do bae jitạu daṛeakʼa.