Kạhtukko 2:6 - সান্তালী বাইবেল

⁶ ente Probhu Isorge ạkil doe emokʼ kana, uniyakʼ moca khonge bud ar ạkil do oḍokokʼ kana.

Kạhtukko 2:6 Iomraidhean Croise

1 Rapajko 10:24

Solomonakʼ ontorre Isor do oka ạkile emade ona ạkilte perecʼ katha ańjom lạgitʼ dhạrti reakʼ sanam disạm khon uni sãote ńapamokʼ lạgitʼko kurumuṭuyetʼ tahẽkana.

1 Rapajko 3:12

Onate am okaṭakʼem khojakatʼ onageń emama. Iń do amakʼ ontorre nonkan ạkil ar bud bicạr reakʼ daṛeń emama ńelme noa lahare nonka do celege bako tahẽkana ar tayomte hõ onka do ar bako hoyokʼa.

1 Rapajko 3:9

Onate amren hoṛko ḍanṭaoko lạgitʼ okaṭakʼ ṭhik ar okaṭakʼ do bhul kan ona baḍae lạgitʼ amren gutiyakʼ ontorre bujhạu lạgitʼ daṛe emaeme; ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”

1 Rapajko 4:29

Isor do jalapuri aṛe reakʼ gitil leka asambheṛ bud ạkil ar bicạr chinḍạu ar bujhạu reakʼ daṛe Solomone danadea.

1 Bõsbudạ 22:12

Probhu Isor do Israelko ḍanṭaoko reakʼ bhar tinre am cetanreye emokʼa unre uni do bud ar ạkil hõe jimạwama jemon amren Probhu Isorakʼ ạn-ạrikom dohoytae.

Esra 7:25

E Esra, Isor reaṅ amakʼ oka ạkil menakʼ ona lekate am do phurạt gaḍa pạchim aṛeren sanam hoṛko bicạrko lạgitʼ nonkan kạmiyạko ar bikʼcạrkom bahalkoa okoe do amren Isore emakan ạn-ạriko baḍae. Ar okoe ona bako baḍae onko do onape cetʼakoa.

Nehemiạ 7:5

Isor do ińakʼ monreye hudis ocokedińạ jemon manotan hoṛko, mukhiyạko ar disạm hoṛkoń jarwa mitʼ ocokote onko do bõs tạlikareń caṛhao daṛeako. Okoe do pạhilreko ruạṛ hecʼlen onko hoṛkoakʼ bõs tạlika doń ńamkeda. Onare oka ol tahẽkan ona do nonka leka:

Jobakʼ 12:13

“Menkhan akel ar daṛe do Isor ṭhenge menakʼa; sopolha ar buj hõ uni ṭhenge.

Jobakʼ 12:16

Daṛe ar akel do uniyakʼ kangea; ekʼṛeyicʼ ar eṛe ocokʼicʼ bana hoṛge uni latarren kanakin.

Jobakʼ 22:22

Uniyakʼ moca khon sopolha ataṅme, ar uniyakʼ katha amakʼ monre dohoyme.

Jobakʼ 32:8

Sạrige manwa talare jiu do menaegea, ar sanam daṛeanicʼakʼ sahẽtʼge uni doe bujhạu ocoyedekana.

Sereńko 119:104

Amakʼ ạn ạri khon iń do bicạr reakʼ budiń ńameda, onate iń do sanam eṛeakʼ reakʼ horkoń hirkhạwakʼ kana.

Sereńko 119:34

Iń bujhạu lạgitʼ daṛe emạńme, jemon amakʼ hukum lekań senokʼ ar ińakʼ sanam ontorte onań palon daṛeakʼ.

Sereńko 119:98

Amakʼ sanam hukumkoge ińren bạiriko khon akelanicʼe hoyocoyediń kana, ente onako do sanam ghạṛicʼ iń soṅgete tahẽnkana.

Sereńko 19:7

Probhu Isorakʼ ạn do sạbitgetaea, ona do manwae jiwetʼ ocoyea. Probhu Isorakʼ katha do ṭehãḍokʼakʼ kangea, ona do soṛa monanko akele emakoa.

Sereńko 19:8

Probhu Isorakʼ sanam ạnko do sojhe horteye calaoeda, ar ontorre rạskại emokʼ kana. Probhu Isorakʼ hukum do niphuṭgea, ona do ontore cerṭha ocoyeda.

Sereńko 51:6

Am do ontorre sạriyakʼ ńeljoṅem khojkana; ar amge ińakʼ ontor reakʼ khạndritetʼre ạkilem cetʼạń kana.

Sereńko 94:10

Okoe sanam jạtrenkoe ḍanṭaoetʼko are cetʼakokan uni do cetʼ begor sạjại emokʼteye tahẽ daṛeakʼa?

Exodus 31:3

Iń do Besalelge ińren Jiuteń perecʼ akadea. Uni do ạkilte, bujte, bidiạte ar sanam lekan kạrigol kạmi reakʼ daṛeń emakawadea.

Kạhtukko 6:23

ente noako hukum do diuhe leka, noa sikhnạt do marsal leka, ar ḍanṭao reakʼ nisṛạu do jion reakʼ horge.

Sosolhayic̕ 2:26

Okoe Isore kusi ocoye uni do bud, ạkil ar rạskại danaea, menkhan kại hoṛ do dhon-durib jogaṛ lạgitʼ ar ona jogao reakʼ kạmiye emaea, jemon ona do uni hoṛe emawae one okoe do Isore kusi ocoyedekan. Noa hõ ạuṛiyakʼgea, hoe tayomte ńir calakʼkan chaḍa ar cetʼge baṅkana.

Jesaea 54:13

Amren sanam hoponko do Probhu Isor hoteteko cetʼ ocokʼa ar amren hoponkoakʼ bhạlại hoyokʼa.

Jesaea 8:20

Ape do Isorakʼ hukum ar gohako ṭhen calakʼ hoyokʼtapea. Ar Isorakʼ katha leka onko bako roṛ enḍekhan bujhạu hoyokʼa onko talare marsal do bạnukʼa.

Daniel 1:17

Ar Isor do ạkilte, bidiạte, sahittote ar joto lekan bujteye perecʼketʼkoa ar bujhạu reakʼ daṛe hõe danatʼkoa; ar Daniel do sanam lekan dorson ar kukmũ reakʼ bhedko hõe bhaṅgao daṛeakʼkan tahẽkana.

Daniel 2:21

Unige okte ar nạpitko acʼakʼ tabereye dohoyetʼkana; unige rapajko siṅghạsonreye duṛupʼetʼkoa are ńur ocoyetʼkoa. Uni do ạkilanko ạkile danako kana ar budanko do bude emakokana.

Daniel 2:23

E ińren hapṛamkoren Isor, amiń sarhaoetʼme kana, ariń õṛhẽyetʼme kana, ente am do ạkil ar daṛeyem em akawạdińa; ale do okaṭakʼ am ṭhen khon baḍae joṅle khojletʼ ona do ińem baḍae ocoakadińạ; rajakʼ kukmũ reaṅ am do alem baḍae ocoakatʼlea.”

Luk 21:15

ente iń do nonkan katha ar nonkan akeliń emapea, onape roṛ ruạṛakore aperen bạiriko do cetʼhõ bako roṛ daṛeakʼa, ar onahõ bako baṅ daṛeakʼa.

Johan 6:45

Nạbikoakʼ puthire ol akana, ‘onko sanamkoge Isor ṭhen sikhạunako ńama.’ Baba ṭhen khon ańjomkate okoeye cetʼakatʼ unige iń ṭhene hijukʼa.

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.