Kạhtukko 2:13 - সান্তালী বাইবেল

¹³ ar ńut horte calakʼ iạte sojhe horko bạgiyakʼkan,

Kạhtukko 2:13 Iomraidhean Croise

Sereńko 14:3

Uni doe ńelkeda, sanamkoge sạri hor khonko ocokʼ akana, ar jotoge mitʼ domteko bạṛicʼ akana; bhageakʼ kạmi lạgitʼ do okoe hõ bạnukʼkoa, mitʼ hoṛ hõ baṅa.

Sereńko 36:3

Onkoakʼ moca katha do bạṛicʼ ar phạsiạrate perecʼgea; Akelan hoṛko leka calakʼ doko bad akada, ar bhage kạmi hõ bako kạmikana.

Sereńko 82:5

Disạm cakʼlaokoakʼ do bud ar ạkil bạnukʼtakoa, onko do ńutreko dãṛãnkana; ar dhạrti soṅsar reakʼ rehetʼko dalmalaoeda.

Kạhtukko 21:16

Okoe hoṛ bud reakʼ hor bạgikate eṭakʼ secʼe ghańjeṛokʼ uni do gocʼko sãoteye tahena.

Kạhtukko 4:19

Menkhan bedhoromkoakʼ hor do kaṛaṅ ńut; onko do bako baḍaea cetʼreko tohodokʼ kana mente.

Jesaea 59:8

Onko do suluk reakʼ hor bako baḍaea; onkoakʼ horre do hok reakʼ bicạrge bạnukʼa. Onko do akoakʼ horko konḍea akada; ar ona horte calakʼko do sulukokʼ bako baḍaea.

Jeheskel 18:26

Mitʼṭen dhorom hoṛ acʼakʼ dhorom khon ruạṛkateye kại are gujukʼ, enḍekhan uni do acʼakʼ kại gunạkʼteye gujukʼa.

Sephaniạ 1:6

Ar okoe Probhu Isor tayom khonko ruạṛakan ar uniyakʼ sanaleka bako calakʼkan ar uniyakʼ sana baḍaejoṅ bako khojkan onko hõń marao giḍikoa.”

Johan 1:6

Isor do Johan ńutuman mitʼṭen hoṛe kolledea.

Johan 12:35

Jisui metatʼkoa, ar thoṛa dinge ape talare marsaltetʼ menakʼa. Ape ṭhen marsal menakʼrege dãṛãnpe, jemon apere ńut do aloe jitạu daṛeakʼ.

Romiko lạgitʼ Pạul Apostolakʼ ciṭhi 1:21

Manwa do uni reakʼakʼko baḍaekatere hõ Isor mente bako mạhimawadea, ar bako gunmanao joharadea. Onkoakʼ hudisjoṅakʼko do ạuṛiyakʼena ar onkoakʼ bebuj ontor do ńutte perecʼ akana.

2Timothi 4:10

ente Demas do nonḍenakʼ dhạrtiye dulạṛetʼkante iń bạgikate Thessalonikiteye calaoena. Ona chaḍa Kreskes do Galatiạteye calaoena ar Titus do Dalmatiạte;

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.