Kạhtukko 2:1 - সান্তালী বাইবেল

¹ E bạbu, ińakʼ katha baṛem ańjomletiń khan ar amakʼ ontorre ińakʼ sanam hukumkom bae dohokakʼ khan,

Kạhtukko 2:1 Iomraidhean Croise

Jobakʼ 23:12

Uniyakʼ hukum khon do bạń ocokʼ akana; Ińakʼ jạruṛ jomakʼ khon hõ uniyakʼ moca kathage iń ṭhen do bạ̃ṛti damanakʼ tahẽkana.

Sereńko 90:12

Enḍekhan bujhạu ocoleme, aleakʼ bahaokʼ din do thoṛa getalea mente, jemon aleakʼ ontor do akelte perejokʼtale.

Kạhtukko 1:3

ar jemon eṭakʼko sãote hudiskateko calakʼ, jemon onko do jotoko tulucʼ lek leka, hok ar dhorom salakʼko beohar,

Kạhtukko 28:7

Ạn ạrikoe manaoetʼkan uni hopon doe budangea, menkhan okoe do dạrdạharen gatekane uni hopon do apate lajao ocoyea.

Kạhtukko 3:1

E bạbu, ińakʼ sikhnạt do alom hiṛińa, amakʼ goṭa ontorre ińakʼ hukumko dohoyme;

Kạhtukko 4:1

E hoponko, aperen babawakʼ hukum luturakʼpe, ar ạkil ńam lạgitʼ moneyakʼpe.

Kạhtukko 4:10

E bạbu, ańjomme, ińakʼ katha ontorre dohokakʼme, inạkhan ḍher bochor jiwetʼem tahena.

Kạhtukko 6:21

Jaejug hạbicʼ amakʼ monre rebetʼ dohoyme, ona do amakʼ hoṭokʼre bedhaokakʼme.

Kạhtukko 7:1

E bạbu, ińakʼ kathako ańjomme ar ińakʼ sanam hukumko amakʼ ontorre gathao dohokakʼme.

Kạhtukko 8:1

Ạkil do cetʼ bae hohoyeda? Buj do cetʼ ãṭ aṛaṅte katha bae roṛeda?

Kạhtukko 9:1

Ạkil do acʼakʼ oṛakʼe benao akada; uni do dhiri reakʼ eae goṭecʼ khunṭiye bitʼakada.

Mathae 13:44

“Serma raj do goḍare topa oko akatʼ dhon lekana. Mitʼ hoṛ do ona ńamkate arhõe oko dohokada. Inạ tayom uni do rạskạ monteye calaoena ar acʼakʼ oka tahẽkantae ona joto ạkhrińkate ona goḍae kirińkeda.

Luk 2:19

menkhan Mạriạm do jotowakʼ monreye rebetʼ dohokeda, ar okoe hõ bae lạiyatʼkoa; uni do ona reaṅ monre hudisokʼe ehopʼena.

Luk 2:51

Inạ tayom uni do unkin sãote Nasaret atoteye ruạṛ calaoena ar unkinakʼ tabereye tahẽyena. Menkhan eṅgattetʼ do noako reaṅ monreye rebetʼ dohokada.

Luk 9:44

“Ińakʼ noako katha monre rebetʼ dohoype, ente Manwa Hopon do hoṛkoakʼ tireko soprotea.”

Dosar Biboron 30:13

Noa do jalapuri cetan reakʼ jãhãn jinis hõ baṅkana, onepe menke, ‘jalapuri paromkate do okoe bhala onae ańjom ocolea jemon onale manao ar ona lekale sen daṛekokʼ?’

1Timothi 1:15

Noa katha do sạrikana ar purạ puri ataṅ reakʼ hõ lek kana je, kại hoṛ bańcaoko lạgitʼge Jisu Mạsi do noa dhạrtiteye hecʼlena. Ar onko kạkạiko modre iń kangeạń maraṅ kạiyan hoṛ do.