Kạhtukko 19:16 - সান্তালী বাইবেল

¹⁶ Okoe hoṛ Isorakʼ ạn ạrikoe manao uni do acʼakʼ jiwire rukhiyạitaea; menkhan okoe do acʼakʼ jion hor secʼ bae moneyakʼkan uni doe gujukʼa.

Kạhtukko 19:16 Iomraidhean Croise

Jobakʼ 5:2

Khĩs do bebujicʼ hoṛe ses utạrea ar hiskạ do lelhayicʼe gojea.

Kạhtukko 13:13

Okoe hoṛ Isorakʼ kathae nihạ̃t uni do acʼakʼ nosṭokʼe ạgujoṅa, menkhan okoe hoṛ Isorakʼ hukumkoe manao uni do acʼakʼ kuṛạiye ńama.

Kạhtukko 15:32

Okoe hoṛ ḍanṭao bae bạsutakʼ kan uni do apnargeye nihạ̃tokʼa. Menkhan nisṛạu ańjomicʼ do bae hameṭ joṅa.

Kạhtukko 16:17

Bạṛicʼ khon sahaṛ tahenge dhoromkoakʼ hor do; Okoe hoṛ acʼakʼ jion reakʼ hor secʼe moneyakʼ uni do acʼakʼ jiwiye rukhiyạitaea.

Kạhtukko 21:16

Okoe hoṛ bud reakʼ hor bạgikate eṭakʼ secʼe ghańjeṛokʼ uni do gocʼko sãoteye tahena.

Kạhtukko 21:23

Okoe acʼakʼ moca ar alaṅe dobnao uni do muhin khon rukhiyại ńama.

Kạhtukko 22:5

Peṛta hoṛakʼ horre do jạnum ar jhampakoge tahena, menkhan okoe apnarte sontore tahen uni do onako khon sahaṛ akaeye tahena.

Kạhtukko 29:18

Okare Isor do nạbiko hotete acʼakʼ sạriyakʼ bae sodor onḍenko hoṛ doko bhiṅgṛạukʼa; menkhan uni hoṛ doe bhạgangea okoe do Probhu Isorakʼ ạn ạrikoe manaoetʼ.

Kạhtukko 3:1

E bạbu, ińakʼ sikhnạt do alom hiṛińa, amakʼ goṭa ontorre ińakʼ hukumko dohoyme;

Sosolhayic̕ 12:13

Kathako reakʼ mucạtʼ do nokʼõe; tobe ses katha do hoyokʼkana, Isor botoraeme ar uniyakʼ hukumko dohoyme; ente noa kangea manwakoakʼ dạyik do.

Sosolhayic̕ 8:5

Okoe uniyakʼ hukume dohoyetʼ uni do cetʼ bạṛicʼakʼge baṅ paṛaoaea. Ạkilan hoṛkoakʼ mon do ṭhik okte ar kạmi reakʼ dharakoe baḍae oroma.

Jirimiạ 7:23

menkhan noań hukumatʼko tahẽkana, ‘ińakʼ katha leka senokʼpe, iń do aperen Isoriń hoyokʼa ar ape do ińren hoṛpe hoyokʼtińạ. Ar oka horte calakʼ reakʼ iń hukumakatʼpe ona horte calakʼpe jemon bhạlại hoyokʼtape.’

Jeheskel 33:5

Sakwa reakʼ saḍe ańjomkate bae sontorlente uniyakʼ mãyãm do acʼrege paṛaokʼa; are sontorlen khan, jiwi do rukhiyạ daṛekokʼtaea.

Mathae 16:26

Jãhãege goṭa dhạrtiye hameṭte acʼakʼ jiwiye khuạutae enḍekhan cetʼ porho hoyokʼtaea? Se mitʼṭen hoṛ acʼakʼ jiwi bodolte cetʼe emkea?

Luk 10:28

Jisu do uniye metadea, “Am do ṭhikgem roṛ ruạṛ akada. Arem onka idiyetʼkan khan enḍekhan jionem ńama.”

Luk 11:28

Menkhan Jisui menkeda, “Onkogeko bhạgana one okoe do Isorakʼ kathako ańjometʼkan ar ona lekako kạmikan.”

Johan 14:15

“Ińpe dulạṛediń khan ińakʼ sanam hukumkope dohoya.

1 Korinthiko 7:19

Khatna ar bin khatna do cetʼ hõ baṅkana, menkhan Isorakʼ hukum dohoege asolakʼ kana.

1 Johan 3:22

Onate okaṭakʼ bon khojokʼ uni ṭhen khon ona dobon ńamgea, ente uni okakoe hukum akatʼ onako bon manao ar okako kạmiye kusiyakʼ onako bon kạmi.

1 Johan 5:3

Isorakʼ hukumko dohoyge hoyokʼkana Isor dulạṛ do. Uniyakʼ hukum do hamal bojha leka do baṅkana,

Johan sodor 22:14

“Bhạgangeako onko do, one okoe do akoakʼ kicricʼko ạrupʼetʼkan jemon jion dare reakʼ jo jom reakʼ ạidạriko ńam ar duạr secʼte nagrahateko bolo daṛeakʼ.