Kạhtukko 18:22 - সান্তালী বাইবেল

²² Okoe hoṛ bạhuye ńamekan uni do bhore ńama uni do Probhu Isor ṭhen khonge dayae ńama.

Kạhtukko 18:22 Iomraidhean Croise

Genesis 2:18

Ar Probhu Isor doe menkeda, “Manwa eskar tahen do baṅ bhagea. Iń do uni lạgitʼ mitʼṭen lek lekan gateń benaoaea.”

Genesis 24:67

Unre Isahak do acʼ gogowakʼ tạmbure Rebekae idikedea are baplakedea. Uni do Rebekae dulạṛkedea ar eṅgattetʼ ńutumte jiwi raṛecʼentaea.

Genesis 29:28

Jakob do uniyakʼ kathae manaoketʼte ona bapla haptae purạukeda. Ar ona tayom Laban do acʼren hoponera Rahel hõ Jakob sãoteye baplakadea,

Kạhtukko 12:4

Bhage ar gun menakʼtae bạhu do jãwãetetʼ lạgitʼ mukuṭ kanae, menkhan okoeṭakʼ maejiu do lajao paṛaoakʼkoe kạmikan uni do acʼren jãwãeyakʼ sea jaṅ lekanae.

Kạhtukko 19:14

Oṛakʼ duạr ar dhon do apat ṭhen khon ńamokʼa, menkhan budan era do Probhu Isor ṭhen khongeye ńamokʼkana.

Kạhtukko 3:4

Onam onkale khan Isor ar manwa samaṅre am do daya ar ńutum hoyokʼtama.

Kạhtukko 8:35

Ente okoe ińe ńameńkan uni do jione ńama ar Probhu Isor ṭhen khon dayae ńama.

Sosolhayic̕ 9:9

Siń cando latarre Isor okako dine emakawatʼme, amakʼ jion reakʼ onako dinre amren bạhu, okoe dom dulạṛede, uni sãote sukte khemaome, ente siń cando latarre amakʼ jion ar amakʼ kosṭoteakʼ khaṭaokʼre noa do amakʼ kuṛại kana.

Hosea 12:12

Jakob do Aram disạmteye dạṛleda; ar Israel do bạhu ńame lạgitʼ din mạjur reakʼe kạmileda ar bhiḍi gupi kạmi hõe kạmileda.

1 Korinthiko 7:2

Menkhan goṭa ṭạnḍige loṭghuṭi hoyokʼ kana, onate mimitʼ herel hoṛren do rinicʼtetʼe tahentaema, ar mimitʼ maejiuren hõ jãwãetetʼe tahentaema.

Rut reakʼ kạhini 4:10

Ar gocʼ akanicʼakʼ sompotti ar ńutum jemon rukhiyạkʼtae onate Mahlonren rạnḍi bạhu Rut hõ ińren bạhu menteń ataṅede kana. Ar onate bõsko tala khon ar atorenko tala khon gocʼ akanicʼakʼ ńutum do baṅ meṭaokʼtaea. Ape do teheń noa sanamakʼren gohakope hoyena.”